ഫിഷ് കൊഫ്ത

ചേരുവകൾ:

• മീന്‍ - ഒരു കിലോ അരിഞ്ഞത്
• ബേലീഫ് - രണ്ടെണ്ണം
• ഗ്രാമ്പൂ - ആറെണ്ണം
• കുരുമുളക് പൊടി - അര ടീസ്പൂണ്‍
• കടുക്, മഞ്ഞള്‍ - ഒരു ടീസ്പൂണ്‍ വീതം
• പട്ട - ഒരു കഷണം
• ഏലക്ക - അഞ്ചെണ്ണം
• എണ്ണ - ഒന്നര കപ്പ്
• സവാള - നാലെണ്ണം പൊടിയായരിഞ്ഞത്
• മുട്ട - രണ്ടെണ്ണം
• മൈദ - നാല് ടേ.സ്പൂണ്‍
• മല്ലിയില, ജീരകം - ഒരു ടീസ്പൂണ്‍ വീതം
• കശകള്‍, മല്ലി - രണ്ട് ടേ. സ്പൂണ്‍ വീതം
• മല്ലിയില - കുറച്ച്, അലങ്കരിക്കാന്‍
• തൈര് - ഒന്നേകാല്‍ കപ്പ്
• വെളുത്തുള്ളി - ആറ് അല്ലി
• ഇഞ്ചി - രണ്ട് കഷണം
• ഉപ്പ് - പാകത്തിന്

പാകം ചെയ്യുന്ന വിധം:

മീന്‍ വലിയ ഒരു പാത്രത്തില്‍ ഇടുക. ഇതില്‍ ബേലീഫ്, ഗ്രാമ്പൂ, കുരുമുളക്, പട്ട, ഏലക്ക, ഉപ്പ് എന്നിവ ചേര്‍ത്ത് 500  മി.ലി. വെള്ളമൊഴിച്ച് തിളപ്പിക്കുക. ചെറുതീയില്‍ അടച്ചുവെച്ച് വേവിക്കുക. വാങ്ങി മീന്‍കഷണങ്ങള്‍ മാറ്റി മുള്ള് മാറ്റുക. ഇനിയത് നന്നായി ഉടക്കുക. ഒരു ടേ.സ്പൂണ്‍ എണ്ണ ഒരു പാനില്‍ ഒഴിച്ച് ചൂടാക്കി സവാളയില്‍ മൂന്നില്‍ ഒരുഭാഗമിട്ട് പൊന്‍നിറമാകും വരെ വഴറ്റുക. ഇതില്‍ മുട്ട, മൈദ, മല്ലിയില, ഒരു ടീസ്പൂണ്‍ ഇഞ്ചി അരച്ചത് എന്നിവ ചേര്‍ത്ത് വെക്കുക. കൈയില്‍ എണ്ണ തടവുക. ഇത് ചെറു ഉരുളകളാക്കി മാറ്റുക. ഇവ ചൂടെണ്ണയില്‍ വറുത്ത് കോരുക. നാല് ടേ. സ്പൂണ്‍ എണ്ണ ചൂടാക്കി മിച്ചമുള്ള സവാളയിട്ട് പൊന്‍നിറമാകും വരെ വറുക്കുക. ഒന്ന്-രണ്ട് മിനിറ്റ് ഇളക്കുക. രണ്ട്-നാല് ടീസ്പൂണ്‍ വെള്ളം തളിക്കാവുന്നതാണ്. വാങ്ങുക. ജീരകം, മല്ലി, കശകള്‍ എന്നിവ എണ്ണ ചേര്‍ക്കാതെ വറുത്ത് പൊടിച്ച് സവാളക്കൂട്ടില്‍ ചേര്‍ക്കുക. തൈര് അടിച്ചതും മഞ്ഞളുമായി ചേര്‍ക്കുക, എല്ലാം കൂടി ചേര്‍ത്ത് എണ്ണ തെളിയും വരെ അടുപ്പത്ത് വെച്ചശേഷം വാങ്ങുക. മീന്‍ വേവിച്ച വെള്ളം ഒഴിച്ച് 10 മിനിറ്റ് വേവിക്കുക. കൊഫ്തകള്‍ ചേര്‍ത്ത് 20-30 മിനിറ്റ് ചൂടാക്കി വാങ്ങി മല്ലിയിലയിട്ടലങ്കരിച്ച് ചോറിനൊപ്പം വിളമ്പുക.

[Read More...]

മത്തി മുളകിട്ടത്

ചേരുവകൾ 

•  മത്തി - 6 എണ്ണം 
•  കാശ്മീരിചില്ലി പൌഡർ 3 അല്ലെങ്കിൽ 4 സ്പൂണ്‍ 
•  മഞ്ഞൾ പൊടി -അര സ്പൂണ്‍ 
•  ഉലുവ- ഒരു നുള്ള്
•  കടുക് 
•  ഇഞ്ചി - ചെറിയ കഷ്ണം
•  കുഞ്ഞുള്ളി - 4 എണ്ണം
•  വെളുത്തുള്ളി -3 എണ്ണം
•  മല്ലിപൊടി -കാൽ സ്പൂണ്‍
•  ഉപ്പ്‌ വെളിച്ചെണ്ണ്‍ , വേപ്പില
•  ഉണക്ക മുളക് - 2 എണ്ണം
•  കുടം പുളി -2 ചെറിയ കഷ്ണം (കുതിർത്തത് )

തയാറാക്കുന്നു വിധം 

ചൂടായ വെളിച്ചെണ്ണയിൽ, ഉലുവയും, കടുകും, ഉണക്ക മുളകും മൂപ്പിക്കുക, ഇഞ്ചി, ഉള്ളി, വെളുതുള്ളി അരിഞ്ഞത് ചേർത്ത്മൂക്കാൻ തുടങ്ങുബോൾ , പൊടികൾ ., ചേർത്ത് കരിയാതെ ഇളക്കുക . കുടമ്പുളിയും ,ആവശ്യത്തിനു വെള്ളവും ചേർത്ത് തിളക്കുബോൾ ,ഉപ്പു ചേര്ക്കുക . മത്തിയും , വേപ്പിലയും (കറി വേപ്പില) ചേർക്കുക. വെന്തു അല്പം കുറികിയ പരുവത്തിൽ ആകുമ്പോൾ , പച്ച വെളിച്ചെണ്ണയും , വേപ്പിലയും (കറിവേപ്പില) ചേർത്ത് വാങ്ങാം

[Read More...]

