മസാല ചതച്ച നാടന്‍ താറാവുകറി

ചേരുവകള്‍

• ഇളയ താറാവിറച്ചി - ഒരു കിലോ (ഇടത്തരം കഷണങ്ങളാക്കിയത്‌)
• ചെറിയ ഉള്ളി - അരക്കിലോ (നീളത്തിലരിഞ്ഞത്‌)
• ഇഞ്ചി - ഒരു വലിയ കഷണം
• വെളുത്തുള്ളി - എട്ട്‌ അല്ലി
• പച്ചമുളക്‌ - ഏഴെണ്ണം
• മഞ്ഞള്‍പ്പൊടി - ഒരു ടീസ്‌പൂണ്‍
• കുരുമുളക്‌ - ഒരു ടേബിള്‍സ്‌പൂണ്‍(ഇവയെല്ലാം അമ്മിക്കല്ലില്‍ ചതയ്‌ക്കണം)
• മുളകുപൊടി - ഒന്നരടീസ്‌പൂണ്‍
• മല്ലിപ്പൊടി - രണ്ട്‌ ടേബിള്‍സ്‌പൂണ്‍
• ഗരംമസാല (ചതച്ചത്‌) - ഒരു ടീസ്‌പൂണ്‍
• (വെള്ളത്തില്‍ കുതിര്‍ത്തുവയ്‌ക്കുക.)
• പഴുത്ത തക്കാളി - മൂന്നെണ്ണം (നീളത്തില്‍ അരിഞ്ഞത്‌)
• കട്ടിത്തേങ്ങാപ്പാല്‍ - ഒരു കപ്പ്‌
• കടുക്‌ - ഒരു ടീസ്‌പൂണ്‍
• കറിവേപ്പില - രണ്ട്‌ തണ്ട്‌
• വെളിച്ചെണ്ണ - മൂന്ന്‌ ടേബിള്‍സ്‌പൂണ്‍
• ഉപ്പ്‌ - പാകത്തിന്‌

തയാറാക്കുന്നവിധം

താറാവ്‌ കഴുകി വൃത്തിയാക്കി ചതച്ച മസാലക്കൂട്ടും പാകത്തിന്‌ ഉപ്പും ചേര്‍ത്ത്‌ പുരട്ടിവയ്‌ക്കുക. ശേഷം അരക്കപ്പ്‌ വെള്ളവും അരിഞ്ഞ തക്കാളിയും ചേര്‍ത്ത്‌ കുക്കര്‍ ഉപയോഗിച്ച്‌ വേവിച്ചുമാറ്റുക.ഒരു മണ്‍ചട്ടിയില്‍ എണ്ണ ചൂടാക്കി ചെറിയ ഉള്ളി വഴറ്റുക. ഇതിലേക്ക്‌ കുതിര്‍ത്തുവച്ച മസാലക്കൂട്ടും ചേര്‍ത്ത്‌ നന്നായി വഴറ്റി മൂപ്പിക്കുക. മസാല മൂത്ത്‌ എണ്ണ തെളിയുമ്പോള്‍ വേവിച്ച ഇറച്ചി അതിന്റെ ചാറോടുകൂടി ഇതിലേക്ക്‌ തട്ടി നന്നായി ഇളക്കി യോജിപ്പിച്ച്‌ തിളപ്പിക്കുക. ഇതിലേക്ക്‌ കറിവേപ്പിലയും ചേര്‍ത്ത്‌ ഉപ്പിന്റെ പാകവും നോക്കിയശേഷം വേണമെങ്കില്‍ കുറച്ചുകൂടി ചേര്‍ക്കാം. ഇതിലേക്ക്‌ തേങ്ങാപ്പാല്‍ ചേര്‍ത്ത്‌ ചാറ്‌ കൊഴുത്തു തുടങ്ങുമ്പോള്‍ അടുപ്പില്‍നിന്ന്‌ ഇറക്കി കുറച്ച്‌ എണ്ണയില്‍ കടുക്‌, കറിവേപ്പില, ചെറിയ ഉള്ളി എന്നിവ തളിച്ച്‌ ഉപയോഗിക്കാം.

[Read More...]

മീന്‍ മുളകിട്ടത്‌

ആവശ്യമുള്ള സാധനങ്ങള്‍

• നെയ്‌മീന്‍ - 300 ഗ്രാം
• ചെറിയ ഉള്ളി (ചെറുതായി മുറിച്ചത്‌) - പത്ത്‌ എണ്ണം
• പച്ചമുളക്‌ (വട്ടത്തില്‍ മുറിച്ചത്‌)- ആറെണ്ണം
• വെളുത്തുള്ളി (ചതച്ചത്‌ )- ഏഴ്‌ അല്ലി
• തക്കാളി (വലുത്‌ നാലായി മുറിച്ചത്‌) - രണ്ടെണ്ണം
• മുളകുപൊടി - മൂന്ന്‌ ടേബിള്‍സ്‌പൂണ്‍
• മഞ്ഞള്‍പ്പൊടി - ഒരു ടീസ്‌പൂണ്‍
• പുളി - ഒരു ചെറുനാരങ്ങാ വലുപ്പത്തില്‍
• ഉലുവ - ഒരു ടീസ്‌പൂണ്‍
• കടുക്‌ - ഒരു ടീസ്‌പൂണ്‍
• വെളിച്ചെണ്ണ - രണ്ട്‌ ടേബിള്‍സ്‌പൂണ്‍
• കറിവേപ്പില - രണ്ട്‌ തണ്ട്‌
• ഉപ്പ്‌ - പാകത്തിന്‌

തയാറാക്കുന്നവിധം

നെയ്‌മീന്‍ കഷണങ്ങളായി മുറിച്ച്‌ വൃത്തിയായി കഴുകി എടുക്കുക. പുളി അല്‌പം വെള്ളത്തില്‍ കുതിര്‍ത്തുവയ്‌ക്കണം. ഒരു മണ്‍ചട്ടിയില്‍ വെളിച്ചെണ്ണയൊഴിച്ച്‌ ചൂടാകുമ്പോള്‍ കടുക്‌ ഇട്ട്‌ പൊട്ടിച്ചതിനുശേഷം ഉലുവ, ഉള്ളി, പച്ചമുളക്‌, വെളുത്തുള്ളി എന്നിവ കൂടെ ഇട്ട്‌ അല്‌പം നിറം മാറുന്നതുവരെ ഇളക്കുക. തുടര്‍ന്ന്‌ മുളകുപൊടിയും മഞ്ഞള്‍പ്പൊടിയും ചേര്‍ത്തിളക്കുക. മീനും കറിവേപ്പിലയും ഉപ്പും ചേര്‍ത്ത്‌ കഷണങ്ങള്‍ വെന്ത്‌ ചാറ്‌ അല്‌പം കുറുകിയാല്‍ ഇറക്കി ഇളക്കി ഉപയോഗിക്കാം.

[Read More...]

