അടപ്രഥമൻ

ആവശ്യമുള്ള സാധനങ്ങൾ

• ഉണക്കലരി 1 ലിറ്റർ
• നെയ്യ് 100 മി.ലി
• ശർക്കര 2 കിലോ
• പാല്‍ മൂന്നര ലിറ്റർ
• കൊട്ടത്തേങ്ങാ അരമുറി
• കിസ്മസ് 100 ഗ്രാം
• അണ്ടിപ്പരിപ്പ് 100 ഗ്രാം
• ജീരകം 1 സ്പൂണ്‍
• ചുക്ക് 2 ചെറിയ കഷണം

തയ്യാറാക്കേണ്ട വിധം

ഉണക്കലരി നന്നായി കുതിർത്ത് ഇടിച്ച് മാവാക്കുക. മാവിൽ നെയ്യ് ഒഴിച്ച് ആവശ്യത്തിന് വെള്ളം ചേർത്ത് നേർപ്പിക്കണം. അതിനു ശേഷം വാഴയിലയിൽ ഈ നേർപ്പിച്ച മാവ് വളരെ കനം കുറച്ച് പരത്തിയ ശേഷം ഇല ചുരുട്ടിവക്കുക. ഉരുളിയിൽ വെള്ളം എടുത്തു തിളപ്പിച്ച ശേഷം ചുരുട്ടിയ ഇല വെള്ളത്തിൽ മുക്കിവെച്ച് അരമണിക്കൂർ വേവിക്കുക. അങ്ങനെ മാവ് വെന്തുകഴിഞ്ഞാൽ വാങ്ങി കുട്ടയിലിട്ട് കുറെ തണുത്തവെള്ളം അതിന്മേൽ ഒഴിക്കുക. അങ്ങനെ ചെയ്താൽ ഇലയിൽ നിന്ന് മാവ് വേഗം ഇളകിപോരും ഇലയിൽ നിന്നും ഇളക്കി എടുത്ത വേവിച്ച മാവ് മറ്റൊരു കുട്ടയിൽ ഇട്ട് വെള്ളം ഉള്ളത് വാർന്നു പോകണം.

ഉരുളിയിൽ വെള്ളം എടുത്ത് തിളപ്പിച്ച് ശർക്കര അതിലിട്ട് അലിയിക്കുക. അതിനു ശേഷം അട ശർക്കര ലായനിയിൽ ഇട്ട് നന്നായി ഇളക്കി വരട്ടുക. വരട്ടുമ്പോൾ പകുതി നെയ്യ് ഒഴിക്കാം. ഇളക്കുമ്പോൾ ചട്ടുകത്തിന്റെ പിൻവശത്ത് ഉരുളി കാണുന്ന സമയം കാൽ ലിറ്റർ പാല്‍ ചേർത്തുവേണം വരട്ടുവാൻ. ഈ പാല്‍ പകുതി കണ്ടു പറ്റിയിരിക്കുന്നതായി കാണുമ്പോൾ  ഒന്നര ലിറ്റർ പാല്‍ കൂടി ഒഴിച്ച് തിളപ്പിക്കുക. രണ്ടാമതു പാല്‍ ഒഴിച്ച് തിളപ്പിക്കുമ്പോൾ ഉണ്ടാകുന്ന പതക്ക് ചുമപ്പ് രേഖ കാണുമ്പോൾ ഉരുളി അടുപ്പത്തു നിന്നും വാങ്ങി വയ്ക്കുക. അതിനുശേഷം 2 ലിറ്റർ പാല്‍ ഒഴിച്ച് ഇളക്കുക. കൊട്ടതേങ്ങ ചെറുതായി അരിഞ്ഞതും കാമ്പു കളഞ്ഞ കിസ്മസും കപ്പലണ്ടിയും നെയ്യില്‍ വറുത്തെടുത്ത് പ്രഥമനില്‍ ഇട്ട് ഇളക്കി ചേർക്കുക. ജീരകവും ചുക്കും കൂടി പൊടിച്ചെടുത്ത് പാത്രത്തിൽ വിതറി ഇട്ട് ഇളക്കണം.

[Read More...]

വൈനുണ്ടാക്കുമ്പോൾ ഇവ ശ്രദ്ധിക്കാം

1. നന്നായി അടയ്ക്കാവുന്ന അടപ്പുള്ള ഭരണി തിളച്ച വെള്ളവും സോപ്പും ഉപയോഗിച്ച് കഴുകി ഉണക്കുക.
2. വൈനുണ്ടാക്കുന്ന ചേരുവകൾ എല്ലാം ചേർത്തതിനുശേഷം ഭരണിയുടെ വക്കിൽ നിന്ന് 5 ഇഞ്ചു താഴ്ന്നു നില്ക്കണം. വൈന്‍ പുളിച്ചു പൊങ്ങുന്നതിനുവേണ്ടിയാണ്. അല്ലെങ്കില്‍ വീര്യംകൊണ്ട് ഭരണി പൊട്ടിപ്പോകും.
3. ഭരണി തുണികൊണ്ട് അയച്ചു മൂടിക്കെട്ടിയാൽ മതി.
4. യീസ്റ്റും പഞ്ചസാരയും അരക്കപ്പ് ചെറു ചൂടുവെള്ളവും കൂടി ചേർത്തിളക്കി 10 മിനിട്ട് പുറത്തുവച്ച് പൊങ്ങിയശേഷം ഭരണിയിലൊഴിക്കാം.
5. എല്ലാ ദിവസവും കൃത്യസമയത്ത് മരത്തവി കൊണ്ട് 5 മിനിട്ട് ഇളക്കണം.
6. വൈന്‍ ഊറ്റുമ്പോൾ മട്ടു കലങ്ങാതിരിക്കുവാന്‍ സൈഫണ്‍ ചെയ്യാന്‍ ശ്രദ്ധിക്കണം.
7. വൈന്‍ നിറമുള്ള കുപ്പികളിൽ സൂക്ഷിക്കുക.
8. കുപ്പി നിറയ്ക്കുമ്പോൾ വക്കു വരെ നിറയ്ക്കരുത്. കുപ്പിയുടെ വക്കിൽ നിന്ന് 3 ഇഞ്ച് താഴ്ന്നു നില്ക്കണം.
9. വൈന്‍ പഴകുന്തോറും ഗുണം കൂടും. നെല്ലിലോ മണ്ണിലോ കുഴിച്ചിട്ടാൽ നല്ലതാണ്.
10. മൂടിക്കെട്ടിവച്ചിരിക്കുന്ന വീഞ്ഞ് കൂടെക്കൂടെ തുറന്നു നോക്കരുത്.
11. വൈനിന് ഏറ്റവും നല്ലത് ഉണ്ടഗോതമ്പാണ്.

[Read More...]

Blueberry Cheesecake (No Bake)

YOU'LL NEED...

• 8 oz. cream cheese, softened at room temperature 1/2 cup plain yogurt
• 1/2 cup heavy cream
• 3 tbsp sugar
• 2 tbsp lemon juice
• 1 tbsp powdered gelatin
• 1 cup frozen blueberries
• 3 tbsp sugar
• 2 tsp lemon juice
• 2/3 tsp powdered gelatin
• 3 oz. crushed biscuits
• 3 tbsp butter, melted
• 10 fresh blueberries (optional)
• edible flower (optional)

LET'S GET COOKING...