ഫിഷ് ബോൾസ്

ആവശ്യമുള്ള സാധനങ്ങൾ

• മീൻ - അരക്കിലോ (ഏതെങ്കിലും)
• സവാള - രണ്ടെണ്ണം (കൊത്തിയരിഞ്ഞത്)
• ഉരുളക്കിഴങ്ങ ്- രണ്ടെണ്ണം (പുഴുങ്ങിഉടച്ചത്്)
• മുട്ട - ഒരെണ്ണം (അടിച്ചെടുത്തത്)
• പച്ചമുളക ്- മൂന്നെണ്ണം (ചെറുതായി അരിഞ്ഞത്)
• ഇഞ്ചി - ഒരു കഷണം (ചെറുതായി അരിഞ്ഞത്)
• മുളകുപൊടി - ഒരു ടേബിൾ സ്പൂൺ
• എണ്ണ - പാകത്തിന്
• വിനാഗിരി - ഒരു ടീസ്പൂൺ
• ബ്രഡ് പൊടിച്ചത് - ഒരു കപ്പ്
• ഉപ്പ്  - പാകത്തിന്

തയാറാക്കുന്ന വിധം

മീൻ കഴുകി വൃത്തിയാക്കി വിനാഗിരി ചേർത്ത് വേവിക്കുക. വെന്തുകഴിയുമ്പോൾ മുള്ള് നീക്കിയെടുക്കാം. ഒരു ഫ്രയിംഗ് പാനിൽ എണ്ണ ചൂടാക്കി പച്ചമുളക്,ഇഞ്ചി, സവാള അൽപ്പം ഉപ്പ് എന്നിവ ചേർത്ത് വഴറ്റി എടുക്കുക.

ഇതിലേക്ക് മീൻ,ഉരുളക്കിഴങ്ങ് എന്നിവയും മുളകുപൊടിയും ചേർത്ത് ഇളക്കി നന്നായി വഴറ്റുക. തണുത്ത ശേഷം ചെറിയ ഉരുളകളാക്കി മുട്ടയിൽ മുക്കി റൊട്ടിപ്പൊടിയിൽ പൊതിഞ്ഞെടുത്ത് വറുത്തെടുക്കാം.

[Read More...]

മീന്‍ കട്‌ലററ്‌

ചേരുവകൾ 

•  മീന്‍ അരക്കിലോ
•  പച്ചമുളക് എട്ടെണ്ണം
•  സവാള നാലെണ്ണം
• ഇഞ്ചി നാലു കഷണം
•  റൊട്ടിപ്പൊടി അര കപ്പ്
•  മുട്ട രണ്ടെണ്ണം
• റൊട്ടി (വെള്ളത്തില്‍ മുക്കിപിഴിഞ്ഞെടുത്തത്) നാലു കഷണം

തയാറാക്കുന്ന വിധം  

മീന്‍ വൃത്തിയാക്കി വേവിച്ച് മുള്ളും തൊലിയും മാറ്റി നുറുക്കിവെക്കുക. സവാള, ഇഞ്ചി, പച്ചമുളക് എന്നിവ പൊടിയായി അരിയണം. രണ്ടു ടീസ്​പൂണ്‍ എണ്ണ ചൂടാകുമ്പോള്‍ മുറിച്ച ചേരുവകള്‍ ഇട്ട് നന്നായി ഇളക്കണം. എന്നിട്ട് ഇറക്കി മീന്‍ ചേര്‍ത്ത് യോജിപ്പിച്ചു വെക്കണം. 

റൊട്ടിക്കഷണം മീനില്‍ ചേര്‍ത്ത് യോജിപ്പിച്ചശേഷം ചെറുതായി ഉരുട്ടി കട്‌ലറ്റ് ആകൃതിയില്‍ പരത്തി വെക്കണം. മുട്ട കുറച്ച് അടിച്ചശേഷം ഉരുട്ടിയ കട്‌ലറ്റ് ഇതില്‍ മുക്കിയെടുത്ത് റൊട്ടിപ്പൊടികൊണ്ട് ഒരുപോലെ പൊതിയണം. ചൂടായ എണ്ണയിലിട്ട് പൊരിച്ച് കോരിയെടുക്കുക.

(സ്മിത പ്രേംരാജ്)

[Read More...]

ട്രഡിഷണല്‍ ഗോവന്‍ ഫിഷ് കറി

ചേരുവകൾ 

• ദശക്കട്ടിയുള്ള മീന്‍ -  ആറ് കഷ്ണം
• സവാള നീളത്തിലരിഞ്ഞത് - ഒന്ന്
• പച്ചമുളക് നീളത്തില്‍ പിളര്‍ന്നത് -  നാലെണ്ണം
• ഉപ്പ് - പാകത്തിന്
• തേങ്ങ ചിരകിയത് - ഒന്ന്
• കൊത്തമല്ലി  - ഒരു ടേബിള്‍  സ്പൂണ്‍
• കശ്മീരി ചില്ലി - എട്ടെണ്ണം
• മഞ്ഞള്‍പൊടി - അര ടീസ്പൂണ്‍
• ഇഞ്ചി  -  അരയിഞ്ച് കഷ്ണം
• വെളുത്തുള്ളി -  എട്ടല്ലി
• ജീരകം - ഒന്നര ടീസ്പൂണ്‍
• കുരുമുളക്  -  നാലെണ്ണം
• വാളന്‍പുളി പിഴിഞ്ഞത് -  ഒരു ടേബിള്‍ സ്പൂണ്‍
• ചൂടുവെള്ളം   -   മൂന്ന് കപ്പ്

