കുമ്പളങ്ങാ മോര് കറി

ചേരുവകള്‍

• കുമ്പളങ്ങ ചതുരത്തില്‍ മുറിച്ചത് – 200 ഗ്രാം
• മഞ്ഞള്‍ പൊടി – അര ടീസ്പൂണ്‍
• മുളക് പൊടി – കാല്‍ ടീസ്പൂണ്‍
• പച്ചമുളക് – 3 എണ്ണം
• തേങ്ങ – അര മുറി
• ജീരകം – അര ടീസ്പൂണ്‍
• വെളുത്തുള്ളി – 2 അല്ലി
• മോര് – ഒരു കപ്പ്
• ഉലുവ – കാല്‍ ടീസ്പൂണ്‍
• കടുക്‌ – അര ടീസ്പൂണ്‍
• ചെറിയ ഉള്ളി – 4 എണ്ണം
• വേപ്പില – 2 തണ്ട്
• എണ്ണ – 3 ടേബിള്‍ സ്പൂണ്‍
• ഉപ്പ് – ആവശ്യത്തിന്

തയാറാക്കുന്ന വിധം

കുമ്പളങ്ങ ക്യൂബ്സ് ആയി മുറിച്ച് കാല്‍ ടീസ്പൂണ്‍ മഞ്ഞളും കാല്‍ ടീസ്പൂണ്‍ മുളക് പൊടിയും ആവശ്യത്തിന് ഉപ്പും മൂന്നു പച്ചമുളക് കീറിയതും ഇട്ട് ഒരു കപ്പ് വെള്ളത്തില്‍ വേവിക്കുക. അരമുറി തേങ്ങ ചിരവിയത്, അര ടീസ്പൂണ്‍ ജീരകം, രണ്ടു അല്ലി വെളുത്തുള്ളി എന്നിവ ഒരു കപ്പ് വെള്ളത്തില്‍ അരച്ച് കുമ്പളങ്ങ വെന്താല്‍ ചേര്‍ക്കുക. ആവശ്യത്തിന് ഉപ്പ് ചേര്‍ക്കുക. തേങ്ങ വേവുമ്പോള്‍ ഒരു കപ്പ് മോര് ചേര്‍ക്കുക. കുറഞ്ഞ തീയില്‍ 3 – 4 മിനിറ്റ്‌ ഇളക്കുക. തീ ഓഫ് ആക്കി കാല്‍ ടീസ്പൂണ്‍ ഉലുവ, അര ടീസ്പൂണ്‍ കടുക്‌, നാല് ചെറിയ ഉള്ളി, 2 തണ്ട് വേപ്പില എന്നിവ എണ്ണയില്‍ താളിച്ച് കറിയില്‍ ചേര്‍ക്കുക.

കുറിപ്പ്‌ : ജീരകത്തിന്റെ സ്വാദ്‌ ഇഷ്ടമുള്ളവര്‍ക്ക് അര ടീസ്പൂണിന് പകരം ഒരു ടീസ്പൂണ്‍ ജീരകം ചേര്‍ക്കാവുന്നതാണ്.

[Read More...]

പാശ്ശൻ ഫ്രൂട്ട് ചമ്മന്തി

ആവശ്യമുളള സാധനങ്ങള്‍

• പാശ്ശൻ ഫ്രൂട്ട് - രണ്ട്
• കറിവേപ്പില - ഒരു പിടി
• കാന്താരിമുളക്  - ഏഴ്, എട്ട്
• ഒലീവ് ഓയിൽ (വിർജിൻ/എക്സ്ട്രാ വിർജിൻ മാത്രം) -  രണ്ട് ടേബ്ൾസ്പുൺ
• ഉപ്പ് - പാകത്തിന്

തയാറാക്കുന്ന വിധം

ഇതിലെ പ്രധാന ഘടകം പാശ്ശൻ ഫ്രൂട്ട്( Passiflora edulis)ആണ്. നന്നായി പഴുത്ത് മഞ്ഞ നിറമായ പഴം തൊണ്ടോടെ നുറുക്കിയത് രണ്ട്, ഒരു പിടി നിറയെ കറിവേപ്പില, കാന്താരിമുളക് ഏഴ്-എട്ട്, പാകത്തിന് ഉപ്പ് . ഇവയെല്ലാം കൂടെ മിക്സിയുടെ ചെറിയ ജാറിലിട്ട് നന്നായി അരച്ചെടുത്ത് അതിൽ ഒന്നോ രണ്ടോ ടേബ്ൾസ്പുൺ ഒലീവ് ഓയിൽ (വിർജിൻ/എക്സ്ട്രാ വിർജിൻ മാത്രം) കൂട്ടിയിളക്കി (ഗുണത്തേക്കാൾ രുചിക്ക് പ്രാധാന്യം കൊടുക്കുന്നവർ എണ്ണ ഒഴിക്കാതിരിക്കുക) നിത്യേന ഉപയോഗിക്കുക. പഞ്ചസാര മൈദ എന്നിവ പൂർണ്ണമായി ഉപേക്ഷിക്കുക.

[Read More...]

മീന്‍കറി (ഒമേഗാ 3)

ചേരുവകള്‍

• മല്‍സ്യം- അയല, മത്തി എന്നിവയില്‍ ഏതെങ്കിലുമൊന്ന് 200 ഗ്രാം
• സവാള- ഒരെണ്ണം
• ഇഞ്ചി- ചെറിയ കഷണം
• വെളുത്തുള്ളി- രണ്ടെണ്ണം കഷണങ്ങളാക്കിയത്
• പച്ചമുളക്- രണ്ടെണ്ണം
• കറിവേപ്പില- ആവശ്യത്തിന്
• മഞ്ഞള്‍പ്പൊടി- ഒരു ടീസ്‌പൂണ്‍
• കടുക്- അര ടീസ്‌പൂണ്‍
• മല്ലിപ്പൊടി- ഒരു ടീസ്‌പൂണ്‍
• പുളി- ചെറിയ കഷണം
• തക്കാളി- ഒരെണ്ണം
• എണ്ണ- രണ്ടു ടീസ്‌പൂണ്‍
• ഉപ്പ്- ആവശ്യത്തിന്