Combine frozen blueberries, 3 tbsp sugar and 2 tspn lemon juice in a bowl. Microwave for 2 minutes. Add 2/3 tspn powdered gelatin and mix well. Set aside.
In a bowl, combine the softened cream cheese, yogurt, half the amount of heavy cream, 3 tbsp sugar and 2 tbsp lemon juice. Mix well until smooth.
Heat the rest of the cream in the microwave until just before boiling. Add 2/3 tspn powdered gelatin to combine. Add this to the cream cheese mixture and mix until smooth.
Divide the mixture evenly into three separate bowls. Add all the berries and half the blueberry mixture liquid into one bowl. Pour in the rest of the liquid into the second bowl. Leave the last bowl as is.
Pour in the blueberry cheesecake mixtures into the crust starting with the darkest one, finishing with the plain cheesecake mixture. Refrigerate for 2-3 hours. Decorate with blueberries and edible flowers if desired.

(tastemade.com)

[Read More...]

സ്ട്രോബെറി വൈൻ

ചേരുവകൾ 

• സ്ട്രോബെറി - 2 കിലോഗ്രാം 
• പഞ്ചസാര - 1 കിലോ 
• തിളപ്പിച്ച വെള്ളം - 4 .25 ലിറ്റർ 
• ഉണക്കമുന്തിരി - 50 ഗ്രാം 
• ചെറുനാരങ്ങ - 1 എണ്ണം 
• യീസ്റ്റ് - 2 ടീസ്പൂണ്‍ 
• പിങ്ക് ഫുഡ്‌ കളർ - 1 ടീസ്പൂണ്‍ (ആവശ്യമെങ്കിൽ)

തയ്യാറാക്കുന്ന വിധം 

• സ്ട്രോബറി നല്ല പോലെ കഴുകി തുണി വെച്ച് തുടച്ചു തീരെ വെള്ളം ഇല്ലാതാക്കി എടുക്കണം 
• വെള്ളം തിളപ്പിച്ച്‌ കുറച്ചു ഒന്ന് ചൂടാറാൻ വേണ്ടി വെയ്ക്കണം 
• ഇനി സ്ട്രോബെറി ഉടച്ചെടുത്ത് നല്ല പോലെ കഴുകി വൃത്തിയാക്കി ഡ്രൈ ആയിട്ടുള്ള ജാറിലേക്ക് ചേർക്കാം ഒപ്പം തന്നെ പഞ്ചസാരയും ശേഷം ഒരു പുതിയ മരത്തിന്റെതുപോലുള്ള സ്പൂണ്‍ / തവി പുതിയത് ഉപയോഗിച്ച് നല്ല പോലെ ഇളക്കി കൊടുക്കാം 
• അടുത്തത് ഇതിലേക്ക് ചൂട് കുറഞ്ഞ വെള്ളം , ഉണക്കമുന്തിരി എന്നിവ ചേർത്ത് മിക്സ്‌ ചെയ്യണം കളർ ചെർക്കുന്നുണ്ടെങ്ങിൽ ഇപ്പോൾ ചേർക്കാം 
• ഇനി ജാർ അടപ്പ് വെച്ച് അടച്ചതിനു ശേഷം ഒരു ദിവസം അങ്ങിനെ തന്നെ ഇരിക്കട്ടെ . അടുത്ത ദിവസം കുറച്ചു ഇളം ചൂട് വെള്ളത്തിൽ യീസ്റ്റ് മിക്സ്‌ ചെയ്തു ഇളക്കി എടുത്തു ടയിറ്റ് ആയി അടച്ചു വെയ്ക്കുക 
• ഇനി രണ്ടാഴ്ച ദിവസത്തിൽ ഒരു പ്രാവശ്യം എന്ന കണക്കിന് ഇതിനെ ഒന്ന് ഇളക്കി എടുക്കണം രണ്ടാഴച്ചയ്ക്ക് ശേഷം നല്ല വൃത്തിയുള്ള മുസ്ലിൻ തുണി വെച്ച് വേറെ ഒരു ഡ്രൈ ആയിട്ടുള്ള ജാറിലേക്ക് അരിച്ചെടുക്കണം ശേഷം വായു കടക്കാത്ത രീതിയിൽ അടച്ചു തണുപ്പുള്ള ഭാഗത്ത്‌ വെയ്ക്കണം ഇനിഗിനെ രണ്ടു മാസത്തോളം അനക്കാതെ വെച്ചതിനുശേഷം വീണ്ടും ഇതിനെ അരിച്ചെടുക്കണം അരിച്ചെടുത്ത്‌ വർണ്ണ കുപ്പികളിൽ ആയി സൂക്ഷിച്ചു വെച്ച് ഉപയോഗിക്കാം.

[Read More...]

♥Valentine's Day Red Velvet Truffles♥

Here’s what you will need:

(Makes 30-40 truffles)

♥ 1 box red velvet cake mix, prepared according to instructions
♥ 8 oz cream cheese, softened
♥ 16 oz white chocolate chips
♥ Toppings of your choice!

Directions:

In a bowl, crumble the red velvet cake. Mix in cream cheese until smooth. Roll into 1- to 2-Tbsp.-sized balls, and chill. Melt the white chocolate, then roll the balls in it to coat evenly. Decorate! Let the chocolate harden before serving.

via http://bzfd.it/1oxxhmF

[Read More...]

മല്ലിയില ചട്ണി

ചേരുവകള്‍

• മല്ലിയില അരിഞ്ഞത് കാല്‍ക്കപ്പ്
• വെളുത്തുള്ളി 5 അല്ലി
• തേങ്ങ ചിരകിയത് ഒരുകപ്പ്
• കറിവേപ്പില, ഉപ്പ്പാകത്തിന്
• ഇഞ്ചി ഒരുകഷ്ണം

തയ്യാറാക്കുന്നവിധം

മല്ലിയില അരിഞ്ഞത്, വെളുത്തുള്ളി, തേങ്ങ ചിരകിയത്, കറിവേപ്പില, ഉപ്പ്, ഇഞ്ചി എന്നിവ മിക്‌സിയില്‍ ചമ്മന്തിപ്പരുവത്തില്‍ അരച്ചെടുക്കുക. ഒരു ചെറിയ കഷ്ണം ചെറുനാരങ്ങ പിഴിഞ്ഞ് കൂട്ടിക്കലര്‍ത്തി ഉപയോഗിക്കാം.

[Read More...]

കേരള കോഴിക്കറി

ആവശ്യമുള്ള സാധനങ്ങള്‍

• കോഴി (ചെറിയ കഷണങ്ങളാക്കിയത്‌) - ഒരു കിലോ
• സവാള (ചെറുതായി അരിഞ്ഞത്‌) - 250 ഗ്രാം
• പച്ചമുളക്‌ - (വട്ടത്തില്‍ മുറിച്ചത്‌) - അഞ്ച്‌ എണ്ണം
• ഉള്ളി (ചെറുതായി അരിഞ്ഞത്‌) - നാല്‌ എണ്ണം
• ഇഞ്ചി - രണ്ട്‌ കഷണം
• വെളുത്തുള്ളി - ആറ്‌അല്ലി
• (2 പച്ചമുളക്‌, ഉള്ളി, ഇഞ്ചി, വെളുത്തുള്ളി എന്നിവ വെവ്വേറെ ചതയ്‌ക്കുക)
• മല്ലിപ്പൊടി - ഒരു ടേബിള്‍സ്‌പൂണ്‍
• കുരുമുളകുപൊടി - അര ടേബിള്‍ സ്‌പൂണ്‍
• മഞ്ഞള്‍പ്പൊടി - ഒരു നുള്ള്‌
• കുരുമുളക്‌ - നാല്‌ എണ്ണം
• ഗ്രാമ്പൂ - നാല്‌എണ്ണം
• കറുവാപ്പട്ട - രണ്ട്‌ കഷണം
• പെരുംജീരകം - അരടീസ്‌പൂണ്‍
• (കുരുമുളക്‌, ഗ്രാമ്പൂ, കറുവാപ്പട്ട, പെരുംജീരകം എന്നിവ നന്നായി അരയ്‌ക്കുക)
• കശകശ (കുതിര്‍ത്ത്‌ അരച്ചത്‌) - രണ്ട്‌ ടേബിള്‍സ്‌പൂണ്‍
• വെളുത്തുള്ളി ചതച്ചത്‌ -ഒന്ന്‌
• തേങ്ങ (രണ്ടാംപാലും മൂന്നാം പാലും എടുക്കുക) - ഒരു മുറി
• ഉപ്പ്‌ - പാകത്തിന്‌
• വിനാഗിരി - പാകത്തിന്‌
• ഡാല്‍ഡ/ എണ്ണ - ആവശ്യത്തിന്‌
• കിഴങ്ങ്‌ (തൊലികളഞ്ഞ്‌ ചെറിയ
• കഷണങ്ങളാക്കിയത്‌) - അരക്കിലോ
• തക്കാളി (കഷണങ്ങളാക്കിയത്‌) -രണ്ട്‌എണ്ണം