തയ്യാറാക്കുന്ന വിധം

നീളത്തില്‍ മുറിച്ച മീന്‍ വൃത്തിയാക്കി നാല് ഇഞ്ച് നീളത്തില്‍ മുറിച്ച് കഴുകിയശേഷം ഉപ്പും പച്ചമുളക് കീറിയതും സവാള നീളത്തിലരിഞ്ഞതും ചേര്‍ത്തിളക്കിവെക്കുക. പുളിവെള്ളം, വെള്ളം, ഉപ്പ് എന്നിവയൊഴിച്ച് ബാക്കി ചേരുവകളെല്ലാംകൂടി മിക്സിയിലടിക്കുക. കുറച്ച് വെള്ളവും ചേര്‍ത്തടിച്ചശേഷം ഇത് അരിപ്പയില്‍ അരിച്ചെടുക്കുക. അരിപ്പയിലുള്ളത് കുറച്ച് വെള്ളം ചേര്‍ത്ത്  മിക്സിയില്‍ ഒന്നുകൂടി അടിച്ച് അരിപ്പയിലൂടെ അരിച്ചെടുക്കുക. ഇത് രണ്ടുപ്രാവശ്യംകൂടി ആവര്‍ത്തിക്കുക.  ഈ മസാല തേങ്ങാപ്പാല്‍ കട്ടിയുള്ള ഒരു വലിയ പാത്രത്തിലാക്കി അടുപ്പില്‍ വെച്ച് 10 മിനിട്ട് ചെറുതീയില്‍ തിളപ്പിക്കുക. ഇത് കുറുകിവരുന്ന സമയത്ത് മാരിനേറ്റ് ചെയ്തുവെച്ചിരിക്കുന്ന മീന്‍കഷ്ണങ്ങളും പച്ചമുളകും സവാളയും  ഇതിലേക്കിടുക. പാകത്തിന് ഉപ്പും പുളിവെള്ളവും ചേര്‍ത്തിളക്കി ചെറുതീയില്‍ 10 മിനിട്ട് മൂടി വേവിക്കുക. ചാറ് കുറുകി പകുതിയാകുന്ന സമയത്ത് വാങ്ങി ഉപയോഗിക്കുക.

(ലില്ലി ബാബുജോസ്)

[Read More...]

Mangalore Anjal Fish Fry

Ingredients

• Anjal/Kingfish- 3-4 pieces the size of your palm; the fish must be sliced in half an inch thickness into the bone
• 1 medium sized, ripe Tomato
• 2 tsp of Kashmiri chilly powder
• 1 tsp of Coriander powder
• 1- 1 1/4 tsps of Turmeric powder
• a pinch of Methi seeds
• 1/2 tsp vinegar
• 1/2 tsp Oil (preferably coconut oil)
• a sprig of Curry leaves
• 2-3 cloves of Garlic
• 1/2 tsp finely chopped Ginger
• Salt to taste
• a little water

Method

To make the masala for the fry, mix all the ingredients except the fish in a blender and grin it to form a paste.

check to ground masala for salt, spice and general flavor, and make any correction if required. Note here that as we will not be salting the fish, the masala must suffice for even after the fish is added.

Heat a nonstick pan with a little oil and add the masala paste. Fry in medium flame until the masala is cooked and the oil starts setting apart. At this point you can still adjust the masala if need be.

Add the curry leaves to the cooked masala, and arrange the fish slices on the gravy gently. Pour a little water into the pan and cover it with the lid allowing it to cook for 5 minutes.

at the end of this time, turn the fish over gently without breaking it and cook the other side for another 4 minutes.

remove the lid if the pan and let the dish roast while you turn the fish occasionally until the gravy is thick and coats the fish slices evenly.

Garnish with onions and a dash of lemon.Serve steaming with rice.

Tip:- If the fish turns out too spicy you may use lemon or vinegar to reduce its spice.

An alternative to this method of Anjal Fry is that you can also marinate the fish in masala, typical, when cooking seafood. However, if you’re using lemon juice or vinegar for the marinade, make sure you you marinate for about 30 minutes and not more than an hour as the texture of your fish may change as it reacts to the acid in the masala.

[Read More...]

കൂര്‍ക്ക - ഉണക്കച്ചെമ്മീന്‍ ഉലര്‍ത്തിയത്

ആവശ്യമുള്ള സാധനങ്ങള്‍

• കൂര്‍ക്ക വൃത്തിയാക്കിയത്‌ - ഒരു കപ്പ്‌
• ഉണക്കച്ചെമ്മീന്‍ - അരക്കപ്പ്‌
• ചുവന്നുള്ളി നീളത്തിലരിഞ്ഞത്‌ - അരക്കപ്പ്‌
• ഉണക്കമുളക്‌ കീറിയത്‌ - അഞ്ചെണ്ണം
• തേങ്ങാക്കൊത്ത്‌ - കാല്‍കപ്പ്‌
• ഉപ്പ്‌ - പാകത്തിന്‌
• എണ്ണ, കറിവേപ്പില - പാകത്തിന്‌

തയാറാക്കുന്ന വിധം

കൂര്‍ക്ക പാകത്തിന്‌ വെള്ളവും ഉപ്പുമൊഴിച്ച്‌ വേവിക്കുക. ഉണക്കച്ചെമ്മീന്‍ വൃത്തിയാക്കി എണ്ണ തൊടാതെ വറുക്കുക. ഫ്രൈപാനില്‍ എണ്ണയൊഴിച്ച്‌ ചുവന്നുള്ളി, ഉണക്കച്ചെമ്മീന്‍, ഉണക്കമുളക്‌, തേങ്ങാക്കൊത്ത്‌, കറിവേപ്പില എന്നിവ വഴറ്റുക. ഇതിലേക്ക്‌ കൂര്‍ക്ക, ചെമ്മീന്‍ എന്നിവ ചേര്‍ത്ത്‌ ഉലര്‍ത്തിയെടുക്കുക.

[Read More...]