മിൻസ്ഡ് മീറ്റ് നിറച്ച കാബേജ് റോൾസ്

ആവശ്യമുള്ള സാധനങ്ങള്‍

• കാബേജ് 10 ഇല 
• മിൻസ് ചെയ്ത ബീഫ് അല്ലെങ്കിൽ ചിക്കൻ അരക്കിലോ 
• വിനാഗിരി ഒരു ചെറിയ സ്പൂൺ 
• കോൺഫ്ളവർ അര വലിയ സ്പൂൺ 
• സോയാസോസ് അര വലിയ സ്പൂൺ 
• ഉപ്പ് പാകത്തിന് 
• എണ്ണ രണ്ടു വലിയ സ്പൂൺ 
• ഇഞ്ചി രണ്ടു കഷണം ചെറുതായി അരിഞ്ഞത് 
• വെളുത്തുള്ളി ചെറുതായി അരിഞ്ഞത് ഒരു വലിയ സ്പൂൺ 
• പച്ചമുളക് മൂന്ന്, ചെറുതായി അരിഞ്ഞത് 

സോസിന് 

• സോയോസോസ് ഒരു വലിയ സ്പൂൺ 
• വെള്ളം അഞ്ചു വലിയ സ്പൂൺ 
• ഉപ്പ് പാകത്തിന് 
• കോൺഫ്ളവർ അര ചെറിയ സ്പൂൺ, ഒരു വലിയ സ്പൂൺ വെള്ളത്തിൽ കലക്കിയത് 

പാകം ചെയ്യുന്ന വിധം 

∙ വെള്ളം തിളപ്പിച്ച് അതിൽ അൽപം എണ്ണയൊഴിച്ച്, അതിൽ കാബേജ് ഇലയിട്ടു തിളപ്പിച്ചു വാട്ടിയെടുക്കുക 
∙ മിൻസ് ചെയ്ത ഇറച്ചി മൂന്നാമത്തെ ചേരുവ ചേർത്തിളക്കി അര മണിക്കൂർ വയ്ക്കുക. 
∙ എണ്ണ ചൂടാക്കി അഞ്ചാമത്തെ ചേരുവ വഴറ്റിയശേഷം മിൻസ്ഡ് മീറ്റ് ചേർത്തിളക്കി നന്നായി വഴറ്റി വേവിക്കുക 
∙ വേവിച്ച ഇറച്ചി 10 ഭാഗങ്ങളാക്കുക 
∙ ഓരോ ഭാഗവും ഓരോ കാബേജ് ഇലയിൽ പൊതിഞ്ഞു 15 മിനിറ്റ് ആവിയിൽ വേവിച്ചശേഷം വിളമ്പാനുള്ള പാത്രത്തിലാക്കി വയ്ക്കുക. 
∙ സോസ് തയാറാക്കാൻ ആറാമത്തെ ചേരുവ യോജിപ്പിച്ച് കോൺഫ്ളവർ കലക്കിയതും ചേർത്തിളക്കി അടുപ്പിൽ വച്ചു തിളപ്പിച്ചു കുറുക്കണം. 
∙ ഇതു കാബേജ് റോൾസിനും മുകളിൽ ഒഴിച്ചു ചൂടോടെ വിളമ്പുക

[Read More...]

ഉണക്കച്ചെമ്മീന്‍ ചമ്മന്തി

ആവശ്യമുള്ള സാധനങ്ങള്‍ 

• ഉണക്കച്ചെമ്മീന്‍ - ഒരു കപ്പ്‌ 
• തേങ്ങ ചിരകിയത്‌ - ഒരു കപ്പ്‌ 
• ചെറിയ ഉള്ളി - പന്ത്രണ്ടെണ്ണം 
• മുളകുപൊടി - ഒരു ടേബിള്‍സ്‌പൂണ്‍ 
• വാളന്‍പുളി - ഒരു നുള്ള്‌ 
• വെളിച്ചെണ്ണ - ഒരു ടേബിള്‍സ്‌പൂണ്‍ 
• ഉപ്പ്‌ - പാകത്തിന്‌ 

തയാറാക്കുന്നവിധം 

ഉണക്കച്ചെമ്മീന്‍ എണ്ണ ചേര്‍ക്കാതെ വറുത്തശേഷം ചതച്ചെടുക്കുക. ഒരു ടേബിള്‍സ്‌പൂണ്‍ വെളിച്ചെണ്ണ ചൂടാക്കി ചെറിയഉള്ളി വഴറ്റുക. തേങ്ങ ചിരകിയത്‌, മുളകുപൊടി എന്നിവ വഴറ്റുക. വാളന്‍പുളി ചേര്‍ക്കുക. ചെമ്മീന്‍ ചേര്‍ക്കുക. അല്‌പം വെളിച്ചെണ്ണകൂടി ചേര്‍ക്കുക. 

[Read More...]

ശര്‍ക്കര പായസം

ആവശ്യമുള്ള സാധനങ്ങള്‍

• പച്ചരി - 500 ഗ്രാം
• ശര്‍ക്കര - 300 ഗ്രാം
• ചെറുപയര്‍ പരിപ്പ് - 50 ഗ്രാം
• നെയ്യ് - 250 ഗ്രാം
• അണ്ടി പരിപ്പ് - 50 ഗ്രാം
• കിസ്മസ് - 25 ഗ്രാം
• ഏലക്കായ് - 5 ഗ്രാം
• തേങ്ങാ - 1

തയ്യാറാക്കേണ്ട വിധം

ഒരു ഉരുളിയില്‍ ചെരുപയര്‍ പരിപ്പ് ഇട്ട് വെള്ളം ഒഴിച്ചു വേവിക്കുക. ചെറുപയര്‍ പരിപ്പ് നല്ലതുപോലെ വേവുന്നതിനു മുന്‍പായി കുറച്ചു വെള്ളം കൂടി ചേര്‍ത്ത് ശര്‍ക്കരയും അതിലിടുക. ശര്‍ക്കര അലിഞ്ഞു കഴിയുമ്പോള്‍ എടുത്തുവെച്ചിരിക്കുന്ന പച്ചരിയും അതിലിടുക. പച്ചരി നല്ലതുപോലെ കഴുകി അരിച്ചെടുത്തതായിരിക്കണം. അങ്ങനെ അരിവേകാറാകുമ്പോള്‍ അണ്ടിപരിപ്പും കിസ്മസ്സു നെയ്യും കൂടി അതിലിടുക. അണ്ടിപരിപ്പും കിസ്മസ്സും ഏലക്കായ് നെയ്യില്‍ വറുത്തതായിരിക്കണം. ഏലക്കായ് നല്ലതുപോലെ പൊടിച്ചതും ആയിരിക്കണം. ഇവയെല്ലാം ചേര്‍ത്ത മിശ്രിതം നല്ലതു പോലെ ഇളക്കണം. തേങ്ങാചുരണ്ടി എടുത്ത് നെയ്യില്‍ വറുത്തെടുത്ത് അതും ചേര്‍ക്കുക. അരിയുടെ വേവു പാകമാകുമ്പോള്‍ ഇറക്കിവെക്കുക. സ്വല്പം കാറ്റു കൊണ്ടാല്‍ ഈ മിശ്രിതം കുറച്ചുകൂടി കട്ടിയായിക്കൊള്ളും.

[Read More...]