തയാറാക്കുന്ന വിധം

കഷണങ്ങളാക്കിയ കോഴിയില്‍ ഉപ്പ്‌, കുരുമുളക്‌, ഇറച്ചി മസാല, മഞ്ഞള്‍പ്പൊടി, വിനാഗിരി ചേര്‍ത്ത്‌ അരമണിക്കൂര്‍വയ്‌ക്കുക. ചൂടായ പാനില്‍ എണ്ണയൊഴിച്ച്‌ പകുതി സവാള ഇട്ട്‌ വഴറ്റുക. വാടുമ്പോള്‍ സവാള കോരി മാറ്റുക. എണ്ണയിലേക്ക്‌ ബാക്കി സവാള, ചതച്ച പച്ചമുളക്‌, ഉള്ളി, ഇഞ്ചി, വെളുത്തുള്ളി ഇട്ട്‌ വഴറ്റുക. ശേഷം അരച്ച മസാല, വെളുത്തുള്ളി, മല്ലിപ്പൊടി ചേര്‍ത്ത്‌ മൂപ്പിക്കുക. ബ്രൗണ്‍നിറം ആകുമ്പോള്‍ കോഴിക്കഷണങ്ങളിട്ട്‌ വഴറ്റുക. രണ്ടാംപാലും മൂന്നാംപാലും ഒഴിച്ച്‌ ഇറച്ചി വേവിക്കുക. മുക്കാല്‍ വേവാകുമ്പോള്‍ കിഴങ്ങ്‌ ചേര്‍ക്കുക. വെന്തു കുറുകുമ്പോള്‍ കശകശ പാലില്‍ കലക്കി ചേര്‍ക്കുക. വഴറ്റിയ സവാള, കുരുമുളകുപൊടി എന്നിവ ചേര്‍ക്കുക. പത്തുമിനിറ്റ്‌ തിളപ്പിക്കുക. തക്കാളിയും ഒന്നാംപാലും ചേര്‍ത്ത്‌ വാങ്ങുക.

[Read More...]

കാരമല്‍ ബ്രെഡ് പുഡിങ്

ചേരുവകള്‍:

• ബ്രെഡ് -മൂന്ന് കഷ്ണം
• പാല്‍ -മൂന്ന് കപ്പ്
• മുട്ട -മൂന്നെണ്ണം
• പഞ്ചസാര -ആറ് ടേബ്ള്‍ സ്പൂണ്‍
• വാനില എസന്‍സ് -മൂന്ന് തുള്ളി

തയാറാക്കുന്ന വിധം:

ബ്രെഡിന്‍െറ വശങ്ങള്‍ നീക്കി നാലു കഷ്ണങ്ങളാക്കുക. തിളപ്പിച്ചാറിയ പാലില്‍ അഞ്ചു ടേബ്ള്‍ സ്പൂണ്‍ പഞ്ചസാര ചേര്‍ത്ത് ഇതില്‍ ബ്രെഡ് മുക്കി വെക്കുക. മിക്സിയില്‍ മുട്ട നന്നായി അടിക്കുക. ഇതില്‍ പാല്‍കൂട്ടും എസന്‍സും ചേര്‍ത്ത് നന്നായി അടിക്കുക. ചുവടു കട്ടിയുള്ള പാത്രത്തില്‍ ബാക്കി പഞ്ചസാര ചേര്‍ത്ത് കാരമലാക്കുക. നെയ്യ് തടവിയ പാത്രത്തിലേക്ക് പഞ്ചസാര കാരമല്‍ ഒഴിച്ച് പരത്തുക. ഇതിലേക്ക് പുഡിങ് മിശ്രിതം ചേര്‍ത്ത് ആവിയില്‍ വേവിക്കുക.

[Read More...]

കല്ലുമ്മേക്കായ ഉലര്‍ത്തിയത്‌

ആവശ്യമുള്ള സാധനങ്ങള്‍

• വൃത്തിയാക്കിയ കല്ലുമ്മേക്കായ - 500 ഗ്രാം
• തേങ്ങാ തിരുമ്മിയത്‌ - അരക്കപ്പ്‌
• മുളകുപൊടി - ഒരു ടേബിള്‍സ്‌പൂണ്‍
• മഞ്ഞള്‍പ്പൊടി - അരടീസ്‌പൂണ്‍
• കുരുമുളക്‌ ചതച്ചത്‌ - അരടീസ്‌പൂണ്‍
• ഇഞ്ചി അരിഞ്ഞത്‌ - അരടീസ്‌പൂണ്‍
• വെള്ളം - ഒരു കപ്പ്‌
• വാളന്‍പുളി - ഒരു ടീസ്‌പൂണ്‍
• ഉപ്പ്‌ - ഒരു ടീസ്‌പൂണ്‍
• വെളിച്ചെണ്ണ - ഒരു ടേബിള്‍സ്‌പൂണ്‍
• ചുവന്നുള്ളി അരിഞ്ഞത്‌ - പന്ത്രണ്ട്‌ എണ്ണം
• വെളുത്തുള്ളി അരിഞ്ഞത്‌ - നാല്‌
• കറിവേപ്പില - പാകത്തിന്‌

തയാറാക്കുന്ന വിധം

കല്ലുമ്മേക്കായയില്‍ വെളുത്തുള്ളി, ചുവന്നുള്ളി, കറിവേപ്പില, വെളിച്ചെണ്ണ ഇവ ഒഴികെ ബാക്കി ചേരുവകള്‍ ചേര്‍ക്കുക. വെള്ളം മുക്കാലും വറ്റുന്നതുവരെ ഏകദേശം അഞ്ചുമിനിറ്റ്‌ വേവിക്കുക. ചീനച്ചട്ടിയില്‍ വെളിച്ചെണ്ണ ചൂടാക്കി, ഇതില്‍ ചുവന്നുള്ളി ഇട്ട്‌ മൂപ്പിക്കുക. അതിനുശേഷം വെളുത്തുള്ളി, കറിവേപ്പില എന്നിവ ചേര്‍ത്ത്‌ രണ്ടുമിനിറ്റു കൂടി മൂപ്പിക്കണം. ഉള്ളി നേരിയ ബ്രൗണ്‍നിറമാവുന്നതുവരെ മൂപ്പിക്കണം. ഇതില്‍ വേവിച്ച കല്ലുമ്മേക്കായും വെന്ത വെള്ളവും കൂടി ഒഴിച്ച്‌ ഏകദേശം അഞ്ചുമിനിറ്റ്‌ നല്ലതുപോലെ ഇളക്കി ഉലര്‍ത്തിയെടുക്കുക.