ഫിഷ് ടെംപറാഡ് (ഗോവന്‍ ഫിഷ് കറി)

ചേരുവകള്‍ 

• പ്രോണ്‍സ്  -  ഒരു കപ്പ്
• കശ്മീരി ചില്ലി - മൂന്നെണ്ണം
• കൊത്തമല്ലി -  ഒരു ടേബിള്‍ സ്പൂണ്‍
• ജീരകം  -    ഒരു ടീ സ്പൂണ്‍
• സവാള ചോപ് ചെയ്തത്  -  രണ്ട്
• വെളുത്തുള്ളി  -   എട്ടല്ലി
• ഇഞ്ചി  -   അരയിഞ്ച് കഷ്ണം
• തേങ്ങ ചിരകിയത്  -   ഒരു കപ്പ്
• മഞ്ഞള്‍പൊടി  -   അര ടീസ്പൂണ്‍
• പഞ്ചസാര    -    ഒരു ടീസ്പൂണ്‍
• പുളിയുടെ പള്‍പ്പ്  -   മൂന്ന് ടേബിള്‍ സ്പൂണ്‍
• വെളിച്ചെണ്ണ   -   ഒരു ടേബിള്‍ സ്പൂണ്‍
• ഉപ്പ്  - പാകത്തിന്

തയ്യാറാക്കേണ്ട വിധം 

ചെറുതീയില്‍ തവ ചൂടാക്കി ആദ്യം കശ്മീരി ചില്ലി, കൊത്തമല്ലി, ജീരകം എന്നിവയിട്ട് പൊട്ടുന്നതുവരെ ചൂടാക്കുക. ഇത് തണുത്തശേഷം
 തേങ്ങ ചിരകിയത്, സവാള,  ഇഞ്ചി, വെളുത്തുള്ളി എന്നിവ ചേര്‍ത്ത് മയത്തിലരയ്ക്കുക. വെളിച്ചെണ്ണ ചൂടാക്കി അരച്ചുവെച്ചിരിക്കുന്ന
തേങ്ങയും മസാലയും ചേര്‍ത്ത് ഒരു മിനിട്ട് വഴറ്റിയശേഷം ഒരു കപ്പ് വെള്ളം, പുളി പിഴിഞ്ഞെടുത്ത പള്‍പ്പ്, ഉപ്പ്, പഞ്ചസാര എന്നിവ
ചേര്‍ത്ത് രണ്ടണ്ട് മിനിട്ട് തിളപ്പിക്കുക. ഇതിലേക്ക് വൃത്തിയാക്കിവെച്ചിരിക്കുന്ന പ്രോണ്‍സും ചേര്‍ത്ത് മൂടിവെച്ച് ചെറുതീയില്‍ വേവിക്കുക.
ചാറ് പാകത്തിന് കുറുകുമ്പോള്‍ വാങ്ങി ഉപയോഗിക്കുക.

(ലില്ലി ബാബുജോസ്)

[Read More...]

മീന്‍ പുളിയില ചുട്ടത്

• ദശ കട്ടിയുള്ള മീന്‍ വലിയ കഷ്ണമാക്കിയത്      അര കിലോ
• പുളിയില     മൂന്ന് കപ്പ്
• തേങ്ങ ചിരകിയത്      ഒരു കപ്പ്
• ജീരകം     കാല്‍ടീസ്പൂണ്‍
• ചുവന്നുള്ളി      മൂന്ന് എണ്ണം
• ഇഞ്ചി      ചെറിയകഷ്ണം
• കാന്താരി മുളക്      15എണ്ണം
• മഞ്ഞള്‍ പൊടി      കാല്‍ ടീസ്പൂണ്‍
• വെളിച്ചെണ്ണ      രണ്ട് ടീസ്പൂണ്‍
• വാഴയില      ഒന്ന്
• ഉപ്പ്      ആവശ്യത്തിന്

•  പുളിയില നന്നായി അരച്ചെടുക്കുക. തേങ്ങ, ജീരകം, ചുവന്നുള്ളി, ഇഞ്ചി, മുളക് എന്നിവ മഞ്ഞള്‍പൊടി ചേര്‍ത്ത് വെള്ളം ചേര്‍ക്കാതെ നന്നായി അരച്ചെടുക്കുക.
• പുളിയില അരച്ചതും, തേങ്ങ അരച്ചതും, ഉപ്പും യോജിപ്പിച്ച് മീനില്‍ തേച്ചു പിടിപ്പിച്ച് അരമണിക്കൂര്‍ വെയ്ക്കുക. വാഴയില വാട്ടിയെടുത്ത് അതില്‍ മീനും അരപ്പും നിരത്തി വാഴയില മടക്കി പൊതിയുക.
• ശേഷം ചട്ടിയില്‍ വെച്ച് ചെറുതീയില്‍ ചുട്ടെടുക്കുക. ഇരു വശങ്ങളും മറിച്ചിട്ട് വേവിക്കുക. ചട്ടിയില്‍ നിന്നും എടുത്ത ശേഷം വാഴയില തുറന്ന് അല്പം വെളിച്ചെണ്ണ ചേര്‍ത്ത് വിളമ്പുക.
• (ഈ രീതിയില്‍ ഏതു തരം മീനും തയ്യാറാക്കാം)

[Read More...]

കുടം പുളിയിട്ട കോട്ടയം മീന്‍കറി

ചേരുവകള്‍

• ദശ കട്ടിയുള്ള മീൻ - ഒരു(1) കിലോ
• വെളുത്തുള്ളി - 200 ഗ്രാം
• ഇഞ്ചി - 2 വലിയ കഷണം
• ചുവന്നുള്ളി - 100 ഗ്രാം
• കുടം പുളി - 4 കഷണം
• മുളകു പൊടി - 4 ടേബിള്‍ സ്പൂണ്‍
• വെളിച്ചെണ്ണ - 4 സ്പൂണ്‍
• കടുക്, ഉലുവ - അല്‍പം
• കറിവേപ്പില - ആവശ്യത്തിനു 

ഉണ്ടാക്കുന്ന വിധം

 മീൻ വെട്ടി കഴുകി ചെറിയ കഷണങ്ങള്‍ ആക്കി വെക്കുകചുവന്നുള്ളി, വെളുത്തുള്ളി, ഒരു കഷണം ഇഞ്ചി എന്നിവ ചതച്ചു മാറ്റി വെക്കുക

കുടം പുളി അല്‍പം ഉപ്പു ചേര്‍ത്തു വെള്ളത്തില്‍ ഇട്ടു വെക്കുക. കാഞ്ഞ മണ്‍ ചട്ടിയില്‍ രണ്ടു സ്പൂണ്‍ വെളിച്ചെണ്ണ ഒഴിച്ചു കടുക്, ഉലുവ ഇവ ഇട്ടു പൊട്ടിക്കുക. ഇതിലേക്കു ചതച്ചു വെച്ച കൂട്ടും, കറിവേപ്പിലയും ചേര്‍ത്തു നന്നായി വറുക്കുക.