തയ്യാറാക്കുന്ന വിധം

മീന്‍ വൃത്തിയാക്കി ചെറിയ കഷണങ്ങളായി മുറിക്കുക. 
അര കപ്പ് വെള്ളത്തില്‍ പുളി കുതിര്‍ക്കുക. 
ചട്ടിയില്‍ എണ്ണ ചൂടാക്കുക. അതിലേക്കു കടുക് ഇടുക. കടുക് പൊട്ടിവരുമ്പോള്‍, സവാള അരിഞ്ഞത്, ഇഞ്ചി, വെളുത്തുള്ളി, പച്ചമുളക്, കറിവേപ്പില എന്നിവ ചേര്‍ക്കുക. 
സവാള നല്ല തവിട്ടുനിറമാകുമ്പോള്‍, മല്ലിപ്പൊടി, മഞ്ഞള്‍പ്പൊടി എന്നിവ ചേര്‍ത്തു ഒരു മിനിട്ടു വേവിക്കുക. 
അതിനുശേഷം തക്കാളി അരിഞ്ഞത്, പുളിവെള്ളം, ഉപ്പ് എന്നിവ ചേര്‍ക്കുക. 
വീണ്ടും അരകപ്പ് വെള്ളം ചേര്‍ത്തു നന്നായി തിളപ്പിക്കുക. അതിലേക്കു മുറിച്ചുവെച്ച മീന്‍ കഷണങ്ങള്‍ ഇടുക. അടച്ചുവെച്ചു 10 മിനുട്ടു വേവിക്കുക. 
അതിനുശേഷം മൂടിമാറ്റി, തീകുറച്ചു വീണ്ടും 10 മിനുട്ടു വേവിക്കുക. കറി കുറച്ചുകൂടി കട്ടിയാകുന്നുവെന്ന് ഉറപ്പാക്കുക. 
ഇപ്പോള്‍ സ്വാദിഷ്‌ഠവും ആരോഗ്യകരവുമായ മീന്‍കറി തയ്യാറായിരിക്കുന്നു. 

[Read More...]

സേമിയാ പായസം

ആവശ്യമുള്ള സാധനങ്ങള്‍

• സേമിയാ 200 ഗ്രാം
• പാല്‍ 1 ലിറ്റര്‍
• അണ്ടിപ്പരിപ്പ് 50 ഗ്രാം
• ഏലക്കായ് 5 ഗ്രാം
• പഞ്ചസാര 500 ഗ്രാം
• നെയ്യ് 150 ഗ്രാം
• സോഡാ ഉപ്പ് 2 ഗ്രാം

തയ്യാറാക്കേണ്ട വിധം

സേമിയാ എടുത്ത് ചെറുകഷണങ്ങളായി പൊട്ടിക്കുക. അതിനുശേഷം ചീനച്ചട്ടി ചൂടാക്കി അതില്‍ അല്പം നെയ്യൊഴിച്ച് പൊട്ടിച്ചു വെച്ച സേമിയായിട്ട് വറുത്തെടുക്കുക. സേമിയാ വറുത്തെടുക്കുവാന്‍ 20 മിനിറ്റോളം സമയം വേണം. സേമിയാ കട്ടപിടിക്കാതിരിക്കാനാണ് ഇങ്ങന വറക്കുന്നത്. സേമിയാ വറക്കുമ്പോള്‍ കരിഞ്ഞു പോകാതിരിക്കാന്‍ ശ്രദ്ധിക്കുക. അണ്ടിപരിപ്പും കിസ്മിസും നെയ്യില്‍ വറുത്തെടുക്കുക. ഇവയെല്ലാം വറുത്തെടുക്കുമ്പോള്‍ കരിയാതിരിക്കാന്‍ ശ്രദ്ധിക്കണം. പാല്‍ അടുപ്പില്‍ വെച്ച് നല്ലതു പോലെ തിളപ്പിക്കുക. 

പാല്‍ പിരിയാതിരിക്കുവാന്‍ 2 ഗ്രാം സോഡാഉപ്പുകൂടി ചേര്‍ക്കുക. പാല്‍ നല്ലതുപോലെ തിളച്ചുകഴിയുമ്പോള്‍ വറത്തുവച്ചിരിക്കുന്ന സേമിയാ അതില്‍ ഇടുക. പഞ്ചസാരയും കൂടി ചേര്‍ത്ത് ഇളക്കിക്കൊണ്ടിരിക്കുക. സേമിയ നല്ലതു പോലെ വേകുന്നതുവരെ ഈ മിശ്രിതം തിളപ്പിക്കുകയും ഇളക്കുകയും ചെയ്യണം. അതിനു ശേഷം നെയ്യ് ഉരുക്കി ഒഴിക്കുക. ഏലക്കാ നല്ലതുപോലെ പൊടിച്ചെടുത്ത് അതും വറുത്തുവെച്ചിരിക്കുന്ന അണ്ടിപ്പരിപ്പും കിസ്മസ്സും കൂടി ചേര്‍ത്ത് ഇളക്കുക. പാത്രം അടുപ്പില്‍ നിന്നെടുത്ത് അടച്ചുവെക്കുക. 10 മിനിറ്റിനു ശേഷം വിളമ്പാം.

[Read More...]