ചക്ക ഷേക്ക്

ആവശ്യമായ സാധനങ്ങള്‍:

• നന്നായി പഴുത്ത വരിക്കച്ചക്കച്ചുളകള്‍ : ഒരു കപ്പ്
• പാല്‍ : രണ്ട് കപ്പ്
• വാനില ഐസ്‌ക്രീം : രണ്ട് ടേബിള്‍ സ്പൂണ്‍
• പഞ്ചസാര : ആവശ്യത്തിന്

തയാറാക്കുന്ന വിധം:

കുരുകളഞ്ഞ ചക്കച്ചുളകളും പാലും പഞ്ചസാരയും ഐസ്‌ക്രീമും കൂടി മിക്‌സിയില്‍ നന്നായി അടിച്ചെടുക്കുക.

ഇനി ഫ്രിഡ്ജില്‍ വച്ച് തണുപ്പിച്ചോളൂ. രസികന്‍ ചക്ക ഷേക്ക് റെഡി.

[Read More...]

ഓറഞ്ച്‌ പുഡ്‌ഡിംഗ്‌

ആവശ്യമുള്ള സാധനങ്ങള്‍

• ഓറഞ്ച്‌ ജ്യൂസ്‌- രണ്ട്‌ കപ്പ്‌
• ജലാറ്റിന്‍- രണ്ടര ടേബിള്‍ സ്‌പൂണ്‍
• ചൂടുവെള്ളം- ഒന്നര കപ്പ്‌
• കണ്ടന്‍സിഡ്‌ മില്‍ക്ക്‌- 400 മില്ലി ലിറ്റര്‍
• നാരങ്ങാ നീര്‌-രണ്ട്‌ ടേബിള്‍ സ്‌പൂണ്‍

തയാറാക്കുന്ന വിധം

ജലാറ്റിന്‍ ചൂടുവെള്ളത്തില്‍ കുതിര്‍ത്ത്‌ ചൂടാക്കി ഉരുക്കി വയ്‌ക്കുക. ഓറഞ്ച്‌ ജ്യൂസ്‌, നാരങ്ങാനീര്‌, കണ്ടന്‍സിഡ്‌ മില്‍ക്ക്‌ ഒന്നിച്ച്‌ യോജിപ്പിക്കുക. ഇതിലേക്ക്‌ ജലാറ്റിന്‍ ഉരുക്കിയത്‌ ഒഴിച്ച്‌ ഇളക്കുക. ഇത്‌ ഒരു ബൗളിലേക്ക്‌ പകര്‍ന്ന്‌ ഫ്രിഡ്‌ജില്‍ വച്ച്‌ തണുപ്പിച്ച്‌ വിളമ്പാം.

[Read More...]

കടുകുമാങ്ങാ (കടൂമാങ്ങാ) അച്ചാര്‍

ചേരുവകൾ:

• മാങ്ങാ – 5 എണ്ണം
• വെളുത്തുള്ളി – ഒരു കുടം(നാട്ടിലെ ആണെങ്കില്‍ 2 ,വിദേശത്ത് കിട്ടുന്നത് ആണെങ്കില്‍ 1, ഒരു കാര്യം മറക്കണ്ട, വെളുത്തുള്ളി നമ്മുടെ ശരീരത്തിന് വളരെ നല്ലത് ആണെങ്കിലും പല കറികളിലും ഇത് കൂടി പോയാല്‍ രുചി മാറി പോകും.അതിനാല്‍ ഒരു കുടം എന്നത് കൂടണ്ട കേട്ടോ )
• 
  
• ഇഞ്ചി -ഒരു വലിയ കഷണം( ഇഞ്ചി അല്പം കൂടുതല്‍ എടുത്താലും കുഴപ്പമില്ല,പക്ഷെ കുറയരുത്‌)
• കടുക് –1 1/2 ടീസ്പൂണ്‍
• കാശ്മീരി മുളക് പൊടി - 4 ടീസ്പൂണ്‍ : ഇത് തന്നെ നല്ല എരിവു കാണും,എരിവു കൂട്ടണമെങ്കില്‍ 2 ടീസ്പൂണ്‍ കടി കൂട്ടിക്കോളു
• 
  
• മഞ്ഞപ്പൊടി - 1/2 ടീസ്പൂണ്‍
• ഉപ്പ് - പാകത്തിന്
• നല്ലെണ്ണ - രണ്ടു ടേബിള്‍ സ്പൂണ്‍ ; നല്ലെണ്ണ തന്നെ വേണം
• കായം - 1/2 ടീസ്പൂണ്‍
• ഉലുവാപൊടി - 1 ടീസ്പൂണ്‍
• കറി വേപ്പില - 2-3 കതിര്‍

തയ്യാറാക്കുന്ന വിധം:

മാങ്ങാ കഴുകി തൊലി ചെത്താതെ ചെറുതായി അരിയുക. ഇനി നല്ല പോലെ കഴുകി വാരി വയ്ക്കുക.. വെള്ളം തോര്‍ന്നു കഴിഞ്ഞു ഒരു പാത്രത്തില്‍ മാങ്ങാ ഇട്ടു പാകത്തിന് ഉപ്പും കുറച്ചു മഞ്ഞപ്പൊടിയും ചേര്‍ത്തു ഒരു ദിവസം ഫ്രിഡ്ജില്‍ വെച്ചേക്കുക. (മഞ്ഞള്‍പ്പൊടി ചേര്‍ക്കുന്നത് അച്ചാര്‍ ഇടുമ്പോള്‍ മാങ്ങാ വെളുത്തിരിക്കാതിരിക്കാന്‍ ആണ്). മാങ്ങാ ഒരു ദിവസം ഇങ്ങനെ ഉപ്പില്‍ പുരട്ടി വെച്ചിരുന്നിട്ടു തന്നെ ഇടണം.... എന്നാലേ നല്ല രുചി കിട്ടൂ......

അടുത്ത ദിവസം ഈ മാങ്ങാ അച്ചാറിടാം. മാങ്ങാ ഫ്രിഡ്ജില്‍ നിന്നും പുറത്തെടുത്തു കുറച്ചു സമയം തണുപ്പ് മാറാന്‍ വയ്ക്കുക.. ഇനി ഇതില്‍ ഒരു ടീസ്പൂണ്‍ കടുക് ചതച്ചിടുക. ഇനി ഒരു ചീനച്ചട്ടിയില്‍ നല്ലെണ്ണ ഒഴിച്ച് ചൂടാകുമ്പോള്‍ കടുകും കറി വേപ്പിലയും താളിച്ച്‌ ഇഞ്ചി വെളുത്തുള്ളി എന്നിവ അരിഞ്ഞതും നന്നായി വഴറ്റുക. ഇതിലേക്ക് 4 ടീസ്പൂണ്‍ മുളക് പൊടിയിട്ടു പെട്ടെന്ന് തീയണച്ചു ഇളക്കി മാങ്ങയും തട്ടിഇടുക.. പെട്ടെന്ന് തന്നെ തീയ് അണച്ചില്ലെങ്കില്‍ മുളക് പൊടി കരിഞ്ഞു കറുത്ത് പോകും... അച്ചാറിന്‍റെ രുചിയും പോകും. കാണാനും ഒരു ഭംഗി’ ഉണ്ടാകില്ല. തീയ് അണച്ചതിനു ശേഷം ഉടനെ തന്നെ ഒരു ടീസ്പൂണ്‍ ഉലുവാപ്പൊടി ചേര്‍ക്കുക, 1/2 ടീസ്പൂണ്‍ കായവും. ഇനി എല്ലാം കൂടി ഒന്ന് ഇളക്കി യോജിപ്പിക്കുക. ഉപ്പ് പാകത്തിന് ഉണ്ടോ എന്ന് നോക്കിയിട്ട് വേണമെങ്കില്‍ ഇപ്പോള്‍ ചേര്‍ക്കാം. കടുമാങ്ങ ചൂട് ആറി കഴിയുമ്പോള്‍ ഒരു കുപ്പിയില്‍ ആക്കി അടച്ചു ഫ്രിഡ്ജില്‍ വയ്ക്കുക.