വറുത്തെടുത്ത കൂട്ട് തണുക്കുമ്പോള്‍ നല്ല വെണ്ണ പോലെ അരച്ചെടുക്കുക.

ചട്ടിയില്‍ ഒരു സ്പൂണ്‍ വെളിച്ചെണ്ണ ഒഴിച്ചു മുളകു പൊടി നന്നായി മൂപ്പിക്കുക, പിന്നീട് ചെറുതായരിഞ്ഞ ഇഞ്ചി, അരപ്പ് എന്നിവ കൂടി ചേര്‍ത്ത് മൂപ്പിക്കുക.

ഇതിലേക്ക് ഒരു കുപ്പ് വെള്ളം ഒഴിക്കുക. അരപ്പു തിളക്കുമ്പോള്‍ മീന്‍ കഷണങ്ങള്‍ ഇട്ടു പുളിയും ചേര്‍ത്ത് ചെറു തീയില്‍ നന്നായി വറ്റിച്ചെടുക്കുക.

വാങ്ങുമ്പോള്‍ ഒരു സ്പൂണ്‍ പച്ച വെളിച്ചെണ്ണ, കറി വേപ്പില ഇവ ചേര്‍ത്തു ചട്ടി ചുറ്റിച്ചു വാങ്ങുക.

നല്ല എരിവും പുളിയുമള്ള ഈ കോട്ടയം മീന്‍കറി തലേദിവസം ഉണ്ടാക്കി ചട്ടിയില്‍തന്നെ വെച്ചിട്ട് പിറ്റേദിവസം ഉപയോഗിച്ചാല്‍ സ്വാദേറും.

[Read More...]

ഉണക്കമീന്‍ ഉപ്പേരി

ആവശ്യമുള്ള സാധനങ്ങള്‍

• ഉണക്ക സ്രാവ് - ഒന്നിന്റെ പകുതി
• ചുവന്ന ഉള്ളി - അഞ്ച് മുള
• വെളുത്തുള്ളി - നാല് മുള
• കറിവേപ്പില - 12 അല്ലി
• പച്ചമുളക് - മൂന്ന്
• തേങ്ങ ചിരകിയത് - കാല്‍കപ്പ്
• മുളക്‌പൊടി - ഒരു സ്​പൂണ്‍
• മഞ്ഞള്‍പ്പൊടി - കാല്‍ സ്​പൂണ്‍
• വെളിച്ചെണ്ണ - അര കപ്പ്

തയാറാക്കുന്ന വിധം

ഉണക്കസ്രാവ് (അച്ചാറിലേക്കരിയുന്ന മാങ്ങവലുപ്പത്തില്‍) ചെറുതായരിഞ്ഞ് കുറച്ച് വെള്ളത്തില്‍ കടലാസ് കഷണങ്ങളിട്ട് രണ്ടു മണിക്കൂര്‍ അതില്‍ ഇട്ടുവെക്കുക. (കടലാസ് കഷണങ്ങളിട്ടതുകൊണ്ട് ഉപ്പ് നന്നായി വലിച്ചെടുക്കും). ശേഷം രണ്ട് അല്ലി കറിവേപ്പില, പച്ചമുളക്, വെളുത്തുള്ളി, ചുവന്ന ഉള്ളി എന്നിവ ചതച്ചെടുത്ത്, കഴുകിയെടുത്ത മീന്‍ കഷണങ്ങളില്‍ കൂട്ടിയോജിപ്പിക്കുക. കുറച്ച് മഞ്ഞള്‍പ്പൊടിയും മുളകുപൊടിയും ചേര്‍ക്കാം. ഒരു സ്​പൂണ്‍ വെളിച്ചെണ്ണയില്‍ തേങ്ങ (കുറച്ചു മുളകുപൊടിയും മഞ്ഞള്‍പ്പൊടിയുംകൂട്ടി) നന്നായി വറുത്തെടുക്കുക. ചീനച്ചട്ടിയില്‍ അര കപ്പ് വെളിച്ചെണ്ണ ഒഴിച്ച് ചൂടായതിനുശേഷം 10 അല്ലി കറിവേപ്പില ഇട്ട് പൊടിച്ച് ഈ മീന്‍ചേരുവ അതിലേക്കിടുക. നന്നായി ഇളക്കിയതിനുശേഷം മൂടിവെച്ച്, ഇടയ്ക്കിടയ്ക്ക് ഇളക്കി എണ്ണയില്‍ വറുത്ത് വറ്റിച്ചെടുക്കുക.

(ഷൈമ മുസ്തഫ)

[Read More...]

ആലപ്പി കരിമീന്‍ കറി

ചേരുവകൾ: 

• കരിമീന്‍ - 3 എണ്ണം
• സവാള - 2 എണ്ണം
• ഇഞ്ചി - 1/2 ടീസ്പൂണ്‍
• വെളുത്തുള്ളി - 1 1/2 ടീസ്പൂണ്‍
• മുളക്‌പൊടി - 1 1/2 ടീസ്പൂണ്‍
• മഞ്ഞള്‍പൊടി - 1/2 ടീസ്പൂണ്‍
• തക്കാളി - 1 എണ്ണം
• പച്ചമുളക് - 2 എണ്ണം
• ഉപ്പ് - പാകത്തിന്
• വെളിച്ചെണ്ണ - 3 ടീസ്പൂണ്‍

തയ്യാറാക്കുന്നവിധം: 

വൃത്തിയാക്കി അരിഞ്ഞ കരിമീനില്‍ മുളക് പൊടി, മഞ്ഞള്‍ പൊടി, ഉപ്പ് എന്നിവ ചേര്‍ത്ത മിശ്രിതം പുരട്ടിവെക്കുക.
ഒരു പാന്‍ ചൂടാക്കി അതില്‍ അരിഞ്ഞ് വെച്ച തക്കാളി, സവാള, ഇഞ്ചി, വെളുത്തുള്ളി, പച്ചമുളക്, മഞ്ഞള്‍പൊടി, മുളക് പൊടി, ഉപ്പ് എന്നിവ ചേര്‍ത്ത് നന്നായി വഴറ്റുക. അതില്‍ കരിമീനും അല്പം വെള്ളവും ചേര്‍ത്ത് വേവിച്ച് വറ്റിച്ചെടുക്കുക.

(പ്രിയ കുഞ്ചാക്കോ ബോബൻ)

[Read More...]