ഗോബി മഞ്ചൂരിയന്‍

ആവശ്യമുള്ള സാധനങ്ങൾ

• കോളി ഫ്ളവര്‍ ചെറിയ ഇതളുകളായി അടര്‍ത്തിയത് -1 ചെറുത് 
• സവാള ചതുര കഷണങ്ങളായി മുറിച്ചത് -2 
• പച്ചമുളക് വട്ടത്തില്‍ അരിഞ്ഞത് -6
• വെളുത്തുളളി ചെറുതായി 
• നുറുക്കിയത് -2 ടേബിള്‍സ്പൂണ്‍
• ഇഞ്ചി ചെറുതായി അരിഞ്ഞത് -1പീസ് 
• കാപ്സിക്കം ചതുരമായി മുറിച്ചത് - 1
• കോണ്‍ ഫ്ളവര്‍ -കാല്‍ കപ്പ്
• മൈദ -കാല്‍ കപ്പ് 
• സോയ സോസ് - 2 ടേബിള്‍സ്പൂണ്‍
• റ്റൊമാറ്റോ സോസ് -2 ടേബിള്‍സ്പൂണ്‍
• കാശ്മീരി മുളക് പൊടി -2 ടേബിള്‍സ്പൂണ്‍
• കുരുമുളക് പൊടി -1 സ്പൂണ്‍
• പഞ്ചസാര -1 സ്പൂണ്‍
• ഉപ്പ് , എണ്ണ -ആവശ്യത്തിന് 
• വെളളം -1 കപ്പ്

തയാറാക്കുന്ന വിധം

കോണ്‍ ഫ്ളവര്‍ , മൈദ ,ഉപ്പ് ഇവ പാകത്തിന് വെളളം ചേര്‍ത്ത് നല്ല കട്ടിയില്‍ കലക്കണം . കോളി ഫ്ളവര്‍ ഈ കൂട്ടില്‍ മുക്കി തിളച്ച എണ്ണയില്‍ വറുത്ത് കോരുക .അധികം നിറം മാറരുത് . ഒരു പാനില്‍ എണ്ണ ഒഴിച്ച് ചൂടാക്കി സവാള പച്ചമുളക് ഇഞ്ചി വെളുത്തുളളി വഴറ്റുക . കാപ്സിക്കം ചേര്‍ത്ത് വഴറ്റുക .പച്ച ചുവ മാറിയാല്‍ മതി .ശേഷം സോയ സോസ് ചേര്‍ക്കാം .കൂടെ മുളക് പൊടി ചേര്‍ത്ത് വഴറ്റി 1 കപ്പ് വെളളം ഒഴിക്കുക .ഇതില്‍ കുരുമുളക് പൊടി പഞ്ചസാര ഉപ്പ് ചേര്‍ത്ത് തിളപ്പിക്കുക . ഗ്രേവി നല്ല കട്ടിയാവാന്‍ കുറച്ച് കോണ്‍ ഫ്ളവര്‍ കലക്കി ഒഴിക്കാം .ശേഷം വറുത്ത് വെച്ചിരിക്കുന്ന കോളി ഫ്ളവറും റ്റൊമാറ്റോ സോസും ഇതിലേക്ക് ചേര്‍ത്ത് നന്നായി ഇളക്കി യോജിപ്പിച്ച് ഇറക്കി വെക്കാം

[Read More...]

കോക്കനട്ട് റൊട്ടി

ചേരുവകള്‍

• മൈദ                   – 1 1/4 കപ്പ്
• ബേക്കിങ് പൗഡര്‍ – 1 ടീസ്പൂണ്‍
• വെണ്ണ                  – 1 1/2 ടേബിള്‍ സ്പൂണ്‍
• തേങ്ങാപ്പാല്‍         – 1/2 കപ്പ്
• ഉപ്പ്                     – ആവശ്യത്തിന്

പാകം ചെയ്യുന്നവിധം

• മൈദാമാവും വെണ്ണയും ഉപ്പും ഒന്നിച്ചാക്കി കൈവിരലുകള്‍കൊണ്ടു നന്നായി തിരുമ്മി യോജിപ്പിക്കുക.
• ഇതിലേക്ക് തേങ്ങാപ്പാല്‍ ഒഴിച്ച് കുഴച്ചെടുക്കുക. ഇങ്ങനെ കുഴച്ചെടുത്ത മാവില്‍നിന്നും വലിയ നാരങ്ങാ വലുപ്പത്തില്‍ ഉരളകള്‍ ഉരുട്ടി പരത്തി ചൂടായ തവയില്‍ ഇട്ട് ചുട്ടെടുക്കുക.

(കടപ്പാട്; ഡോ. ലക്ഷ്മി നായര്‍) 

[Read More...]

മട്ടന്‍ ബിരിയാണി (കായിക്കാന്റെ)

ചേരുവകൾ

• മട്ടൻ - ഒരു കിലോ,
• ബിരിയാണി അരി 
• തൈര്  - അര കപ്പ്, 
• തക്കാളി - രണ്ട്, 
• ചെറുനാരങ്ങ - ഒന്ന്, 
• ഗരം മസാല - ആവശ്യത്തിനു,
• മല്ലിയില - ആവശ്യത്തിനു, 
• പുതിനയില - ആവശ്യത്തിനു,
• പട്ട - ആവശ്യത്തിനു, 
• ഗ്രാമ്പൂ - ആവശ്യത്തിനു, 
• ഏലയ്ക്കായ് - ആവശ്യത്തിനു, 
• തക്കോലം - ആവശ്യത്തിനു, 
• പച്ചമുളക് - പത്ത്,
• വെളുത്തുള്ളി - പത്ത്,
• ചുവന്നുള്ളി - പത്ത് ചീര്,
• സവാള - ആറ്,
• ഇഞ്ചി - മൂന്നു നാലു കഷണം,
• മല്ലിയില - ഒരു പിടി,
• പൈനാപ്പിള്‍ - ചെറുതായി അരിഞ്ഞ കഷണങ്ങൾ,
• നെയ്യ് - അമ്പത് ഗ്രാം,
• തേങ്ങാപ്പാല്‍ - ആവശ്യത്തിനു, 
• കുങ്കുമപ്പൂവ് - ആവശ്യത്തിനു, 
• ബദാം- ആവശ്യത്തിനു,  
• മഞ്ഞള്‍പ്പൊടി - ഒരല്പം,
• മൈദാമാവ്- ആവശ്യത്തിനു. 

തയാറാക്കുന്ന വിധം

പച്ചമുളക്, വെളുത്തുള്ളി, ചുവന്നുള്ളി, സവാള, ഇഞ്ചി  എന്നിവ ചതച്ചെടുത്ത് പാകത്തിന് മഞ്ഞള്‍പ്പൊടിയും ഉപ്പും ചേര്‍ത്ത് നെയ്യില്‍ നന്നായി വഴറ്റിയെടുക്കുക.