ടിപ്സ് :

മാങ്ങയ്ക് പുളി ഉള്ളത് ആയതിനാല്‍ വിനാഗിരിയുടെ ആവശ്യമില്ല. (പുളി ഒട്ടും ഇല്ലാത്ത മാങ്ങ ആണെങ്കില്‍ മാത്രം കുറച്ചു വിനാഗിരി ചേര്ക്കാം) എണ്ണ അധികം ഉപയോഗിക്കാതെ ഉണ്ടാക്കിയത് ആയതു കൊണ്ട് ഫ്രിഡ്ജില്‍ തന്നെ സൂക്ഷിക്കണം. അല്ലെങ്കില്‍ കേടായി പോകും. വെള്ളം ഒഴിക്കേണ്ട ആവശ്യമില്ല. മുളക് പൊടി ചേര്‍ത്തു ഒരു മിനിട്ട് പോലും ചൂടാക്കണ്ട അവശ്യമില്ല. അല്ലെങ്കില്‍ നിറം മാറി പോകും,  ഇതറിയാവുന്നര്‍ മുളക് പൊടി ചൂടാക്കാതെ തന്നെ നേരെ മാങ്ങയില്‍ ചേര്ക്കുകയാണ് ചെയ്യുന്നത്. മുളകുപൊടിയും മഞ്ഞള്പൊടിയും വെള്ളത്തില്‍ കലക്കി പേസ്റ്റ് പരുവത്തില്‍ ആക്കി ചേര്‍ത്താലും മതി. കായം ഉണ്ടെങ്കില്‍ അതാണ്‌ കായ പൊടിയേക്കാള്‍ കൂടുതല്‍ നല്ലത്. ഈ അച്ചാര്‍ ഉണ്ടാക്കി കഴിഞ്ഞു അപ്പോള്‍ മുതല്‍ ഉപയോഗിക്കാവുന്നതാണ്. ഏതാനും ദിവസം വെച്ചശേഷം ഉപയോഗിച്ചാല്‍ രുചി ഏറും. ഉപയോഗിക്കുമ്പോള്‍ നനവുള്ള സ്പൂണ്‍ ഇടാതിരിക്കുക.

[Read More...]

Bread Potato Rolls

Ingredients:

• 4 bread slices, (bread should be firm)
• 2 medium size potatoes boiled peeled and mashed (this will make about 1-1/4 cup mashed potatoe)
• 1/4 cup green peas, boiled
• 1 teaspoon oil
• 1/4 teaspoon cumin seeds (jeera)
• 1/2 teaspoon salt
• 1/8 teaspoon red chili powder
• 1/2 teaspoon mango powder (amchoor)
• 1 tablespoon Cilantro (hara dhania), finely chopped
• 1 green chili (hari mirch) minced; adjust to taste
• 1 teaspoon ginger (adrak),finely chopped
• Oil to fry

Method

Heat the oil in a frying pan and add the cumin seed. When the cumin seed starts to crack, add green peas, green chili, and ginger, and stir for a few seconds.
Add the potatoes and all the spices (chili powder, mango powder, salt, cilantro) and stir-fry for a minute. Turn off the heat.
Taste the mixture; it should be a little spicier than you like, as it will taste milder inside the bread. Set aside
Trim the edges of the bread slices and cut them into two pieces. Set aside.
Roll 1½ tablespoons of the mixture at a time into an oval shape. Make twelve rolls. (The size of the potato rolls will depend on the size of the bread).
Fill a small bowl with water to wet the bread. Dip one side of a slice of the bread lightly in the water. Place the slice between your palms and press, squeezing out the excess water. This makes the bread
moist.
Place the filling in the center of this bread and mold the bread to completely cover it all around, giving an oval shape. Repeat to make all the rolls. Before frying, let them sit for about five minutes. (This
will evaporate some of the water from the bread so that it absorbs less oil while frying; also making the bread rolls crisper).
Heat the oil in a frying pan on medium high heat. Drop the rolls slowly into it, taking care not to overlap them.
Fry the bread rolls until they are golden brown, turning occasionally. This should take about two to three minutes. Take them out over a paper towel.
Serve them hot with hari cilantro chutney and tamarind sweet and sour chutney.

(Manjulas Kitchen)

[Read More...]

കാബേജ് തോരന്‍

ആവശ്യമുള്ള സാധനങ്ങള്‍

• കാബേജ് (അരിഞ്ഞത്) - 500ഗ്രാം
• തേങ്ങ - ഒരു പകുതി (ചിരകിയത്)
• പച്ചമുളക് - നാലെണ്ണം(നെടുകെ പിളർന്നത്)
• ഉപ്പ് - പാകത്തിന്
• കറിവേപ്പില - രണ്ട് തണ്ട്
• മഞ്ഞള്‍ ‍- പാകത്തിന്
• കടുക് - 25ഗ്രാം
• വറ്റല്‍ മുളക് - രണ്ടെണ്ണം
• ഉഴുന്നുപരിപ്പ് - അര സ്പൂണ്‍

പാകം ചെയ്യുന്ന വിധം:

കാബേജ് അരിഞ്ഞതിലേയ്ക്കു തേങ്ങ ചിരകിയതും പച്ചമുളക് കീറിയതും മഞ്ഞളും പാകത്തിന് ഉപ്പും ചേർത്ത് നന്നായി തിരുമ്മുക. ചീനച്ചട്ടിയില്‍ വെളിച്ചെണ്ണ ചൂടാക്കി കടുക്, വറ്റല്‍ മുളക്, ഉഴുന്നു പരിപ്പ്, കറിവേപ്പില എന്നിവ ചേർത്ത് താളിക്കുക. ഇതിലേയ്ക്കു തിരുമ്മിയ കാബേജ് ചേർത്ത് അല്പം വെള്ളം തൂകി അടച്ചു വേവിയ്ക്കുക. മൂന്നു മിനുറ്റിനു ശേഷം മൂടി തുറന്ന് നന്നായി ഇളക്കുക. വെള്ളം പൂർണ്ണമായും വറ്റിയ ശേഷം അടുപ്പില്‍ നിന്നുമിറക്കുക.

[Read More...]