ട്യൂണ കട്‌ലറ്റ്

ചേരുവകൾ

• ടിൻഡ് ട്യൂണ - 150 ഗ്രാം (ടിൻ)
• ഉരുളക്കിഴങ്ങ് - 4 എണ്ണം
• സവോള - 1/2 കഷ്ണം
• പച്ചമുളക് - 4 എണ്ണം
• ഇഞ്ചി - അരിഞ്ഞത് 1/2 ടീസ്പൂൺ
• കുരുമുളക് പൊടി - കാൽ ടീസ്പൂൺ
• മുട്ട - 2 എണ്ണം
• ബ്രഡ് - 3 എണ്ണം
• വെളിച്ചെണ്ണ - 250 മീല്ലി
• ഉപ്പ് - പാകത്തിന്

തയ്യാറാക്കുന്ന വിധം:

ടിൻഡ് ട്യൂണാ വെള്ളത്തിൽ ഉരുളക്കിഴങ്ങ് നന്നായി വേവിക്കുക. അതിൽ അരിഞ്ഞ് വെച്ച സവാളയും പച്ചമുളകും ഇഞ്ചിയും ചേർത്ത് വേവിക്കുക. ഉരുളക്കിഴങ്ങ് വറ്റി വരുമ്പോൾ അതിൽ കുരുമുളകും ഉപ്പും വിതറി അടുപ്പിൽ നിന്ന് മാറ്റുക. ഉരുളക്കിഴങ്ങ് ഇഷ്ടമുള്ള ആകൃതിയിൽ ഉരുട്ടി എടുത്ത് അടിച്ചുവെച്ച മുട്ടയിൽ മുക്കിയെടുത്ത് ബ്രഡ്പൊടിയിൽ റോൾ ചെയ്ത് വെളിച്ചെണ്ണയിൽ വറുത്തെടുക്കുക. ഇത് നല്ലൊരു സ്റ്റാർട്ടർ കൂടിയാണ്.

(പ്രിയ കുഞ്ചാക്കോ ബോബൻ)

[Read More...]

മീന്‍ മുളകിട്ടത്‌

ആവശ്യമുള്ള സാധനങ്ങള്‍

• നെയ്‌മീന്‍ - 300 ഗ്രാം
• ചെറിയ ഉള്ളി (ചെറുതായി മുറിച്ചത്‌) - പത്ത്‌ എണ്ണം
• പച്ചമുളക്‌ (വട്ടത്തില്‍ മുറിച്ചത്‌)- ആറെണ്ണം
• വെളുത്തുള്ളി (ചതച്ചത്‌ )- ഏഴ്‌ അല്ലി
• തക്കാളി (വലുത്‌ നാലായി മുറിച്ചത്‌) - രണ്ടെണ്ണം
• മുളകുപൊടി - മൂന്ന്‌ ടേബിള്‍സ്‌പൂണ്‍
• മഞ്ഞള്‍പ്പൊടി - ഒരു ടീസ്‌പൂണ്‍
• പുളി - ഒരു ചെറുനാരങ്ങാ വലുപ്പത്തില്‍
• ഉലുവ - ഒരു ടീസ്‌പൂണ്‍
• കടുക്‌ - ഒരു ടീസ്‌പൂണ്‍
• വെളിച്ചെണ്ണ - രണ്ട്‌ ടേബിള്‍സ്‌പൂണ്‍
• കറിവേപ്പില - രണ്ട്‌ തണ്ട്‌
• ഉപ്പ്‌ - പാകത്തിന്‌

തയാറാക്കുന്നവിധം

നെയ്‌മീന്‍ കഷണങ്ങളായി മുറിച്ച്‌ വൃത്തിയായി കഴുകി എടുക്കുക. പുളി അല്‌പം വെള്ളത്തില്‍ കുതിര്‍ത്തുവയ്‌ക്കണം. ഒരു മണ്‍ചട്ടിയില്‍ വെളിച്ചെണ്ണയൊഴിച്ച്‌ ചൂടാകുമ്പോള്‍ കടുക്‌ ഇട്ട്‌ പൊട്ടിച്ചതിനുശേഷം ഉലുവ, ഉള്ളി, പച്ചമുളക്‌, വെളുത്തുള്ളി എന്നിവ കൂടെ ഇട്ട്‌ അല്‌പം നിറം മാറുന്നതുവരെ ഇളക്കുക. തുടര്‍ന്ന്‌ മുളകുപൊടിയും മഞ്ഞള്‍പ്പൊടിയും ചേര്‍ത്തിളക്കുക. മീനും കറിവേപ്പിലയും ഉപ്പും ചേര്‍ത്ത്‌ കഷണങ്ങള്‍ വെന്ത്‌ ചാറ്‌ അല്‌പം കുറുകിയാല്‍ ഇറക്കി ഇളക്കി ഉപയോഗിക്കാം.

[Read More...]

ഉണക്കച്ചെമ്മീന്‍ ചമ്മന്തി

ആവശ്യമുള്ള സാധനങ്ങള്‍ 

• ഉണക്കച്ചെമ്മീന്‍ - ഒരു കപ്പ്‌ 
• തേങ്ങ ചിരകിയത്‌ - ഒരു കപ്പ്‌ 
• ചെറിയ ഉള്ളി - പന്ത്രണ്ടെണ്ണം 
• മുളകുപൊടി - ഒരു ടേബിള്‍സ്‌പൂണ്‍ 
• വാളന്‍പുളി - ഒരു നുള്ള്‌ 
• വെളിച്ചെണ്ണ - ഒരു ടേബിള്‍സ്‌പൂണ്‍ 
• ഉപ്പ്‌ - പാകത്തിന്‌ 

തയാറാക്കുന്നവിധം 

ഉണക്കച്ചെമ്മീന്‍ എണ്ണ ചേര്‍ക്കാതെ വറുത്തശേഷം ചതച്ചെടുക്കുക. ഒരു ടേബിള്‍സ്‌പൂണ്‍ വെളിച്ചെണ്ണ ചൂടാക്കി ചെറിയഉള്ളി വഴറ്റുക. തേങ്ങ ചിരകിയത്‌, മുളകുപൊടി എന്നിവ വഴറ്റുക. വാളന്‍പുളി ചേര്‍ക്കുക. ചെമ്മീന്‍ ചേര്‍ക്കുക. അല്‌പം വെളിച്ചെണ്ണകൂടി ചേര്‍ക്കുക. 