മസാല തയ്യാറായി കഴിഞ്ഞാല്‍ അതിലേയ്ക്ക് മട്ടന്‍ കഷണങ്ങള്‍ ഇട്ട്, അല്പം വെള്ളവും അര കപ്പ് തൈരും ഒഴിച്ച് വേവിക്കുക. പിന്നീട് രണ്ട് തക്കാളി അരിഞ്ഞതും, ഒരു ചെറുനാരങ്ങയുടെ നീരും ഇതിലേയ്ക്ക് പിഴിഞ്ഞ് ചേര്‍ക്കാം. വെന്തു വരുന്നതു അനുസരിച്ച് ഗരം മസാലപൊടിയും, മല്ലിയിലയും, പുതിനയിലയും ചേര്‍ക്കുക. മസാലപാര്‍ട്ട് റെഡി,

ഇനി അടുപ്പ് അണക്കാം. ഇതേ സമയം തന്നെ മറ്റൊരു പാത്രത്തില്‍ വെള്ളം തിളപ്പിച്ച് പട്ട, ഗ്രാമ്പൂ, ഏലയ്ക്കായ്, തക്കോലം എന്നിവയും പാകത്തിന് ഉപ്പും ചേര്‍ത്ത് അരി ഒരു മുക്കാല്‍ വേവ് വരെ തിളപ്പിക്കുക. അതിനുശേഷം വെള്ളം ഊറ്റിയെടുത്ത അരി നമ്മള്‍ തയ്യാറാക്കിയ മസാലയുടെ മുകള്‍ഭാഗത്തായി ഇടുക. ആദ്യത്തെ ഒരു ലെയര്‍ അരി ഇട്ടുകഴിഞ്ഞാല്‍ ഒരു പിടി മല്ലിയിലയും, ചെറുതായി അരിഞ്ഞ പൈനാപ്പിള്‍ കഷണങ്ങളും വിതറണം. വീണ്ടും അരിയിടുക. ഏറ്റവും മുകളിലായി നെയ്യില്‍ വറുത്തെടുത്ത അണ്ടിപ്പരിപ്പ്, മുന്തിരി, സവാള അരിഞ്ഞത് എന്നിവയും പൈനാപ്പിള്‍ കഷണങ്ങളും, മല്ലിയിലയും വിതറണം. ഇതിനു മുകളിലായി അമ്പത് ഗ്രാം നെയ്യ് ചുറ്റിച്ച് ഒഴിക്കാം.

ഇനിയാണ് കായിക്കയുടെ സാക്ഷാല്‍ ട്രേഡ് സീക്രട്ട്. തേങ്ങാപ്പാല്‍, കുങ്കുമപ്പൂവ് നന്നായി അരച്ച ബദാം, ഒരല്പം മഞ്ഞള്‍പ്പൊടി എന്നിവ നന്നായി കലക്കിയെടുത്ത് ഈ ബിരിയാണിയിലേയ്ക്ക് ഒഴിക്കുന്നു. അതിനുശേഷം അല്പം മൈദാമാവ് കുഴച്ച് ബിരിയാണി ചെമ്പിനു മുകളില്‍ വെച്ച് അടച്ച് സീല്‍ ചെയ്ത് ദം ആക്കിയെടുക്കുക. ചെറിയ വിറക് ഉപയോഗിച്ച് ആദ്യം ചെമ്പിനടിയിലും പിന്നീട് തീ കെടുത്തി അടുപ്പിലെ കനല്‍ കോരി ബിരിയാണി ചെമ്പിന്റെ അടപ്പിനു മുകളിലും വെയ്ക്കുക. സ്സീല്‍ ചെയ്തിരിക്കുന്ന അടപ്പിലെ വിടവിലൂടെ ശൂ... ശൂ... എന്ന് അവി പറക്കും. അപ്പോള്‍ നമുക്ക് മനസ്സിലാക്കാം ബിരിയാണി ദം ആയി. ഒരു പത്തു മിനിറ്റു വെച്ച ശേഷം സീല്‍ പൊട്ടിച്ച് നല്ല മട്ടന്‍ ബിരിയാണി കഴിക്കാം.

[Read More...]

ചെറുപയർ തോരൻ

ആവശ്യമുള്ള സാധനങ്ങൾ

• ചെറുപയർ മഞ്ഞൾപൊടിയും ഉപ്പും ഇട്ട് വേവിച്ചത് 1 കപ്പ്
• തേങ്ങാ ചിരകിയത് 1/ 4 കപ്പ്
• പച്ചമുളക് 3
• കറിവേപ്പില 2 തണ്ട്
• കടുക് 1 നുള്ള്
• എണ്ണ 1 ടേബിൾ സ്പൂണ്

ഉണ്ടാക്കുന്ന വിധം:

 തേങ്ങായും പച്ചമുളകും ചേർത്ത് മിക്സിയിൽ ഒന്ന് ഒതുക്കി എടുക്കുക. എണ്ണ ചൂടാക്കി കടുക് പൊട്ടുമ്പോൾ തേങ്ങായും കറിവേപ്പിലയും ചേർത്ത് വേവിച്ച ശേഷം ചെറുപയറും ഇട്ടു വെള്ളം തോർത്തി എടുക്കുക.

[Read More...]

ബ്രൗണ്‍ ചിക്കന്‍ സ്‌റ്റൂ

ആവശ്യമുള്ള സാധനങ്ങള്‍

• തൊലികളഞ്ഞ എല്ലില്ലാത്ത ചിക്കന്‍ (കഷണങ്ങളാക്കിയത്‌) - അര കിലോ
• കുരുമുളക്‌- അര ടീസ്‌പൂണ്‍
• പഞ്ചസാര- രണ്ട്‌ ടീസ്‌പൂണ്‍
• വെളുത്തുള്ളി- 3 അല്ലി
• വെളിച്ചെണ്ണ- അര കപ്പ്‌
• ഉള്ളി (അരിഞ്ഞത്‌)- ഒന്ന്‌
• പച്ചകുരുമുളക്‌- കാല്‍ ടീസ്‌പൂണ്‍
• പൊതിനയില- ഒരു തണ്ട്‌
• കുരുമുളക്‌ സോസ്‌- ഒരു ടീസ്‌പൂണ്‍
• തക്കാളി പേസ്‌റ്റ്- ഒരു ടേബിള്‍സ്‌പൂണ്‍
• ചൂടുവെള്ളം- രണ്ട്‌ കപ്പ്‌
• ഉപ്പ്‌- ആവശ്യത്തിന്‌