കുക്കുംബര്‍ മുജീറ്റോ

ആവശ്യമുള്ള സാധനങ്ങള്‍

• സാലഡ്‌ കുക്കുംബര്‍ – ഒരെണ്ണം പകുതി (ചെറുതായി അരിഞ്ഞത്‌)
• ചെറുനാരങ്ങാനീര്‌ – ഒരു ടേബിള്‍സ്‌പൂണ്‍
• പഞ്ചസാര – ഒരു ടേബിള്‍സ്‌പൂണ്‍
• പുതിനയില – ഒരു ടീസ്‌പൂണ്‍

തയാറാക്കുന്ന വിധം

സാലഡ്‌ കുക്കുംബറും ചെറുനാരങ്ങാനീരും പഞ്ചസാരയും പുതിനയിലയും ആവശ്യത്തിന്‌ വെള്ളം ചേര്‍ത്ത്‌ മിക്‌സിയില്‍ അരച്ചെടുക്കുക. ഇത്‌ ഒരു ഗ്ലാസിലേക്ക്‌ പകര്‍ന്നശേഷം സാലഡ്‌ കുക്കുംബര്‍ ചെറുതായി അരിഞ്ഞത്‌ ഇതിലേക്കിട്ട്‌ വിളമ്പാം.

[Read More...]

ഉഴുന്നു വട

ആവശ്യമുള്ള സാധങ്ങൾ: 

• ഉഴുന്ന് – അര കിലോ, 
• അരിപ്പൊടി – രണ്ട്   ടേബിൾ സ്പൂൺ, 
• ചോറ്  രണ്ട് ടേബിള്‍ സ്പൂണ്‍,  
• കുരുമുളക് ചെറുതായി പൊടിച്ചത് –  നാലു ടീ സ്പൂൺ, 
• കറിവേപ്പില, പച്ചമുളക്, ഇഞ്ചി,   ഉപ്പ്, വെളിച്ചെണ്ണ എന്നിവ ആവശ്യത്തിന്   

ഉണ്ടാക്കുന്ന വിധം:  

ഉഴുന്ന് രണ്ടുമണിക്കൂർ കുതിർക്കുക.ഉഴുന്ന്  രണ്ടുമണിക്കൂറിൽ കൂടുതൽ കുതിരാനിടയാകരുത്. കറിവേപ്പിലയും പച്ചമുളകും ഇഞ്ചിയും ചെറുതായി  അരിയുക. ഒട്ടും വെള്ളം ചേർക്കാതെ, നല്ല മയത്തിൽ ഉഴുന്ന് അരച്ചെടുക്കണം. (മിക്സിയില്‍  വെള്ളമില്ലാതെ ചോറും ചേര്‍ത്ത് അരച്ചെടുക്കുക).ഇതിൽ  അരിഞ്ഞുവച്ച ചേരുവകളും പാകത്തിന് ഉപ്പും  കുരുമുളക് ചെറുതായി പൊടിച്ചതും ചേർത്ത് നന്നായി  യോജിപ്പിക്കുക. അവസാനം അരിപ്പൊടി വിതറി  മെല്ലെ ഇളക്കി യോജിപ്പിക്കുക. (വടയ്ക്ക് നല്ല  കരുകരുപ്പ് കിട്ടാനാണ് സ്വല്പം അരിപ്പൊടി  ചേർക്കുന്നത്.) മാവ് അരച്ചുകഴിഞ്ഞാൽ  കഴിയുന്നതും വേഗം വട ഉണ്ടാക്കണം.  വെളിച്ചെണ്ണ ചൂടാവാൻ വെക്കുക. ഇനി വട  ഷേപ്പ് ചെയ്ത് എണ്ണയിലിടാം. വട ഷേപ്പ്  ചെയ്യാൻ തുടങ്ങുതിനുമുൻപ് ഒരു പാത്രത്തിൽ കുറച്ചു  വെള്ളം അടുത്തു വയ്ക്കുക. മാവ് എടുക്കുന്നതിനുമുൻപ്  അദ്യം കൈപ്പത്തി രണ്ടും വെള്ളത്തിൽ മുക്കുക  (മാവ് കയ്യിൽ ഒട്ടാതിരിക്കാനാണ് വെള്ളത്തിൽ  മുക്കുന്നത്). എന്നിട്ട് കുറച്ചു മാവെടുത്ത്  കൈവെള്ളയിൽ വച്ച് ഒന്നമർത്തി നടുക്കൊരു  ദ്വാരമുണ്ടാക്കുക.ഇത് ഷെയിപ്പ് നഷ്ടപ്പെടാതെ  മറ്റേകയ്യിലേക്ക് മറിച്ചശേഷം ഉടനെ ചൂടായ  എണ്ണയിലേക്ക് വഴുക്കിയിറക്കുക. കയ്യിലെ  വെള്ളമയം നഷ്ടപ്പെടുന്നതിനുമുമ്പ്…ഈ  കാര്യങ്ങളൊക്കെ പെട്ടെന്നു ചെയ്യണം .  വീണ്ടും കൈകൾ വെള്ളത്തിൽ മുക്കുക, അടുത്ത വട  റെഡിയാക്കി എണ്ണയിടുക. (ഓരോ വടയ്ക്കുള്ള  മാവ് എടുക്കുന്നതിനുമുമ്പും കൈകൾ വെള്ളത്തിൽ  മുക്കണം). അദ്യമൊന്നും ശരിയാവില്ല. കുറേ  പ്രാവശ്യം ഉണ്ടാക്കി പരിചയമായാൽ നന്നായിട്ടു  ചെയ്യാൻ പറ്റും. ഉഴുന്നുവട മൂത്തുകിട്ടാൻ കുറച്ചു  സമയമെടുക്കും. നന്നായി മൊരിഞ്ഞിട്ടേ  കോരിയെടുക്കാവൂ..  വട തയ്യാറായിക്കഴിഞ്ഞു! ചമ്മന്തിയോ,  ചട്ണിയോ, സാമ്പാറോ കൂട്ടിക്കഴിക്കാം. 

ഉഴുന്നുവടയുണ്ടാക്കുമ്പോൾ പ്രധാനമായും രണ്ടു  കാര്യങ്ങളാണ് ശ്രദ്ധിക്കേണ്ടത്. ഒന്ന്, ഉഴുന്ന്  രണ്ടുമണിക്കൂറിൽ കൂടുതൽ കുതിരാനിടരുത്. രണ്ട്, മാവ്  അരച്ചുകഴിഞ്ഞാൽ കഴിയുന്നതും വേഗം വട  ഉണ്ടാക്കണം.വൈകുന്തോറും വട  എണ്ണകുടിക്കാനുള്ള സാധ്യത ഏറും.

(മിനി ജോണ്‍സണ്‍)

[Read More...]