[Read More...]

മീന്‍ അച്ചാര്‍

ആവശ്യമുള്ള സാധനങ്ങള്‍

• മീന്‍ (കേര,മോദ,നെയ്‌മീന്‍,മത്തി) - ഒരു കിലോ
• മഞ്ഞള്‍- 3 എണ്ണം
• മുളക്‌- 5 എണ്ണം
• മുളകു പൊടി - 4 ടേബിള്‍സ്‌പൂണ്‍
• നല്ലെണ്ണ/വെളിച്ചെണ്ണ- ഒരു കപ്പ്‌
• ഇഞ്ചി - 100 ഗ്രാം
• വെളുത്തുള്ളി - 150 ഗ്രാം
• പച്ചമുളക്‌ - 4 എണ്ണം (കീറിയത്‌)
• ഉപ്പ്‌- പാകത്തിന്‌

തയാറാക്കുന്ന വിധം

മീന്‍ മുള്ളു കളഞ്ഞ്‌ ചെറിയ കഷണങ്ങളാക്കുക. മഞ്ഞള്‍,ഉപ്പ്‌,മുളക്‌ എന്നിവ അരച്ച്‌ ആ അരപ്പില്‍ മീന്‍ ഒരു മണിക്കൂര്‍ പുരട്ടി വയ്‌ക്കുക. അതിനു ശേഷം മീന്‍ വെളിച്ചെണ്ണയില്‍ വറുത്തു കോരുക. ഇഞ്ചിയും മുളകും നല്ലെണ്ണയില്‍ മൂപ്പിച്ചതിനു ശേഷം മുളകു പൊടി വെള്ളത്തില്‍ കലര്‍ത്തി അതിനോടൊപ്പം ഇളക്കുക. അതിലേക്കിടുന്ന മീന്‍ കഷണത്തോടൊപ്പം പച്ചമുളക്‌ കീറിയിടുക. അര മണിക്കൂറോളം തിളയ്‌ക്കാന്‍ സമയം കൊടുക്കുന്നതിനോടൊപ്പം ആവശ്യത്തിന്‌ വെള്ളം ചേര്‍ക്കുക. രണ്ടു ദിവസത്തേക്ക്‌ അടച്ചു സൂക്ഷിക്കുന്ന അച്ചാറില്‍ അതിനു ശേഷം വിനാഗിരി ചേര്‍ക്കുക. ആറു മാസത്തോളം അച്ചാറിനു യാതൊരു കേടുപാടും വരില്ല.

[Read More...]

ഫിഷ്‌ മോളി

ചേരുവകള്‍

• മീന്‍ - അര കിലോ
• മഞ്ഞള്‍ പൊടി - ഒരു സ്പൂണ്‍
• കുരുമുളക് പൊടി - അര സ്പൂണ്‍
• നാരങ്ങാനീര് - ഒരു സ്പൂണ്‍
• ഉപ്പു - പാകത്തിന്

മീനില്‍ ഇവ പുരട്ടി അര മണിക്കൂര്‍ വയ്ക്കുക .

• സവാള - രണ്ടു, നീളത്തില്‍ അരിഞ്ഞത്
• ഇഞ്ചി അരിഞ്ഞത് - മൂന്നു സ്പൂണ്‍
• വെളുത്തുള്ളിയരിഞ്ഞത് - ഒരു തുടം
• പച്ച മുളക് - മൂന്നെണ്ണം, നീളത്തില്‍ അരിഞ്ഞത്
• തക്കാളി - ഒരു വലുത്, നീളത്തില്‍ അരിഞ്ഞത്
• ഏലയ്ക്ക - ഒന്നിന്റെ പകുതി
• കറുവാപട്ട - ഒരു ചെറിയ കഷ്ണം
• തേങ്ങാപാല്‍ - രണ്ടാംപാല്‍ - ഒന്നര കപ്പ്‌
• ഒന്നാം പാല്‍ - അരകപ്പ്‌
• എണ്ണ - ഒരു സ്പൂണ്‍
• കറിവേപ്പില - രണ്ടു തണ്ട്

തയ്യാറാക്കുന്ന വിധം :

എണ്ണ ചൂടാക്കി കറിവേപ്പില ഒന്ന് വാട്ടുക.
ഇനി ഏലയ്ക്കായും കറുവാപട്ടയും മൂപ്പിച്ച ശേഷം ഇഞ്ചീം പച്ചമുളകും വെളുത്തുള്ളീം വാട്ടുക. മീന്‍ ചെറുതായി ഒന്ന് വറുക്കുക. ഒരു രണ്ടു മിനുട്ട് മതി .
ഇനി ഇതില്‍ പൊടികള്‍ ചേര്‍ത്ത് ഇളക്കിയ ശേഷം സവാള ചേര്‍ക്കുക.
നന്നായി ഒന്ന് ഇളക്കിയ ശേഷം രണ്ടാം പാല്‍ ഒഴിച്ചു മൂടി വച്ചു തിളപ്പിക്കുക.
വറ്റി വരുമ്പോള്‍ തക്കാളി ചേര്‍ത്തിളക്കി ഒന്നാം പാല്‍ ചേര്‍ക്കുക.
പാകത്തിന് ഉപ്പും ചേര്‍ത്ത് ചൂടാകുമ്പോള്‍ വാങ്ങുക.

[Read More...]