[Read More...]

മസാല ചതച്ച നാടന്‍ താറാവുകറി

ചേരുവകള്‍

• ഇളയ താറാവിറച്ചി - ഒരു കിലോ (ഇടത്തരം കഷണങ്ങളാക്കിയത്‌)
• ചെറിയ ഉള്ളി - അരക്കിലോ (നീളത്തിലരിഞ്ഞത്‌)
• ഇഞ്ചി - ഒരു വലിയ കഷണം
• വെളുത്തുള്ളി - എട്ട്‌ അല്ലി
• പച്ചമുളക്‌ - ഏഴെണ്ണം
• മഞ്ഞള്‍പ്പൊടി - ഒരു ടീസ്‌പൂണ്‍
• കുരുമുളക്‌ - ഒരു ടേബിള്‍സ്‌പൂണ്‍(ഇവയെല്ലാം അമ്മിക്കല്ലില്‍ ചതയ്‌ക്കണം)
• മുളകുപൊടി - ഒന്നരടീസ്‌പൂണ്‍
• മല്ലിപ്പൊടി - രണ്ട്‌ ടേബിള്‍സ്‌പൂണ്‍
• ഗരംമസാല (ചതച്ചത്‌) - ഒരു ടീസ്‌പൂണ്‍
• (വെള്ളത്തില്‍ കുതിര്‍ത്തുവയ്‌ക്കുക.)
• പഴുത്ത തക്കാളി - മൂന്നെണ്ണം (നീളത്തില്‍ അരിഞ്ഞത്‌)
• കട്ടിത്തേങ്ങാപ്പാല്‍ - ഒരു കപ്പ്‌
• കടുക്‌ - ഒരു ടീസ്‌പൂണ്‍
• കറിവേപ്പില - രണ്ട്‌ തണ്ട്‌
• വെളിച്ചെണ്ണ - മൂന്ന്‌ ടേബിള്‍സ്‌പൂണ്‍
• ഉപ്പ്‌ - പാകത്തിന്‌

തയാറാക്കുന്നവിധം

താറാവ്‌ കഴുകി വൃത്തിയാക്കി ചതച്ച മസാലക്കൂട്ടും പാകത്തിന്‌ ഉപ്പും ചേര്‍ത്ത്‌ പുരട്ടിവയ്‌ക്കുക. ശേഷം അരക്കപ്പ്‌ വെള്ളവും അരിഞ്ഞ തക്കാളിയും ചേര്‍ത്ത്‌ കുക്കര്‍ ഉപയോഗിച്ച്‌ വേവിച്ചുമാറ്റുക.ഒരു മണ്‍ചട്ടിയില്‍ എണ്ണ ചൂടാക്കി ചെറിയ ഉള്ളി വഴറ്റുക. ഇതിലേക്ക്‌ കുതിര്‍ത്തുവച്ച മസാലക്കൂട്ടും ചേര്‍ത്ത്‌ നന്നായി വഴറ്റി മൂപ്പിക്കുക. മസാല മൂത്ത്‌ എണ്ണ തെളിയുമ്പോള്‍ വേവിച്ച ഇറച്ചി അതിന്റെ ചാറോടുകൂടി ഇതിലേക്ക്‌ തട്ടി നന്നായി ഇളക്കി യോജിപ്പിച്ച്‌ തിളപ്പിക്കുക. ഇതിലേക്ക്‌ കറിവേപ്പിലയും ചേര്‍ത്ത്‌ ഉപ്പിന്റെ പാകവും നോക്കിയശേഷം വേണമെങ്കില്‍ കുറച്ചുകൂടി ചേര്‍ക്കാം. ഇതിലേക്ക്‌ തേങ്ങാപ്പാല്‍ ചേര്‍ത്ത്‌ ചാറ്‌ കൊഴുത്തു തുടങ്ങുമ്പോള്‍ അടുപ്പില്‍നിന്ന്‌ ഇറക്കി കുറച്ച്‌ എണ്ണയില്‍ കടുക്‌, കറിവേപ്പില, ചെറിയ ഉള്ളി എന്നിവ തളിച്ച്‌ ഉപയോഗിക്കാം.

[Read More...]

മീന്‍ മുളകിട്ടത്‌

ആവശ്യമുള്ള സാധനങ്ങള്‍

• നെയ്‌മീന്‍ - 300 ഗ്രാം
• ചെറിയ ഉള്ളി (ചെറുതായി മുറിച്ചത്‌) - പത്ത്‌ എണ്ണം
• പച്ചമുളക്‌ (വട്ടത്തില്‍ മുറിച്ചത്‌)- ആറെണ്ണം
• വെളുത്തുള്ളി (ചതച്ചത്‌ )- ഏഴ്‌ അല്ലി
• തക്കാളി (വലുത്‌ നാലായി മുറിച്ചത്‌) - രണ്ടെണ്ണം
• മുളകുപൊടി - മൂന്ന്‌ ടേബിള്‍സ്‌പൂണ്‍
• മഞ്ഞള്‍പ്പൊടി - ഒരു ടീസ്‌പൂണ്‍
• പുളി - ഒരു ചെറുനാരങ്ങാ വലുപ്പത്തില്‍
• ഉലുവ - ഒരു ടീസ്‌പൂണ്‍
• കടുക്‌ - ഒരു ടീസ്‌പൂണ്‍
• വെളിച്ചെണ്ണ - രണ്ട്‌ ടേബിള്‍സ്‌പൂണ്‍
• കറിവേപ്പില - രണ്ട്‌ തണ്ട്‌
• ഉപ്പ്‌ - പാകത്തിന്‌

തയാറാക്കുന്നവിധം

നെയ്‌മീന്‍ കഷണങ്ങളായി മുറിച്ച്‌ വൃത്തിയായി കഴുകി എടുക്കുക. പുളി അല്‌പം വെള്ളത്തില്‍ കുതിര്‍ത്തുവയ്‌ക്കണം. ഒരു മണ്‍ചട്ടിയില്‍ വെളിച്ചെണ്ണയൊഴിച്ച്‌ ചൂടാകുമ്പോള്‍ കടുക്‌ ഇട്ട്‌ പൊട്ടിച്ചതിനുശേഷം ഉലുവ, ഉള്ളി, പച്ചമുളക്‌, വെളുത്തുള്ളി എന്നിവ കൂടെ ഇട്ട്‌ അല്‌പം നിറം മാറുന്നതുവരെ ഇളക്കുക. തുടര്‍ന്ന്‌ മുളകുപൊടിയും മഞ്ഞള്‍പ്പൊടിയും ചേര്‍ത്തിളക്കുക. മീനും കറിവേപ്പിലയും ഉപ്പും ചേര്‍ത്ത്‌ കഷണങ്ങള്‍ വെന്ത്‌ ചാറ്‌ അല്‌പം കുറുകിയാല്‍ ഇറക്കി ഇളക്കി ഉപയോഗിക്കാം.

[Read More...]