കക്കയിറച്ചി റോസ്റ്റ്

ചേരുവ‍ - 1

• കക്കയിറച്ചി - വൃത്തിയാക്കി എടുത്തത് ഒരു കിലോ

ചേരുവ‍ - 2

• ചുവന്നുള്ളി അരിഞ്ഞത് 250 ഗ്രാം
• ഇഞ്ചി ചതച്ചത് ഒരു കഷ്‌ണം
• വെളുത്തുള്ളി 5-6 എണ്ണം

ചേരുവ‍ - 3

• മുളകുപൊടി 3 ടീസ്‌പൂണ്‍
• മഞ്ഞള്‍പൊടി 1 ടീസ്‌പൂണ്‍
• ഗരംമസാല
• 2 ടീസ്‌പൂണ്‍
• കുരുമുളക്പൊടി 3 ടീസ്‌പൂണ്‍

ചേരുവ - 4

• എണ്ണ ആവശ്യത്തിന്
• ഉള്ളി അരിഞ്ഞത് കുറച്ച് മതി
• തേങ്ങാക്കൊത്ത് ഒരു കഷ്‌ണം
• കുറച്ച് കുരുമുളക് ചതച്ചത്
• പച്ചമുളക്
• കറിവേപ്പില

തയ്യാറാക്കുന്നവിധം

കക്കയിറച്ചിയ്ക്കൊപ്പം ഉപ്പ്, വെളുത്തുള്ളി, ഇഞ്ചി ചതച്ചത്, മുളക് പൊടി, മഞ്ഞള്‍പ്പൊടി, ഗരംമസാലപൊടി, കുരുമുളക് പൊടി എന്നിവ ചേര്‍ത്ത് വെള്ളത്തില്‍ വേവിക്കുക(വെള്ളം അധികം വേണ്ട). ഏകദേശം 10-15 മിനിട്ട് വേവിക്കുമ്പോള്‍ വെള്ളം വറ്റിയിരിക്കും. ഇതിനുശേഷം എണ്ണ ചൂടാക്കി കടുക് വറുക്കുക. ഇതിലേക്ക് ഉള്ളി അരിഞ്ഞത്, തേങ്ങാക്കൊത്ത്, പച്ചമുളക്, കറിവേപ്പില കുരുമുളക് ചതച്ചത് എന്നിവ ഇടണം. ഇത് മൂത്തുവരുമ്പോള്‍, ഇതിലേക്ക് വേവിച്ചുവെച്ചിരിക്കുന്ന കക്കയിറച്ചി ചേര്‍ക്കണം. ആവശ്യത്തിന് എണ്ണ ചേര്‍ത്ത് നന്നായി ഇളക്കി വേവിക്കണം. ഒരു അഞ്ചു മിനിട്ട് ഇളക്കി വേവിക്കണം. ഇപ്പോള്‍ സ്വാദിഷ്‌ഠമായ കക്കയിറച്ചി റോസ്റ്റ് തയ്യാറായിട്ടുണ്ട്. ചൂടോടെ വിളമ്പാം...

[Read More...]

കോക്കനട്ട്‌ റൈസ്‌

ആവശ്യമുള്ള സാധനങ്ങള്‍

• ബസുമതി അരി-500 ഗ്രാം
• തേങ്ങ ചിരകിയത്‌ - അരക്കപ്പ്‌
• കപ്പലണ്ടി- നാല്‌ ടീസ്‌പൂണ്‍
• ബട്ടര്‍ -അരക്കപ്പ്‌
• ഉഴുന്നുപരിപ്പ്‌- രണ്ട്‌ ടീസ്‌പൂണ്‍
• വറ്റല്‍മുളക്‌- അഞ്ചെണ്ണം
• കടുക്‌- ഒരു ടീസ്‌പൂണ്‍
• മല്ലിയില, കറിവേപ്പില- ഒരു ടേബിള്‍ സ്‌പൂണ്‍
• ഉപ്പ്‌ - പാകത്തിന്‌

തയാറാക്കുന്ന വിധം

വെള്ളവും പാകത്തിന്‌ ഉപ്പും ചേര്‍ത്ത്‌ അരി വേവിച്ച്‌ മാറ്റി വയ്‌ക്കുക. ഫ്രൈയിംഗ്‌ പാനില്‍ ബട്ടര്‍ ചൂടാക്കി കപ്പലണ്ടി വറുത്ത്‌ മാറ്റുക. തേങ്ങയിട്ട്‌ വറുത്ത്‌ കോരുക. ശേഷം ഫ്രൈയിംഗ്‌ പാനില്‍ കടുകിട്ട്‌ പൊട്ടുമ്പോള്‍ ഉഴുന്നുപരിപ്പും വറ്റല്‍മുളകും വഴറ്റുക.

ഇനി കറിവേപ്പിലയും ചേര്‍ത്തിളക്കാം. ശേഷം വേവിച്ചുവച്ചിരിക്കുന്ന ചോറ്‌ ചേര്‍ത്തിളക്കി വറുത്തുവച്ചിരിക്കുന്ന തേങ്ങയും കശുവണ്ടിയും മല്ലിയിലയും വിതറി വിളമ്പാം.

[Read More...]

മീന്‍ അച്ചാര്‍

ആവശ്യമുള്ള സാധനങ്ങള്‍

• മീന്‍ (കേര,മോദ,നെയ്‌മീന്‍,മത്തി) - ഒരു കിലോ
• മഞ്ഞള്‍- 3 എണ്ണം
• മുളക്‌- 5 എണ്ണം
• മുളകു പൊടി - 4 ടേബിള്‍സ്‌പൂണ്‍
• നല്ലെണ്ണ/വെളിച്ചെണ്ണ- ഒരു കപ്പ്‌
• ഇഞ്ചി - 100 ഗ്രാം
• വെളുത്തുള്ളി - 150 ഗ്രാം
• പച്ചമുളക്‌ - 4 എണ്ണം (കീറിയത്‌)
• ഉപ്പ്‌- പാകത്തിന്‌

തയാറാക്കുന്ന വിധം

മീന്‍ മുള്ളു കളഞ്ഞ്‌ ചെറിയ കഷണങ്ങളാക്കുക. മഞ്ഞള്‍,ഉപ്പ്‌,മുളക്‌ എന്നിവ അരച്ച്‌ ആ അരപ്പില്‍ മീന്‍ ഒരു മണിക്കൂര്‍ പുരട്ടി വയ്‌ക്കുക. അതിനു ശേഷം മീന്‍ വെളിച്ചെണ്ണയില്‍ വറുത്തു കോരുക. ഇഞ്ചിയും മുളകും നല്ലെണ്ണയില്‍ മൂപ്പിച്ചതിനു ശേഷം മുളകു പൊടി വെള്ളത്തില്‍ കലര്‍ത്തി അതിനോടൊപ്പം ഇളക്കുക. അതിലേക്കിടുന്ന മീന്‍ കഷണത്തോടൊപ്പം പച്ചമുളക്‌ കീറിയിടുക. അര മണിക്കൂറോളം തിളയ്‌ക്കാന്‍ സമയം കൊടുക്കുന്നതിനോടൊപ്പം ആവശ്യത്തിന്‌ വെള്ളം ചേര്‍ക്കുക. രണ്ടു ദിവസത്തേക്ക്‌ അടച്ചു സൂക്ഷിക്കുന്ന അച്ചാറില്‍ അതിനു ശേഷം വിനാഗിരി ചേര്‍ക്കുക. ആറു മാസത്തോളം അച്ചാറിനു യാതൊരു കേടുപാടും വരില്ല.

[Read More...]