തയാറാക്കുന്ന വിധം

ചിക്കന്‍ കഷണങ്ങള്‍ കഴുകി വൃത്തിയാക്കുക. ഉപ്പും കുരുമുളകും പഞ്ചസാരയും വെളുത്തുള്ളിയും ചിക്കന്‍ കഷണങ്ങളിലിട്ട്‌ നന്നായി ഇളക്കുക. ഒരു മണിക്കൂര്‍ വയ്‌ക്കുക. ചൂടായ പാനില്‍ വെളിച്ചെണ്ണയൊഴിച്ച്‌ ചിക്കന്‍ കഷണങ്ങളിട്ട്‌ മൂപ്പിക്കുക. രണ്ടു വശങ്ങളും ബ്രൗണ്‍ നിറമാകുമ്പോള്‍ വറുത്തു കോരുക. ചൂടായ വെളിച്ചെണ്ണയില്‍ ഉള്ളിയും പച്ചകുരുമുളകുമിട്ട്‌ മൂപ്പിക്കുക. പൊതിനയിലയും, കുരുമുളക്‌ സോസും തക്കാളി പേസ്‌റ്റും, ചൂടു വെള്ളവുമൊഴിച്ച്‌ ഇളക്കുക. ഗ്രേവി കുറുകുമ്പോള്‍ ഉപ്പ്‌ ചേര്‍ക്കുക. ഗ്രേവിയിലേക്ക്‌ ചിക്കന്‍ ഇടുക. ഒരു കപ്പ്‌ ചൂടു വെള്ളമൊഴിച്ച്‌ പാത്രം അടച്ച്‌ വച്ച്‌ വേവിക്കുക. കുറുകാന്‍ മുപ്പതു മിനിറ്റ്‌ വയ്‌ക്കുക. ശേഷം വിളമ്പാം.

[Read More...]

മുട്ട മസാലദോശ

ആവശ്യമുള്ള സാധനങ്ങള്‍

• മുട്ട മൂന്ന്
• പച്ചരി ഒരു കപ്പ്
• ഉഴുന്ന്, ചോറ് അരകപ്പ്
• അപ്പക്കാരം അര ടീസ്പൂണ്‍
• സവാള, തക്കാളി അരിഞ്ഞത് ഒന്ന് വീതം
• ഇഞ്ചി, വെളുത്തുള്ളി ചതച്ചത് ഒരു ടീസ്പൂണ്‍ വീതം
• മഞ്ഞള്‍പ്പൊടി കാല്‍ ടീസ്പൂണ്‍
• ഗരം മസാല, കുരുമുളകുപൊടി അര ടീസ്പൂണ്‍ വീതം
• മല്ലിയില അരിഞ്ഞത് ആവശ്യത്തിന്
• അണ്ടിപ്പരിപ്പ് എട്ട് എണ്ണം
• തേങ്ങ ചിരവിയത് അര കപ്പ്
• എണ്ണ, ഉപ്പ് ആവശ്യത്തിന്

തയാറാക്കേണ്ട വിധം

പച്ചരി, ഉഴുന്ന്, ചോറ്, അപ്പക്കാരം എന്നിവ ദോശമാവിന്റെ അയവില്‍ അരച്ച് നന്നായി പൊങ്ങാന്‍ വയ്ക്കുക. എണ്ണ ചൂടാക്കി സവാള, തക്കാളി, ഇഞ്ചി, വെളുത്തുള്ളി എന്നിവ വഴറ്റുക. ഇതിലേക്ക് പൊടികള്‍ ചേര്‍ക്കുക. 

പൊടികള്‍ മൂത്തശേഷം മല്ലിയില, അണ്ടിപ്പരിപ്പ്, തേങ്ങ എന്നിവ യോജിപ്പിച്ച് മുട്ടയും ചേര്‍ത്ത് ചിക്കിപ്പൊരിച്ചെടുക്കുക. ദോശക്കല്ല് ചൂടാക്കി എണ്ണ തടവി മാവൊഴിച്ച് പരത്തുക. ശേഷം തയ്യാറാക്കിയ മുട്ടമസാല വിതറി ദോശ മൂന്നുവശവും ത്രികോണാകൃതിയിലോ ചുരുട്ടിയോ മടക്കുക. നെയ്യ് ഒഴിച്ച് തിരിച്ചും മറിച്ചുമിട്ട് ചുട്ടെടുക്കുക.

[Read More...]

തക്കാളി മോര് കറി

ചേരുവകള്‍

• കട്ട തൈര് – 200 മില്ലി
• നല്ല പഴുത്ത വലിയ തക്കാളി – ഒന്ന് (12 കഷ്ണം ആക്കുക )
• ഇഞ്ചി – ചെറുതായി അരിഞ്ഞത് അര ടീസ്പൂണ്‍
• വെളുത്തുള്ളി – ചെറുതായി അരിഞ്ഞത് അര ടീസ്പൂണ്‍
• പച്ചമുളക് – നെടുകെ പിളര്‍ന്നത് 2 എണ്ണം
• ചുവന്നുള്ളി – 4-5 എണ്ണം ചെറുതായി അരിഞ്ഞത്
• കറിവേപ്പില – ഒരു തണ്ട്
• ഉലുവ – അര ടീസ്പൂണ്‍
• കടുക് – ഒരു ടീസ്പൂണ്‍
• ജീരകം – അര ടീസ്പൂണ്‍
• വറ്റല്‍മുളക് – 2 എണ്ണം
• മുളക് പൊടി – അര ടീസ്പൂണ്‍
• മഞ്ഞള്‍പ്പൊടി – അര ടീസ്പൂണ്‍
• വെളിച്ചെണ്ണ – 2 ടേബിള്‍സ്പൂണ്‍
• വെള്ളം – 100 മില്ലി
• ഉപ്പ് – പാകത്തിന്