മിൻസ്ഡ് മീറ്റ് നിറച്ച കാബേജ് റോൾസ്

ആവശ്യമുള്ള സാധനങ്ങള്‍

• കാബേജ് 10 ഇല 
• മിൻസ് ചെയ്ത ബീഫ് അല്ലെങ്കിൽ ചിക്കൻ അരക്കിലോ 
• വിനാഗിരി ഒരു ചെറിയ സ്പൂൺ 
• കോൺഫ്ളവർ അര വലിയ സ്പൂൺ 
• സോയാസോസ് അര വലിയ സ്പൂൺ 
• ഉപ്പ് പാകത്തിന് 
• എണ്ണ രണ്ടു വലിയ സ്പൂൺ 
• ഇഞ്ചി രണ്ടു കഷണം ചെറുതായി അരിഞ്ഞത് 
• വെളുത്തുള്ളി ചെറുതായി അരിഞ്ഞത് ഒരു വലിയ സ്പൂൺ 
• പച്ചമുളക് മൂന്ന്, ചെറുതായി അരിഞ്ഞത് 

സോസിന് 

• സോയോസോസ് ഒരു വലിയ സ്പൂൺ 
• വെള്ളം അഞ്ചു വലിയ സ്പൂൺ 
• ഉപ്പ് പാകത്തിന് 
• കോൺഫ്ളവർ അര ചെറിയ സ്പൂൺ, ഒരു വലിയ സ്പൂൺ വെള്ളത്തിൽ കലക്കിയത് 

പാകം ചെയ്യുന്ന വിധം 

∙ വെള്ളം തിളപ്പിച്ച് അതിൽ അൽപം എണ്ണയൊഴിച്ച്, അതിൽ കാബേജ് ഇലയിട്ടു തിളപ്പിച്ചു വാട്ടിയെടുക്കുക 
∙ മിൻസ് ചെയ്ത ഇറച്ചി മൂന്നാമത്തെ ചേരുവ ചേർത്തിളക്കി അര മണിക്കൂർ വയ്ക്കുക. 
∙ എണ്ണ ചൂടാക്കി അഞ്ചാമത്തെ ചേരുവ വഴറ്റിയശേഷം മിൻസ്ഡ് മീറ്റ് ചേർത്തിളക്കി നന്നായി വഴറ്റി വേവിക്കുക 
∙ വേവിച്ച ഇറച്ചി 10 ഭാഗങ്ങളാക്കുക 
∙ ഓരോ ഭാഗവും ഓരോ കാബേജ് ഇലയിൽ പൊതിഞ്ഞു 15 മിനിറ്റ് ആവിയിൽ വേവിച്ചശേഷം വിളമ്പാനുള്ള പാത്രത്തിലാക്കി വയ്ക്കുക. 
∙ സോസ് തയാറാക്കാൻ ആറാമത്തെ ചേരുവ യോജിപ്പിച്ച് കോൺഫ്ളവർ കലക്കിയതും ചേർത്തിളക്കി അടുപ്പിൽ വച്ചു തിളപ്പിച്ചു കുറുക്കണം. 
∙ ഇതു കാബേജ് റോൾസിനും മുകളിൽ ഒഴിച്ചു ചൂടോടെ വിളമ്പുക

[Read More...]

ഉണക്കച്ചെമ്മീന്‍ ചമ്മന്തി

ആവശ്യമുള്ള സാധനങ്ങള്‍ 

• ഉണക്കച്ചെമ്മീന്‍ - ഒരു കപ്പ്‌ 
• തേങ്ങ ചിരകിയത്‌ - ഒരു കപ്പ്‌ 
• ചെറിയ ഉള്ളി - പന്ത്രണ്ടെണ്ണം 
• മുളകുപൊടി - ഒരു ടേബിള്‍സ്‌പൂണ്‍ 
• വാളന്‍പുളി - ഒരു നുള്ള്‌ 
• വെളിച്ചെണ്ണ - ഒരു ടേബിള്‍സ്‌പൂണ്‍ 
• ഉപ്പ്‌ - പാകത്തിന്‌ 

തയാറാക്കുന്നവിധം 

ഉണക്കച്ചെമ്മീന്‍ എണ്ണ ചേര്‍ക്കാതെ വറുത്തശേഷം ചതച്ചെടുക്കുക. ഒരു ടേബിള്‍സ്‌പൂണ്‍ വെളിച്ചെണ്ണ ചൂടാക്കി ചെറിയഉള്ളി വഴറ്റുക. തേങ്ങ ചിരകിയത്‌, മുളകുപൊടി എന്നിവ വഴറ്റുക. വാളന്‍പുളി ചേര്‍ക്കുക. ചെമ്മീന്‍ ചേര്‍ക്കുക. അല്‌പം വെളിച്ചെണ്ണകൂടി ചേര്‍ക്കുക. 

[Read More...]

ശര്‍ക്കര പായസം

ആവശ്യമുള്ള സാധനങ്ങള്‍

• പച്ചരി - 500 ഗ്രാം
• ശര്‍ക്കര - 300 ഗ്രാം
• ചെറുപയര്‍ പരിപ്പ് - 50 ഗ്രാം
• നെയ്യ് - 250 ഗ്രാം
• അണ്ടി പരിപ്പ് - 50 ഗ്രാം
• കിസ്മസ് - 25 ഗ്രാം
• ഏലക്കായ് - 5 ഗ്രാം
• തേങ്ങാ - 1

തയ്യാറാക്കേണ്ട വിധം

ഒരു ഉരുളിയില്‍ ചെരുപയര്‍ പരിപ്പ് ഇട്ട് വെള്ളം ഒഴിച്ചു വേവിക്കുക. ചെറുപയര്‍ പരിപ്പ് നല്ലതുപോലെ വേവുന്നതിനു മുന്‍പായി കുറച്ചു വെള്ളം കൂടി ചേര്‍ത്ത് ശര്‍ക്കരയും അതിലിടുക. ശര്‍ക്കര അലിഞ്ഞു കഴിയുമ്പോള്‍ എടുത്തുവെച്ചിരിക്കുന്ന പച്ചരിയും അതിലിടുക. പച്ചരി നല്ലതുപോലെ കഴുകി അരിച്ചെടുത്തതായിരിക്കണം. അങ്ങനെ അരിവേകാറാകുമ്പോള്‍ അണ്ടിപരിപ്പും കിസ്മസ്സു നെയ്യും കൂടി അതിലിടുക. അണ്ടിപരിപ്പും കിസ്മസ്സും ഏലക്കായ് നെയ്യില്‍ വറുത്തതായിരിക്കണം. ഏലക്കായ് നല്ലതുപോലെ പൊടിച്ചതും ആയിരിക്കണം. ഇവയെല്ലാം ചേര്‍ത്ത മിശ്രിതം നല്ലതു പോലെ ഇളക്കണം. തേങ്ങാചുരണ്ടി എടുത്ത് നെയ്യില്‍ വറുത്തെടുത്ത് അതും ചേര്‍ക്കുക. അരിയുടെ വേവു പാകമാകുമ്പോള്‍ ഇറക്കിവെക്കുക. സ്വല്പം കാറ്റു കൊണ്ടാല്‍ ഈ മിശ്രിതം കുറച്ചുകൂടി കട്ടിയായിക്കൊള്ളും.

[Read More...]

ചക്ക ഷേക്ക്

ആവശ്യമായ സാധനങ്ങള്‍:

• നന്നായി പഴുത്ത വരിക്കച്ചക്കച്ചുളകള്‍ : ഒരു കപ്പ്
• പാല്‍ : രണ്ട് കപ്പ്
• വാനില ഐസ്‌ക്രീം : രണ്ട് ടേബിള്‍ സ്പൂണ്‍
• പഞ്ചസാര : ആവശ്യത്തിന്

തയാറാക്കുന്ന വിധം:

കുരുകളഞ്ഞ ചക്കച്ചുളകളും പാലും പഞ്ചസാരയും ഐസ്‌ക്രീമും കൂടി മിക്‌സിയില്‍ നന്നായി അടിച്ചെടുക്കുക.

ഇനി ഫ്രിഡ്ജില്‍ വച്ച് തണുപ്പിച്ചോളൂ. രസികന്‍ ചക്ക ഷേക്ക് റെഡി.

[Read More...]