ഫിഷ്‌ മോളി

ചേരുവകള്‍

• മീന്‍ - അര കിലോ
• മഞ്ഞള്‍ പൊടി - ഒരു സ്പൂണ്‍
• കുരുമുളക് പൊടി - അര സ്പൂണ്‍
• നാരങ്ങാനീര് - ഒരു സ്പൂണ്‍
• ഉപ്പു - പാകത്തിന്

മീനില്‍ ഇവ പുരട്ടി അര മണിക്കൂര്‍ വയ്ക്കുക .

• സവാള - രണ്ടു, നീളത്തില്‍ അരിഞ്ഞത്
• ഇഞ്ചി അരിഞ്ഞത് - മൂന്നു സ്പൂണ്‍
• വെളുത്തുള്ളിയരിഞ്ഞത് - ഒരു തുടം
• പച്ച മുളക് - മൂന്നെണ്ണം, നീളത്തില്‍ അരിഞ്ഞത്
• തക്കാളി - ഒരു വലുത്, നീളത്തില്‍ അരിഞ്ഞത്
• ഏലയ്ക്ക - ഒന്നിന്റെ പകുതി
• കറുവാപട്ട - ഒരു ചെറിയ കഷ്ണം
• തേങ്ങാപാല്‍ - രണ്ടാംപാല്‍ - ഒന്നര കപ്പ്‌
• ഒന്നാം പാല്‍ - അരകപ്പ്‌
• എണ്ണ - ഒരു സ്പൂണ്‍
• കറിവേപ്പില - രണ്ടു തണ്ട്

തയ്യാറാക്കുന്ന വിധം :

എണ്ണ ചൂടാക്കി കറിവേപ്പില ഒന്ന് വാട്ടുക.
ഇനി ഏലയ്ക്കായും കറുവാപട്ടയും മൂപ്പിച്ച ശേഷം ഇഞ്ചീം പച്ചമുളകും വെളുത്തുള്ളീം വാട്ടുക. മീന്‍ ചെറുതായി ഒന്ന് വറുക്കുക. ഒരു രണ്ടു മിനുട്ട് മതി .
ഇനി ഇതില്‍ പൊടികള്‍ ചേര്‍ത്ത് ഇളക്കിയ ശേഷം സവാള ചേര്‍ക്കുക.
നന്നായി ഒന്ന് ഇളക്കിയ ശേഷം രണ്ടാം പാല്‍ ഒഴിച്ചു മൂടി വച്ചു തിളപ്പിക്കുക.
വറ്റി വരുമ്പോള്‍ തക്കാളി ചേര്‍ത്തിളക്കി ഒന്നാം പാല്‍ ചേര്‍ക്കുക.
പാകത്തിന് ഉപ്പും ചേര്‍ത്ത് ചൂടാകുമ്പോള്‍ വാങ്ങുക.

[Read More...]

ട്രാവന്‍കൂര്‍ താറാവ് കറി

ചേരുവകള്

• താറാവ് ഇറച്ചി - 1/2 കിലോ
• സവാള - 2 എണ്ണം
• മുളക് പൊടി - 1 1/2 ടീസ്പൂണ്‍
• മഞ്ഞള്‍ പൊടി - 1/2 ടീസ്പൂണ്‍
• വെളുത്തുള്ളി പേസ്റ്റ് - 1 ടീസ്പൂണ്‍
• ഇഞ്ചി പേസ്റ്റ് - 1 ടീസ്പൂണ്‍
• തക്കാളി - 2എണ്ണം
• മുളക് - 4എണ്ണം
• ഖരം മസാല - 1/2 ടീസ്പൂണ്‍
• മല്ലിപ്പൊടി - 1 ടീസ്പൂണ്‍
• വെളിച്ചെണ്ണ - 5 ടീസ്പൂണ്‍
• ഉപ്പ് - പാകത്തിന്

തയ്യാറാക്കുന്ന വിധം: 

3 ടീസ്പൂണ്‍ വെളിച്ചെണ്ണ തവിയില്‍ ചൂടാക്കുക. അതില്‍ അരിഞ്ഞ് വെച്ച സവാള, മഞ്ഞള്‍പ്പൊടി, മുളക് പൊടി, ഇഞ്ചി, വെളുത്തുള്ളി, തക്കാളി എന്നിവ ചേര്‍ത്ത് ഉടയ്ക്കുക. അതില്‍ ഉപ്പും മുളകും, മല്ലിപൊടിയും ചേര്‍ത്ത ഇറച്ചി ഇട്ട് നന്നായി ഇളക്കി വേവിക്കുക. അതിനു മുകളില്‍ ഖരം മസാല വിതറി വാങ്ങി വെക്കുക.

     

(പ്രിയ കുഞ്ചാക്കോ ബോബൻ)

[Read More...]

Prawns Roast / Chemmeen Varattiyathu

Ingredients

• ¼ kg prawns
• 2 onions, sliced
• 3 green chillies, chopped
• 1 tomato, diced
• 1 tsp ginger paste
• 1 tsp garlic paste
• ½ tsp mustard seeds
• ½ tsp fenugreek seeds
• 3 tsp chilli powder
• 1 tsp coriander powder
• A few sprigs of coriander leaves
• 2 cups tamarind juice
• A few sprigs of curry leaves

Preparation

Take the prawns in a bowl, and add a tsp of chilli powder, a little turmeric powder and salt
Mix well with the prawns and marinate for about 5-10 minutes
Heat oil in a pan. (Vegetable oil or coconut oil)
Fry the marinated prawns, and drain them
Keep aside both the fried prawns and the oil
Now the sauce has to be prepared.
In a pan, pour 2 tbsp oil
Add mustard seeds and let them splutter
Put in fenugreek seeds and wait until they pop
Then add the curry leaves
Add the onions and then the green chillies and saute well in low flame
Add the ginger and garlic paste
Soon enough, add the diced tomato
Once the mix is sauteed well, add two tsp chilli powder, 1tsp coriander powder, and ¼ tsp turmeric powder
Take the oil saved after frying the prawns and pour it into the pan
To this, add the tamarind juice
Add enough salt, and let the curry boil
Once this gravy boils and thickens slightly, add the fried prawns to it
Put in the chopped coriander leaves and mix well
Keep in low flame and let it boil for another 2-3 minutes
Chemmeen varattiyathu is ready to be served
Pair it with hot steaming rice or soft rotis.

(Faiza Moosa)

[Read More...]