തയാറാക്കുന്ന വിധം

തൈര് വെള്ളവും ഉപ്പും ചേര്‍ത്ത് മിക്സിയില്‍ നന്നായി അടിച്ച് എടുക്കുക. ഒരു പാനില്‍ എണ്ണ ചൂടാക്കി കടുക്, ഉലുവ, ജീരകം എന്നിവ വറക്കുക. വറ്റല്‍ മുളക് പൊട്ടിച്ചു ഇതിലേക്ക് ഇടുക. അറിഞ്ഞു വെച്ചിരിക്കുന്ന ചുവന്നുള്ളി, പച്ചമുളക്, ഇഞ്ചി, വെളുത്തുള്ളി, കറിവേപ്പില എന്നിവ ചേര്‍ത്ത് ഇളക്കുക. ഇഞ്ചിയും വെളുത്തുള്ളിയും അല്പം ബ്രൌണ്‍ നിറം ആകുമ്പോള്‍ മഞ്ഞള്‍പ്പൊടിയും മുളകുപൊടിയും ചേര്‍ത്ത് വഴറ്റുക. പൊടികള്‍ മൂത്തു കഴിയുമ്പോള്‍ തക്കാളി കഷ്ണങ്ങള്‍ ചേര്‍ത്ത് ഇളക്കി, മൂടി വച്ച് ഒരു 3-4 മിനുറ്റ് വേവിക്കുക. തക്കാളി ഉടയരുത്. എന്നാല്‍ വേവുകയും വേണം. തീ നന്നായി കുറച്ചിട്ടു തൈര് ചേര്‍ത്ത് ഇളക്കി ഒരു മിനിട്ടിനകം വാങ്ങി വയ്ക്കുക. മോര് കറി റെഡി.

കുറിപ്പ്‌ : തൈര് ചേര്‍ത്ത് കഴിഞ്ഞു തീ അധികം ആയാല്‍ അത് പിരിഞ്ഞു പോകും.

[Read More...]

Magic Lemon Meringue Cake

INGREDIENTS

• 250g rich shortcrust pastry
• 3 eggs, separated
• 70g caster sugar
• 1 tbsp water
• 70g butter
• 70g plain flour
• pinch of salt
• 275ml milk, at room temperature
• 2 lemons

For the meringue

• 2 egg whites
• 50g caster sugar
• 50g icing sugar

METHOD

Preheat the oven to 180C/350F/gas mark 4.

Line the tart tin with the shortcrust pastry, cover with baking parchment and baking beans to keep the pastry flat while blind baking and bake in the oven for 15 minutes. Set aside in the fridge.

Lower the oven temperature to 150C/300F/gas mark 2.

Whisk the egg yolks with the sugar and water until the mixture whitens. Melt the butter and pour it into the mixture.

Add the flour and salt, then beat for a few minutes more. Pour in the milk little by little, whisking constantly. Add the zest of one of the lemons and the juice of both.

Beat the egg whites until stiff and, using a whisk, gently incorporate them into the batter.

Take the pastry out of the fridge and pour the batter in. Bake in the oven for 50 minutes. When it comes out of the oven, the cake may be slightly wobbly. Leave it to cool before putting the meringue on top.

For the meringue, beat the egg whites until stiff , gradually adding the two types of sugar until stiff peaks form when you take out the whisk.

Spoon the meringue onto the top of the cake and brown with a kitchen blowtorch, or put the cake under the grill for 3–5 minutes.

Chef’s tip: Decorate with the rind of the second lemon.

(Christelle Huet-Gomez)

[Read More...]

നെല്ലിക്ക ഉപ്പിലിട്ടത്

ആവശ്യമുള്ള സാധനങ്ങള്‍

• നെല്ലിക്ക - രണ്ട് കിലോ
• വെള്ളം - ആറ് കപ്പ്
• പൊടിയുപ്പ് - ഒരു കപ്പ്
• കാന്താരിമുളക് - ഒരു കപ്പ്
• കായം - അര ടീസ്പൂണ്‍

തയാറാക്കേണ്ട വിധം

നെല്ലിക്ക തിളച്ചവെള്ളത്തില്‍ ഇട്ട് വാട്ടി കോരിവയ്ക്കുക. വെള്ളം ഉപ്പിട്ട് നന്നായി തിളപ്പിച്ച ശേഷം കലക്കി അരിച്ചെടുത്ത് മാറ്റിവയ്ക്കുക. ഇതില്‍ വാട്ടിയെടുത്ത നെല്ലിക്കയും കായവും കാന്താരിമുളകും ഇട്ട് ഇളക്കി യോജിപ്പിച്ചശേഷം നന്നായി കഴുകി വൃത്തിയാക്കി ഉണങ്ങിയ ഭരണിയില്‍ ഇട്ടുവയ്ക്കുക.

തയാറാക്കിയ നെല്ലിക്കാ പൂപ്പല്‍ പിടിക്കാതിരിക്കാന്‍ ഇടയ്ക്കിടയ്ക്ക് വെയിലത്തുവയ്ക്കുന്നത് നന്നായിരിക്കും.

[Read More...]

പ്രഷര്‍കുക്കര്‍ ചിക്കന്‍ ബിരിയാണി

ആവശ്യമുള്ള സാധനങ്ങള്‍ 

• കോഴി - ഒന്നരകിലോ (ചെറുതായി നുറുക്കിയത്‌) 
• ഉപ്പ്‌ - പാകത്തിന്‌ 
• വെളുത്തുള്ളി - ഏഴ്‌ അല്ലി 
• ഇഞ്ചി - ഒരു കഷ്‌ണം ( അരച്ചത്‌) 
• ഗരംമസാല - രണ്ട്‌ ടേബിള്‍ സ്‌പൂണ്‍ 
• മുളകുപൊടി - രണ്ട്‌ ടീസ്‌പൂണ്‍ 
• മല്ലിപ്പൊടി - ഒരു ടീസ്‌പൂണ്‍ 
• വെളിച്ചെണ്ണ - രണ്ട്‌ ടേബിള്‍ സ്‌പൂണ്‍ 
• ചുവന്നുള്ളി - പത്തെണ്ണം 
• പച്ചമുളക്‌ - മൂന്നെണ്ണം ( ചെറുതായി അരിഞ്ഞത്‌) 
• ബിരിയാണി അരി - മൂന്ന്‌ കപ്പ്‌ 
• കട്ടിയുള്ള തേങ്ങാപ്പാലും കോഴിവെന്ത വെള്ളവും കൂടി - ആറ്‌ കപ്പ്‌ 
• കറിവേപ്പില - രണ്ട്‌ തണ്ട്‌ 