ഓറഞ്ച്‌ പുഡ്‌ഡിംഗ്‌

ആവശ്യമുള്ള സാധനങ്ങള്‍

• ഓറഞ്ച്‌ ജ്യൂസ്‌- രണ്ട്‌ കപ്പ്‌
• ജലാറ്റിന്‍- രണ്ടര ടേബിള്‍ സ്‌പൂണ്‍
• ചൂടുവെള്ളം- ഒന്നര കപ്പ്‌
• കണ്ടന്‍സിഡ്‌ മില്‍ക്ക്‌- 400 മില്ലി ലിറ്റര്‍
• നാരങ്ങാ നീര്‌-രണ്ട്‌ ടേബിള്‍ സ്‌പൂണ്‍

തയാറാക്കുന്ന വിധം

ജലാറ്റിന്‍ ചൂടുവെള്ളത്തില്‍ കുതിര്‍ത്ത്‌ ചൂടാക്കി ഉരുക്കി വയ്‌ക്കുക. ഓറഞ്ച്‌ ജ്യൂസ്‌, നാരങ്ങാനീര്‌, കണ്ടന്‍സിഡ്‌ മില്‍ക്ക്‌ ഒന്നിച്ച്‌ യോജിപ്പിക്കുക. ഇതിലേക്ക്‌ ജലാറ്റിന്‍ ഉരുക്കിയത്‌ ഒഴിച്ച്‌ ഇളക്കുക. ഇത്‌ ഒരു ബൗളിലേക്ക്‌ പകര്‍ന്ന്‌ ഫ്രിഡ്‌ജില്‍ വച്ച്‌ തണുപ്പിച്ച്‌ വിളമ്പാം.

[Read More...]

കടുകുമാങ്ങാ (കടൂമാങ്ങാ) അച്ചാര്‍

ചേരുവകൾ:

• മാങ്ങാ – 5 എണ്ണം
• വെളുത്തുള്ളി – ഒരു കുടം(നാട്ടിലെ ആണെങ്കില്‍ 2 ,വിദേശത്ത് കിട്ടുന്നത് ആണെങ്കില്‍ 1, ഒരു കാര്യം മറക്കണ്ട, വെളുത്തുള്ളി നമ്മുടെ ശരീരത്തിന് വളരെ നല്ലത് ആണെങ്കിലും പല കറികളിലും ഇത് കൂടി പോയാല്‍ രുചി മാറി പോകും.അതിനാല്‍ ഒരു കുടം എന്നത് കൂടണ്ട കേട്ടോ )
• 
  
• ഇഞ്ചി -ഒരു വലിയ കഷണം( ഇഞ്ചി അല്പം കൂടുതല്‍ എടുത്താലും കുഴപ്പമില്ല,പക്ഷെ കുറയരുത്‌)
• കടുക് –1 1/2 ടീസ്പൂണ്‍
• കാശ്മീരി മുളക് പൊടി - 4 ടീസ്പൂണ്‍ : ഇത് തന്നെ നല്ല എരിവു കാണും,എരിവു കൂട്ടണമെങ്കില്‍ 2 ടീസ്പൂണ്‍ കടി കൂട്ടിക്കോളു
• 
  
• മഞ്ഞപ്പൊടി - 1/2 ടീസ്പൂണ്‍
• ഉപ്പ് - പാകത്തിന്
• നല്ലെണ്ണ - രണ്ടു ടേബിള്‍ സ്പൂണ്‍ ; നല്ലെണ്ണ തന്നെ വേണം
• കായം - 1/2 ടീസ്പൂണ്‍
• ഉലുവാപൊടി - 1 ടീസ്പൂണ്‍
• കറി വേപ്പില - 2-3 കതിര്‍

തയ്യാറാക്കുന്ന വിധം:

മാങ്ങാ കഴുകി തൊലി ചെത്താതെ ചെറുതായി അരിയുക. ഇനി നല്ല പോലെ കഴുകി വാരി വയ്ക്കുക.. വെള്ളം തോര്‍ന്നു കഴിഞ്ഞു ഒരു പാത്രത്തില്‍ മാങ്ങാ ഇട്ടു പാകത്തിന് ഉപ്പും കുറച്ചു മഞ്ഞപ്പൊടിയും ചേര്‍ത്തു ഒരു ദിവസം ഫ്രിഡ്ജില്‍ വെച്ചേക്കുക. (മഞ്ഞള്‍പ്പൊടി ചേര്‍ക്കുന്നത് അച്ചാര്‍ ഇടുമ്പോള്‍ മാങ്ങാ വെളുത്തിരിക്കാതിരിക്കാന്‍ ആണ്). മാങ്ങാ ഒരു ദിവസം ഇങ്ങനെ ഉപ്പില്‍ പുരട്ടി വെച്ചിരുന്നിട്ടു തന്നെ ഇടണം.... എന്നാലേ നല്ല രുചി കിട്ടൂ......

അടുത്ത ദിവസം ഈ മാങ്ങാ അച്ചാറിടാം. മാങ്ങാ ഫ്രിഡ്ജില്‍ നിന്നും പുറത്തെടുത്തു കുറച്ചു സമയം തണുപ്പ് മാറാന്‍ വയ്ക്കുക.. ഇനി ഇതില്‍ ഒരു ടീസ്പൂണ്‍ കടുക് ചതച്ചിടുക. ഇനി ഒരു ചീനച്ചട്ടിയില്‍ നല്ലെണ്ണ ഒഴിച്ച് ചൂടാകുമ്പോള്‍ കടുകും കറി വേപ്പിലയും താളിച്ച്‌ ഇഞ്ചി വെളുത്തുള്ളി എന്നിവ അരിഞ്ഞതും നന്നായി വഴറ്റുക. ഇതിലേക്ക് 4 ടീസ്പൂണ്‍ മുളക് പൊടിയിട്ടു പെട്ടെന്ന് തീയണച്ചു ഇളക്കി മാങ്ങയും തട്ടിഇടുക.. പെട്ടെന്ന് തന്നെ തീയ് അണച്ചില്ലെങ്കില്‍ മുളക് പൊടി കരിഞ്ഞു കറുത്ത് പോകും... അച്ചാറിന്‍റെ രുചിയും പോകും. കാണാനും ഒരു ഭംഗി’ ഉണ്ടാകില്ല. തീയ് അണച്ചതിനു ശേഷം ഉടനെ തന്നെ ഒരു ടീസ്പൂണ്‍ ഉലുവാപ്പൊടി ചേര്‍ക്കുക, 1/2 ടീസ്പൂണ്‍ കായവും. ഇനി എല്ലാം കൂടി ഒന്ന് ഇളക്കി യോജിപ്പിക്കുക. ഉപ്പ് പാകത്തിന് ഉണ്ടോ എന്ന് നോക്കിയിട്ട് വേണമെങ്കില്‍ ഇപ്പോള്‍ ചേര്‍ക്കാം. കടുമാങ്ങ ചൂട് ആറി കഴിയുമ്പോള്‍ ഒരു കുപ്പിയില്‍ ആക്കി അടച്ചു ഫ്രിഡ്ജില്‍ വയ്ക്കുക.