പൈനാപ്പിള്‍ ഗ്രില്‍ഡ്‌ പോര്‍ക്ക്‌ ചോപ്‌സ്

ആവശ്യമുള്ള സാധനങ്ങള്‍

• 1. പഞ്ചസാര - കാല്‍ക്കപ്പ്‌ 
• സോയാസോസ്‌ - കാല്‍ക്കപ്പ്‌ 
• വെളുത്തുള്ളി - ഇഞ്ചി പേസ്‌റ്റ് - ഒന്നര ടേബിള്‍ സ്‌പൂണ്‍ 
• കുരുമുളക്‌ പൊടി - ഒരു ടേബിള്‍ സ്‌പൂണ്‍ 
• ഉപ്പ്‌ - പാകത്തിന്‌ 
• മുളകുപൊടി - രണ്ട്‌ ടേബിള്‍ സ്‌പൂണ്‍ 
• 2. കൈതച്ചക്ക തൊലികളഞ്ഞ്‌ വട്ടത്തില്‍ മുറിച്ചത്‌ - നാല്‌ കഷണം 
• പന്നിയിറച്ചി-വലിയ കഷണങ്ങളായി മുറിച്ചത്‌- നാല്‌ എണ്ണം 
• ബട്ടര്‍ - ഒരു കപ്പ്‌ 

തയ്യാറാക്കുന്ന വിധം 

ഒന്നാമത്തെ ചേരുവകള്‍ ഒന്നിച്ച്‌ യോജിപ്പിച്ച്‌ പന്നിയിറച്ചി കഷണങ്ങളില്‍ പുരട്ടി ഒരു പാത്രത്തില്‍ അടച്ച്‌ ഒരു രാത്രി ഫ്രിഡ്‌ജില്‍ സൂക്ഷിക്കുക. ഗ്രില്‍ ചൂടാക്കി അതില്‍ ബട്ടര്‍ പുരട്ടി ഇറച്ചിയും അതോടൊപ്പം കൈതച്ചക്കയും തിരിച്ചും മറിച്ചും ഇട്ട്‌ വേവിച്ചെടുക്കാം. കൈതച്ചക്ക ഇറച്ചിയുടെ മുകളില്‍ വച്ച്‌ അലങ്കരിച്ച്‌ വിളമ്പാം.

[Read More...]

ക്രീം ഓഫ് ചിക്കന്‍ സൂപ്പ്

ചേരുവകള്‍

• കശുവണ്ടി  -  200  ഗ്രാം (അരച്ചത്)    
• ക്രീം -  200 ഗ്രാം
• ബട്ടര്‍  - 100 ഗ്രാം 
• കുരുമുളക് പൊടി -  ആവശ്യത്തിന്
• ഉപ്പ്  - ആവശ്യത്തിന്
• കാരറ്റ് പൊടിയായി അരിഞ്ഞത്  -  രണ്ടെണ്ണം 
• സ്പ്രിംഗ് ഒനിയന്‍ അരിഞ്ഞത്  - രണ്ടെണ്ണം 
• ചിക്കന്‍ സ്റ്റോക്ക് -  നാല് കപ്പ്
• മൈദ - നാല് ടേബിള്‍ സ്പൂണ്‍
• സവാള പൊടിയായി അരിഞ്ഞത്  - രണ്ടെണ്ണം 
• സെലറി പൊടിയായി അരിഞ്ഞത്  - ഒരു തണ്ട് 

തയ്യാറാക്കുന്ന വിധം

ഒരു പാത്രത്തില്‍ ബട്ടര്‍ ചൂടാക്കി അതില്‍ സവാള, കാരറ്റ് എന്നിവ വഴറ്റുക. അതില്‍ മൈദ ചേര്‍ത്ത് ചൂടാകുമ്പോള്‍ സ്റ്റോക്ക് ഒഴിച്ച് കുരുമുളക് പൊടി, ഉപ്പ് എന്നിവ ചേര്‍ത്ത് ഇളക്കി കൊണ്ടിരിക്കണം. കശുവണ്ടി അരച്ചത് ചേര്‍ത്ത് വീണ്ടും തിളപ്പിക്കുക. അതില്‍ ക്രീം ചേര്‍ത്ത് ചൂടാകുമ്പോള്‍ സ്പ്രിംഗ് ഒനിയന്‍, സെലറി അരിഞ്ഞത് എന്നിവ ചേര്‍ത്ത് ചൂടോടെ വിളമ്പുക.

(ജോയ്‌സ് വല്‍സന്‍)

[Read More...]

No Bake Cookie Dough Chocolate Cups

Ingredients:

• 6 Tbsp. melted butter
• 1/2 cup light brown sugar
• 3 oz cream cheese
• 4 Tbsp. granulated sugar
• 1 1/4 cups all-purpose flour
• 1/4 tsp baking soda
• 1/4 tsp salt
• 2 tsp vanilla extract
• 3/4 cup mini chocolate chips
• 1 cup chocolate chips

Method 

In a large bowl, beat together butter and brown sugar. Mix in cream cheese and white sugar until well combined.

Add vanilla, baking soda, salt, and flour until dough is formed. Stir in mini chocolate chips. Roll cookie doughs into small balls and set aside.

In a small microwave-safe bowl melt chocolate chips. (Microwave for 60 seconds, check and stir every 15 seconds.)

Line a muffin tin with lining cups. Spoon the melted chocolate into the bottom of each muffin cup. Place the cookie dough balls (slightly flattened) on top of the melted chocolate. Pour the remaining melted chocolate over the cookie dough balls. Gently shake the muffin tin to even out the chocolate.

Chill in the fridge for at least 30 minutes.

[Read More...]

ബീഫ് സ്റ്റ്യു വിത്ത് കാബേജ് ആന്‍ഡ് കാപ്‌സിക്കം

ചേരുവകള്‍

• മാട്ടിറച്ചി  - അര കി. ഗ്രാം
• സോയാസോസ്   -    രണ്ട് ടീസ്പൂണ്‍
• വെളുത്തുള്ളി ചതച്ചത്  - എട്ട് അല്ലി
• ഉപ്പ്  - പാകത്തിന്
• എണ്ണ -  മൂന്ന് ടീസ്പൂണ്‍
• സവാള ചതുരത്തില്‍ അരിഞ്ഞത്  -  മൂന്നെണ്ണം 
• കാപ്‌സിക്കം ചതുരത്തില്‍ അരിഞ്ഞത് -  ഒന്ന്
• കാബേജ് ചതുരത്തില്‍ അരിഞ്ഞത് -  കാല്‍ കിലോ
• സെലറി അരിഞ്ഞത് -  രണ്ട് ടീസ്പൂണ്‍
• മൈദ   -   രണ്ട് ടീസ്പൂണ്‍

തയ്യാറാക്കുന്ന വിധം:

ഉപ്പ്, സോസ്, വെളുത്തുള്ളി എന്നിവ ചേര്‍ത്ത് ഇറച്ചി പുഴുങ്ങുക. തണുത്ത ശേഷം കനം കുറച്ച് ചതുരത്തില്‍ മുറിക്കുക. ചാറ് മാറ്റി വയ്ക്കണം. ചീനച്ചട്ടിയില്‍ എണ്ണ ഒഴിച്ച് സവാള, കാപ്‌സിക്കം, കാബേജ്, സെലറി വഴറ്റുക. അതില്‍ ഇറച്ചി ചേര്‍ത്ത് ഇളക്കണം. പിന്നീട് മൈദ ചേര്‍ത്ത് മൂത്ത മണം വരുമ്പോള്‍ മാറ്റി വച്ചിരിക്കുന്ന ചാറ് ചേര്‍ത്ത് കുറുകി വരുമ്പോള്‍ വാങ്ങി ചൂടോടെ ഉപയോഗിക്കുക. സെലറി അരിഞ്ഞത് ഇട്ട് അലങ്കരിക്കുക.

(ജോയ്‌സ് വല്‍സന്‍)

[Read More...]