തയാറാക്കുന്ന വിധം 

കഴുകി വൃത്തിയാക്കിയ കോഴി കഷ്‌ണങ്ങളില്‍ ഉപ്പ്‌, വെളുത്തുള്ളി, ഇഞ്ചി പേസ്‌റ്റ്, ഗരംമസാല, മുളകുപൊടി, മല്ലിപ്പൊടി, ഇവ പുരട്ടി വച്ച്‌ അല്‍പ്പസമയം കഴിഞ്ഞ്‌ വെള്ളമൊഴിക്കാതെ കുക്കറിലിട്ട്‌ ഒരു വിസില്‍ വരുന്നതുവരെ വേവിക്കുക. അടുപ്പില്‍ നിന്ന്‌ ഇറക്കി തണുത്തശേഷം തുറന്ന്‌ ചിക്കനും അതില്‍ നിന്ന്‌ ഊറിവന്ന വെള്ളവും പ്രത്യേകം മാറ്റി വെയ്‌ക്കാം. കുക്കര്‍ കഴുകി അടുപ്പില്‍ വച്ച്‌ ചൂടാക്കുക. ഉള്ളിയും പച്ചമുളകും ചേര്‍ത്ത്‌ വഴറ്റുക. ഉള്ളി ചുവന്നനിറമാകുമ്പോള്‍ ചിക്കനും അതില്‍ നിന്ന്‌ ഊറിവന്ന വെള്ളവും, അരിയും തേങ്ങാപ്പാലും ചേര്‍ത്ത്‌ കുക്കര്‍ അടച്ച്‌ ഒരു വിസില്‍ വരുന്നതുവരെ വേവിക്കുക. ആവി പോയശേഷം കുക്കര്‍ തുറന്ന്‌ കറിവേപ്പില ചേര്‍ത്തിളക്കി ചൂടോടെ വിളമ്പാം.

(റ്റോഷ്‌മ ബിജു വര്‍ഗീസ്‌)

[Read More...]

ഗ്രില്‍ഡ്‌ പീനട്ട്‌ ബട്ടര്‍ ബനാന സാന്‍വിച്ച്‌

ആവശ്യമുള്ള സാധനങ്ങള്‍

• വീറ്റ്‌ ബ്രെഡ്‌ - നാലെണ്ണം
• പീനട്ട്‌ ബട്ടര്‍ - പാകത്തിന്‌
• ഏത്തപ്പഴം (വട്ടത്തില്‍ അരിഞ്ഞത്‌) - മൂന്നെണ്ണം
• തേന്‍ - രണ്ട്‌ ടേബിള്‍സ്‌പൂണ്‍

തയാറാക്കുന്നവിധം

വീറ്റ്‌ ബ്രെഡിന്‌ മുകളില്‍ പീനട്ട്‌ ബട്ടര്‍ തേയ്‌ക്കുക. ഏത്തപ്പഴം അരിഞ്ഞത്‌ ഇതിനുമുകളില്‍ നിരത്തുക. മുകളില്‍ തേന്‍ ഒഴിക്കുക. മറ്റൊരു ബ്രെഡുകൊണ്ട്‌ മൂടുക. നോണ്‍സ്‌റ്റിക്‌ പാനില്‍ ബട്ടര്‍ ഉരുക്കി ബ്രെഡ്‌ വയ്‌ക്കുക. നന്നായി അമര്‍ത്തി തിരിച്ചും മറിച്ചും ടോസ്‌റ്റ് ചെയ്യുക. കോണോടുകോണ്‍ മുറിച്ച്‌ വിളമ്പാം.

[Read More...]

പാവയ്ക്ക കൊണ്ടാട്ടം

ആവശ്യമുള്ള സാധനങ്ങൾ:

• പാവയ്ക്ക - വേണ്ടത്ര
• മഞ്ഞൾപ്പൊടി, ഉപ്പ് - പാകത്തിന്
• വെയിൽ - 2-3 ദിവസത്തേത്

ഉണ്ടാക്കുന്ന വിധം:

പാവയ്ക്ക നന്നായി കഴുകിയശേഷം അധികം കനമില്ലാതെ വട്ടത്തിൽ അരിഞ്ഞെടുക്കുക(ഉള്ളിലെ മൃദുവായ ഭാഗവും കുരുവുമടക്കം)

ഈ കഷ്ണങ്ങളിൽ പാകത്തിന് ഉപ്പും മഞ്ഞൾപ്പൊടിയും (എരിവ് വേണമെങ്കിൽ കുറച്ച് മുളകുപൊടിയും)പുരട്ടി ഇഡ്ഡലിപാത്രത്തിന്റേയോ അപ്പച്ചെമ്പിന്റേയോ തട്ടിൽ നിരത്തി ആവിയിൽ വാട്ടിയെടുക്കുക(പ്രഷർ കുക്കർ ഉപയോഗിക്കാതിരിക്കുന്നതാണ് നല്ലത്). 8-10 മിനിട്ടിൽ കൂടുതൽ വേണ്ടിവരില്ല. ഇടക്കു തുറന്ന് പാവയ്ക്കാക്കഷ്ണങ്ങൾ ഒന്നിളക്കിക്കൊടുക്കുന്നത് നല്ലതാണ്. കൂട്ടത്തിൽ ഉപ്പ് പാകമാണോ എന്ന് നോക്കുകയും ചെയ്യാം.