ടിപ്സ് :

മാങ്ങയ്ക് പുളി ഉള്ളത് ആയതിനാല്‍ വിനാഗിരിയുടെ ആവശ്യമില്ല. (പുളി ഒട്ടും ഇല്ലാത്ത മാങ്ങ ആണെങ്കില്‍ മാത്രം കുറച്ചു വിനാഗിരി ചേര്ക്കാം) എണ്ണ അധികം ഉപയോഗിക്കാതെ ഉണ്ടാക്കിയത് ആയതു കൊണ്ട് ഫ്രിഡ്ജില്‍ തന്നെ സൂക്ഷിക്കണം. അല്ലെങ്കില്‍ കേടായി പോകും. വെള്ളം ഒഴിക്കേണ്ട ആവശ്യമില്ല. മുളക് പൊടി ചേര്‍ത്തു ഒരു മിനിട്ട് പോലും ചൂടാക്കണ്ട അവശ്യമില്ല. അല്ലെങ്കില്‍ നിറം മാറി പോകും,  ഇതറിയാവുന്നര്‍ മുളക് പൊടി ചൂടാക്കാതെ തന്നെ നേരെ മാങ്ങയില്‍ ചേര്ക്കുകയാണ് ചെയ്യുന്നത്. മുളകുപൊടിയും മഞ്ഞള്പൊടിയും വെള്ളത്തില്‍ കലക്കി പേസ്റ്റ് പരുവത്തില്‍ ആക്കി ചേര്‍ത്താലും മതി. കായം ഉണ്ടെങ്കില്‍ അതാണ്‌ കായ പൊടിയേക്കാള്‍ കൂടുതല്‍ നല്ലത്. ഈ അച്ചാര്‍ ഉണ്ടാക്കി കഴിഞ്ഞു അപ്പോള്‍ മുതല്‍ ഉപയോഗിക്കാവുന്നതാണ്. ഏതാനും ദിവസം വെച്ചശേഷം ഉപയോഗിച്ചാല്‍ രുചി ഏറും. ഉപയോഗിക്കുമ്പോള്‍ നനവുള്ള സ്പൂണ്‍ ഇടാതിരിക്കുക.

[Read More...]

Bread Potato Rolls

Ingredients:

• 4 bread slices, (bread should be firm)
• 2 medium size potatoes boiled peeled and mashed (this will make about 1-1/4 cup mashed potatoe)
• 1/4 cup green peas, boiled
• 1 teaspoon oil
• 1/4 teaspoon cumin seeds (jeera)
• 1/2 teaspoon salt
• 1/8 teaspoon red chili powder
• 1/2 teaspoon mango powder (amchoor)
• 1 tablespoon Cilantro (hara dhania), finely chopped
• 1 green chili (hari mirch) minced; adjust to taste
• 1 teaspoon ginger (adrak),finely chopped
• Oil to fry

Method

Heat the oil in a frying pan and add the cumin seed. When the cumin seed starts to crack, add green peas, green chili, and ginger, and stir for a few seconds.
Add the potatoes and all the spices (chili powder, mango powder, salt, cilantro) and stir-fry for a minute. Turn off the heat.
Taste the mixture; it should be a little spicier than you like, as it will taste milder inside the bread. Set aside
Trim the edges of the bread slices and cut them into two pieces. Set aside.
Roll 1½ tablespoons of the mixture at a time into an oval shape. Make twelve rolls. (The size of the potato rolls will depend on the size of the bread).
Fill a small bowl with water to wet the bread. Dip one side of a slice of the bread lightly in the water. Place the slice between your palms and press, squeezing out the excess water. This makes the bread
moist.
Place the filling in the center of this bread and mold the bread to completely cover it all around, giving an oval shape. Repeat to make all the rolls. Before frying, let them sit for about five minutes. (This
will evaporate some of the water from the bread so that it absorbs less oil while frying; also making the bread rolls crisper).
Heat the oil in a frying pan on medium high heat. Drop the rolls slowly into it, taking care not to overlap them.
Fry the bread rolls until they are golden brown, turning occasionally. This should take about two to three minutes. Take them out over a paper towel.
Serve them hot with hari cilantro chutney and tamarind sweet and sour chutney.

(Manjulas Kitchen)

[Read More...]

കാബേജ് തോരന്‍

ആവശ്യമുള്ള സാധനങ്ങള്‍

• കാബേജ് (അരിഞ്ഞത്) - 500ഗ്രാം
• തേങ്ങ - ഒരു പകുതി (ചിരകിയത്)
• പച്ചമുളക് - നാലെണ്ണം(നെടുകെ പിളർന്നത്)
• ഉപ്പ് - പാകത്തിന്
• കറിവേപ്പില - രണ്ട് തണ്ട്
• മഞ്ഞള്‍ ‍- പാകത്തിന്
• കടുക് - 25ഗ്രാം
• വറ്റല്‍ മുളക് - രണ്ടെണ്ണം
• ഉഴുന്നുപരിപ്പ് - അര സ്പൂണ്‍

പാകം ചെയ്യുന്ന വിധം:

കാബേജ് അരിഞ്ഞതിലേയ്ക്കു തേങ്ങ ചിരകിയതും പച്ചമുളക് കീറിയതും മഞ്ഞളും പാകത്തിന് ഉപ്പും ചേർത്ത് നന്നായി തിരുമ്മുക. ചീനച്ചട്ടിയില്‍ വെളിച്ചെണ്ണ ചൂടാക്കി കടുക്, വറ്റല്‍ മുളക്, ഉഴുന്നു പരിപ്പ്, കറിവേപ്പില എന്നിവ ചേർത്ത് താളിക്കുക. ഇതിലേയ്ക്കു തിരുമ്മിയ കാബേജ് ചേർത്ത് അല്പം വെള്ളം തൂകി അടച്ചു വേവിയ്ക്കുക. മൂന്നു മിനുറ്റിനു ശേഷം മൂടി തുറന്ന് നന്നായി ഇളക്കുക. വെള്ളം പൂർണ്ണമായും വറ്റിയ ശേഷം അടുപ്പില്‍ നിന്നുമിറക്കുക.

[Read More...]

കുക്കുംബര്‍ മുജീറ്റോ

ആവശ്യമുള്ള സാധനങ്ങള്‍

• സാലഡ്‌ കുക്കുംബര്‍ – ഒരെണ്ണം പകുതി (ചെറുതായി അരിഞ്ഞത്‌)
• ചെറുനാരങ്ങാനീര്‌ – ഒരു ടേബിള്‍സ്‌പൂണ്‍
• പഞ്ചസാര – ഒരു ടേബിള്‍സ്‌പൂണ്‍
• പുതിനയില – ഒരു ടീസ്‌പൂണ്‍

തയാറാക്കുന്ന വിധം

സാലഡ്‌ കുക്കുംബറും ചെറുനാരങ്ങാനീരും പഞ്ചസാരയും പുതിനയിലയും ആവശ്യത്തിന്‌ വെള്ളം ചേര്‍ത്ത്‌ മിക്‌സിയില്‍ അരച്ചെടുക്കുക. ഇത്‌ ഒരു ഗ്ലാസിലേക്ക്‌ പകര്‍ന്നശേഷം സാലഡ്‌ കുക്കുംബര്‍ ചെറുതായി അരിഞ്ഞത്‌ ഇതിലേക്കിട്ട്‌ വിളമ്പാം.

[Read More...]