Prawns Roast / Chemmeen Varattiyathu

Ingredients

• ¼ kg prawns
• 2 onions, sliced
• 3 green chillies, chopped
• 1 tomato, diced
• 1 tsp ginger paste
• 1 tsp garlic paste
• ½ tsp mustard seeds
• ½ tsp fenugreek seeds
• 3 tsp chilli powder
• 1 tsp coriander powder
• A few sprigs of coriander leaves
• 2 cups tamarind juice
• A few sprigs of curry leaves

Preparation

Take the prawns in a bowl, and add a tsp of chilli powder, a little turmeric powder and salt
Mix well with the prawns and marinate for about 5-10 minutes
Heat oil in a pan. (Vegetable oil or coconut oil)
Fry the marinated prawns, and drain them
Keep aside both the fried prawns and the oil
Now the sauce has to be prepared.
In a pan, pour 2 tbsp oil
Add mustard seeds and let them splutter
Put in fenugreek seeds and wait until they pop
Then add the curry leaves
Add the onions and then the green chillies and saute well in low flame
Add the ginger and garlic paste
Soon enough, add the diced tomato
Once the mix is sauteed well, add two tsp chilli powder, 1tsp coriander powder, and ¼ tsp turmeric powder
Take the oil saved after frying the prawns and pour it into the pan
To this, add the tamarind juice
Add enough salt, and let the curry boil
Once this gravy boils and thickens slightly, add the fried prawns to it
Put in the chopped coriander leaves and mix well
Keep in low flame and let it boil for another 2-3 minutes
Chemmeen varattiyathu is ready to be served
Pair it with hot steaming rice or soft rotis.

(Faiza Moosa)

[Read More...]

മീന്‍കറി (ഒമേഗാ 3)

ചേരുവകള്‍

• മല്‍സ്യം- അയല, മത്തി എന്നിവയില്‍ ഏതെങ്കിലുമൊന്ന് 200 ഗ്രാം
• സവാള- ഒരെണ്ണം
• ഇഞ്ചി- ചെറിയ കഷണം
• വെളുത്തുള്ളി- രണ്ടെണ്ണം കഷണങ്ങളാക്കിയത്
• പച്ചമുളക്- രണ്ടെണ്ണം
• കറിവേപ്പില- ആവശ്യത്തിന്
• മഞ്ഞള്‍പ്പൊടി- ഒരു ടീസ്‌പൂണ്‍
• കടുക്- അര ടീസ്‌പൂണ്‍
• മല്ലിപ്പൊടി- ഒരു ടീസ്‌പൂണ്‍
• പുളി- ചെറിയ കഷണം
• തക്കാളി- ഒരെണ്ണം
• എണ്ണ- രണ്ടു ടീസ്‌പൂണ്‍
• ഉപ്പ്- ആവശ്യത്തിന്

തയ്യാറാക്കുന്ന വിധം

മീന്‍ വൃത്തിയാക്കി ചെറിയ കഷണങ്ങളായി മുറിക്കുക. 
അര കപ്പ് വെള്ളത്തില്‍ പുളി കുതിര്‍ക്കുക. 
ചട്ടിയില്‍ എണ്ണ ചൂടാക്കുക. അതിലേക്കു കടുക് ഇടുക. കടുക് പൊട്ടിവരുമ്പോള്‍, സവാള അരിഞ്ഞത്, ഇഞ്ചി, വെളുത്തുള്ളി, പച്ചമുളക്, കറിവേപ്പില എന്നിവ ചേര്‍ക്കുക. 
സവാള നല്ല തവിട്ടുനിറമാകുമ്പോള്‍, മല്ലിപ്പൊടി, മഞ്ഞള്‍പ്പൊടി എന്നിവ ചേര്‍ത്തു ഒരു മിനിട്ടു വേവിക്കുക. 
അതിനുശേഷം തക്കാളി അരിഞ്ഞത്, പുളിവെള്ളം, ഉപ്പ് എന്നിവ ചേര്‍ക്കുക. 
വീണ്ടും അരകപ്പ് വെള്ളം ചേര്‍ത്തു നന്നായി തിളപ്പിക്കുക. അതിലേക്കു മുറിച്ചുവെച്ച മീന്‍ കഷണങ്ങള്‍ ഇടുക. അടച്ചുവെച്ചു 10 മിനുട്ടു വേവിക്കുക. 
അതിനുശേഷം മൂടിമാറ്റി, തീകുറച്ചു വീണ്ടും 10 മിനുട്ടു വേവിക്കുക. കറി കുറച്ചുകൂടി കട്ടിയാകുന്നുവെന്ന് ഉറപ്പാക്കുക. 
ഇപ്പോള്‍ സ്വാദിഷ്‌ഠവും ആരോഗ്യകരവുമായ മീന്‍കറി തയ്യാറായിരിക്കുന്നു. 

[Read More...]

ചെമ്മീന്‍ മുളക്‌ മസാലക്കറി

ചേരുവകള്‍

1. ചെമ്മീന്‍ - 1/2 കിലോ
2. ഉള്ളി - 3 എണ്ണം
3. പച്ചമുളക്‌ - 4 എണ്ണം
4. ഇഞ്ചി, വെളുത്തുള്ളി ചതച്ചത്‌ - 1 ടീസ്‌പൂണ്‍ വീതം
5. മല്ലിപ്പൊടി - 3 ടീസ്‌പൂണ്‍
6. മുളകുപൊടി - 1 1/2 ടീസ്‌പൂണ്‍
7. മഞ്ഞള്‍പ്പൊടി - ഒരുടീസ്‌പൂണ്‍
8. കുരുമുളകുപൊടി - 1/2 ടീസ്‌പൂണ്‍
9. മല്ലിയില, കറിവേപ്പില - ആവശ്യത്തിന്‌
10. ഓയില്‍ - 1 1/2 ടേബിള്‍സ്‌പൂണ്‍
11. കട്ടിത്തേങ്ങാപ്പാല്‍ - 1 1/2 കപ്പ്‌
12. ഉപ്പ്‌ - ആവശ്യത്തിന്‌

തയാറാക്കുന്ന വിധം

ചെമ്മീനില്‍ മുളകുപൊടി, മഞ്ഞള്‍പ്പൊടി, ഉപ്പ്‌ എന്നിവ ചേര്‍ത്ത്‌ പൊരിച്ചെടുക്കുക. ഉള്ളി, പച്ചമുളക്‌, ഇഞ്ചി, വെളുത്തുള്ളി ചതച്ചത്‌ എന്നിവ വഴറ്റുക. ഇതിലേക്ക്‌ മസാലപ്പൊടികളും അരക്കപ്പ്‌ വെള്ളവും പൊരിച്ച ചെമ്മീനും ആവശ്യത്തിന്‌ ഉപ്പും ചേര്‍ത്ത്‌ തിളപ്പിക്കുക. തിള വന്നാല്‍ മല്ലിയിലയും കറിവേപ്പിലയും ചേര്‍ത്ത്‌ ഇറക്കിവയ്‌ക്കുക.

[Read More...]