ഉഴുന്നു വട

ആവശ്യമുള്ള സാധങ്ങൾ: 

• ഉഴുന്ന് – അര കിലോ, 
• അരിപ്പൊടി – രണ്ട്   ടേബിൾ സ്പൂൺ, 
• ചോറ്  രണ്ട് ടേബിള്‍ സ്പൂണ്‍,  
• കുരുമുളക് ചെറുതായി പൊടിച്ചത് –  നാലു ടീ സ്പൂൺ, 
• കറിവേപ്പില, പച്ചമുളക്, ഇഞ്ചി,   ഉപ്പ്, വെളിച്ചെണ്ണ എന്നിവ ആവശ്യത്തിന്   

ഉണ്ടാക്കുന്ന വിധം:  

ഉഴുന്ന് രണ്ടുമണിക്കൂർ കുതിർക്കുക.ഉഴുന്ന്  രണ്ടുമണിക്കൂറിൽ കൂടുതൽ കുതിരാനിടയാകരുത്. കറിവേപ്പിലയും പച്ചമുളകും ഇഞ്ചിയും ചെറുതായി  അരിയുക. ഒട്ടും വെള്ളം ചേർക്കാതെ, നല്ല മയത്തിൽ ഉഴുന്ന് അരച്ചെടുക്കണം. (മിക്സിയില്‍  വെള്ളമില്ലാതെ ചോറും ചേര്‍ത്ത് അരച്ചെടുക്കുക).ഇതിൽ  അരിഞ്ഞുവച്ച ചേരുവകളും പാകത്തിന് ഉപ്പും  കുരുമുളക് ചെറുതായി പൊടിച്ചതും ചേർത്ത് നന്നായി  യോജിപ്പിക്കുക. അവസാനം അരിപ്പൊടി വിതറി  മെല്ലെ ഇളക്കി യോജിപ്പിക്കുക. (വടയ്ക്ക് നല്ല  കരുകരുപ്പ് കിട്ടാനാണ് സ്വല്പം അരിപ്പൊടി  ചേർക്കുന്നത്.) മാവ് അരച്ചുകഴിഞ്ഞാൽ  കഴിയുന്നതും വേഗം വട ഉണ്ടാക്കണം.  വെളിച്ചെണ്ണ ചൂടാവാൻ വെക്കുക. ഇനി വട  ഷേപ്പ് ചെയ്ത് എണ്ണയിലിടാം. വട ഷേപ്പ്  ചെയ്യാൻ തുടങ്ങുതിനുമുൻപ് ഒരു പാത്രത്തിൽ കുറച്ചു  വെള്ളം അടുത്തു വയ്ക്കുക. മാവ് എടുക്കുന്നതിനുമുൻപ്  അദ്യം കൈപ്പത്തി രണ്ടും വെള്ളത്തിൽ മുക്കുക  (മാവ് കയ്യിൽ ഒട്ടാതിരിക്കാനാണ് വെള്ളത്തിൽ  മുക്കുന്നത്). എന്നിട്ട് കുറച്ചു മാവെടുത്ത്  കൈവെള്ളയിൽ വച്ച് ഒന്നമർത്തി നടുക്കൊരു  ദ്വാരമുണ്ടാക്കുക.ഇത് ഷെയിപ്പ് നഷ്ടപ്പെടാതെ  മറ്റേകയ്യിലേക്ക് മറിച്ചശേഷം ഉടനെ ചൂടായ  എണ്ണയിലേക്ക് വഴുക്കിയിറക്കുക. കയ്യിലെ  വെള്ളമയം നഷ്ടപ്പെടുന്നതിനുമുമ്പ്…ഈ  കാര്യങ്ങളൊക്കെ പെട്ടെന്നു ചെയ്യണം .  വീണ്ടും കൈകൾ വെള്ളത്തിൽ മുക്കുക, അടുത്ത വട  റെഡിയാക്കി എണ്ണയിടുക. (ഓരോ വടയ്ക്കുള്ള  മാവ് എടുക്കുന്നതിനുമുമ്പും കൈകൾ വെള്ളത്തിൽ  മുക്കണം). അദ്യമൊന്നും ശരിയാവില്ല. കുറേ  പ്രാവശ്യം ഉണ്ടാക്കി പരിചയമായാൽ നന്നായിട്ടു  ചെയ്യാൻ പറ്റും. ഉഴുന്നുവട മൂത്തുകിട്ടാൻ കുറച്ചു  സമയമെടുക്കും. നന്നായി മൊരിഞ്ഞിട്ടേ  കോരിയെടുക്കാവൂ..  വട തയ്യാറായിക്കഴിഞ്ഞു! ചമ്മന്തിയോ,  ചട്ണിയോ, സാമ്പാറോ കൂട്ടിക്കഴിക്കാം. 

ഉഴുന്നുവടയുണ്ടാക്കുമ്പോൾ പ്രധാനമായും രണ്ടു  കാര്യങ്ങളാണ് ശ്രദ്ധിക്കേണ്ടത്. ഒന്ന്, ഉഴുന്ന്  രണ്ടുമണിക്കൂറിൽ കൂടുതൽ കുതിരാനിടരുത്. രണ്ട്, മാവ്  അരച്ചുകഴിഞ്ഞാൽ കഴിയുന്നതും വേഗം വട  ഉണ്ടാക്കണം.വൈകുന്തോറും വട  എണ്ണകുടിക്കാനുള്ള സാധ്യത ഏറും.

(മിനി ജോണ്‍സണ്‍)

[Read More...]

കക്കയിറച്ചി റോസ്റ്റ്

ചേരുവ‍ - 1

• കക്കയിറച്ചി - വൃത്തിയാക്കി എടുത്തത് ഒരു കിലോ

ചേരുവ‍ - 2

• ചുവന്നുള്ളി അരിഞ്ഞത് 250 ഗ്രാം
• ഇഞ്ചി ചതച്ചത് ഒരു കഷ്‌ണം
• വെളുത്തുള്ളി 5-6 എണ്ണം

ചേരുവ‍ - 3

• മുളകുപൊടി 3 ടീസ്‌പൂണ്‍
• മഞ്ഞള്‍പൊടി 1 ടീസ്‌പൂണ്‍
• ഗരംമസാല
• 2 ടീസ്‌പൂണ്‍
• കുരുമുളക്പൊടി 3 ടീസ്‌പൂണ്‍

ചേരുവ - 4

• എണ്ണ ആവശ്യത്തിന്
• ഉള്ളി അരിഞ്ഞത് കുറച്ച് മതി
• തേങ്ങാക്കൊത്ത് ഒരു കഷ്‌ണം
• കുറച്ച് കുരുമുളക് ചതച്ചത്
• പച്ചമുളക്
• കറിവേപ്പില

തയ്യാറാക്കുന്നവിധം

കക്കയിറച്ചിയ്ക്കൊപ്പം ഉപ്പ്, വെളുത്തുള്ളി, ഇഞ്ചി ചതച്ചത്, മുളക് പൊടി, മഞ്ഞള്‍പ്പൊടി, ഗരംമസാലപൊടി, കുരുമുളക് പൊടി എന്നിവ ചേര്‍ത്ത് വെള്ളത്തില്‍ വേവിക്കുക(വെള്ളം അധികം വേണ്ട). ഏകദേശം 10-15 മിനിട്ട് വേവിക്കുമ്പോള്‍ വെള്ളം വറ്റിയിരിക്കും. ഇതിനുശേഷം എണ്ണ ചൂടാക്കി കടുക് വറുക്കുക. ഇതിലേക്ക് ഉള്ളി അരിഞ്ഞത്, തേങ്ങാക്കൊത്ത്, പച്ചമുളക്, കറിവേപ്പില കുരുമുളക് ചതച്ചത് എന്നിവ ഇടണം. ഇത് മൂത്തുവരുമ്പോള്‍, ഇതിലേക്ക് വേവിച്ചുവെച്ചിരിക്കുന്ന കക്കയിറച്ചി ചേര്‍ക്കണം. ആവശ്യത്തിന് എണ്ണ ചേര്‍ത്ത് നന്നായി ഇളക്കി വേവിക്കണം. ഒരു അഞ്ചു മിനിട്ട് ഇളക്കി വേവിക്കണം. ഇപ്പോള്‍ സ്വാദിഷ്‌ഠമായ കക്കയിറച്ചി റോസ്റ്റ് തയ്യാറായിട്ടുണ്ട്. ചൂടോടെ വിളമ്പാം...

[Read More...]