ഇനി ഈ കഷ്ണങ്ങൾ ഒരു പ്ലാസ്റ്റിക്ക് ഷീറ്റിലോ പായയിലോ മറ്റോ നിരത്തി നല്ല വെയിലത്തുവച്ച് ഉണക്കിയെടുക്കുക. രണ്ടുമൂന്നു ദിവസം കൊണ്ട് നന്നായി ഉണങ്ങി ‘കറുമുറാ’പരുവത്തിലാവും.

കൊണ്ടാട്ടം റെഡിയായിക്കഴിഞ്ഞു. ഇനി ഇത് നല്ല അടപ്പുള്ള ഭരണിയിലോ പാത്രത്തിലോ ആക്കിവച്ചോളൂ. എത്രനാൾ വേണമെങ്കിലും കേടാവാതെ ഇരുന്നോളും.

കൊണ്ടാട്ടം ആവശ്യത്തിനെടുത്ത് എണ്ണയിൽ വറുത്ത് ഉപയോഗിക്കാം.

(ബിന്ദു കെ പി)

[Read More...]

ചെമ്മീന്‍ മുളക്‌ മസാലക്കറി

ചേരുവകള്‍

1. ചെമ്മീന്‍ - 1/2 കിലോ
2. ഉള്ളി - 3 എണ്ണം
3. പച്ചമുളക്‌ - 4 എണ്ണം
4. ഇഞ്ചി, വെളുത്തുള്ളി ചതച്ചത്‌ - 1 ടീസ്‌പൂണ്‍ വീതം
5. മല്ലിപ്പൊടി - 3 ടീസ്‌പൂണ്‍
6. മുളകുപൊടി - 1 1/2 ടീസ്‌പൂണ്‍
7. മഞ്ഞള്‍പ്പൊടി - ഒരുടീസ്‌പൂണ്‍
8. കുരുമുളകുപൊടി - 1/2 ടീസ്‌പൂണ്‍
9. മല്ലിയില, കറിവേപ്പില - ആവശ്യത്തിന്‌
10. ഓയില്‍ - 1 1/2 ടേബിള്‍സ്‌പൂണ്‍
11. കട്ടിത്തേങ്ങാപ്പാല്‍ - 1 1/2 കപ്പ്‌
12. ഉപ്പ്‌ - ആവശ്യത്തിന്‌

തയാറാക്കുന്ന വിധം

ചെമ്മീനില്‍ മുളകുപൊടി, മഞ്ഞള്‍പ്പൊടി, ഉപ്പ്‌ എന്നിവ ചേര്‍ത്ത്‌ പൊരിച്ചെടുക്കുക. ഉള്ളി, പച്ചമുളക്‌, ഇഞ്ചി, വെളുത്തുള്ളി ചതച്ചത്‌ എന്നിവ വഴറ്റുക. ഇതിലേക്ക്‌ മസാലപ്പൊടികളും അരക്കപ്പ്‌ വെള്ളവും പൊരിച്ച ചെമ്മീനും ആവശ്യത്തിന്‌ ഉപ്പും ചേര്‍ത്ത്‌ തിളപ്പിക്കുക. തിള വന്നാല്‍ മല്ലിയിലയും കറിവേപ്പിലയും ചേര്‍ത്ത്‌ ഇറക്കിവയ്‌ക്കുക.

[Read More...]

Egg Omelette Curry

Ingredients

• 3 eggs
• 1 tsp finely chopped green chillies
• 1 tsp finely chopped ginger
• Salt, as required
• ½ tsp pepper powder
• 1 big tsp, coriander powder
• 1 tbsp red chilli powder
• ¾ small tsp, turmeric powder
• ¾ tsp pepper powder
• 3 cloves
• ½ piece cinnamon
• 4 tsp oil
• ¼ tsp mustard seeds
• ½ cup onions, finely chopped 
• 1 tsp finely chopped ginger
• 6 garlic pods, finely chopped
• 3 green chillies split lengthwise
• 2 sprigs curry leaves
• 2 cups coconut with milk extracted
• ½ cup thick coconut milk
• 2 cups thin coconut milk
• 2 tsp vinegar
• Salt, as required

Preparation

Beat eggs until they are fluffy
Add green chillies, ginger, salt, and pepper powder to this
Take a pan and spread oil on it. When it becomes hot, add the egg mixture to it. Make an omelette, fold it and chop it into small pieces
Grind together the coriander powder, red chilli powder, turmeric powder, pepper powder, cloves and cinnamon with ¾ cup of water
Heat oil in a pan. Add mustard seeds and wait for them to splutter. Now add onions, ginger, garlic, green chillies and curry leaves. Saute well
When it is toasted to a light brown, add the thin coconut milk to it
When it starts to boil, add the chopped omelette pieces to it
Add salt and vinegar as well. When it starts to boil, add thick coconut milk and switch off the stove (It should not boil)

[Read More...]

മുരിങ്ങക്കായ ചെമ്മീൻ കറി

ആവശ്യമുള്ള സാധനങ്ങള്‍

• ചെമ്മീൻ - ഒരു കിലോ, 
• മുരിങ്ങക്കായ - 6 എണ്ണം
• തേങ്ങ ചിരകിയത് - ഏകദേശം 2 കപ്പ്
• പെരിംജീരകം - 1 സ്പൂണ്‍, 
• ചുവന്നുള്ളി - 5 എണ്ണം
• തക്കാളി അരിഞ്ഞത് - 2 എണ്ണം, 
• പച്ചമുളക് നടുകീരിയത് - 5 എണ്ണം,
• മുളക്പൊടി - 4 സ്പൂണ്‍,
• മല്ലിപൊടി - 1/2 സ്പൂണ്‍, 
• മഞ്ഞൾപൊടി - 3/4 സ്പൂണ്‍,
• പുളി ആവശ്യത്തിനു  
• കറിവേപ്പില ആവശ്യത്തിനു 
• ഉപ്പ് ആവശ്യതിന്

താളിക്കാൻ വേണ്ടത്

• ചുവന്നുള്ളി അരിഞ്ഞത് - 5,
• മുളക്പൊടി - 1/2 സ്പൂണ്‍ 
• വെളിച്ചെണ്ണ 
• കറിവേപ്പില, 

തയ്യാറാക്കേണ്ട വിധം

• ഒരു കപ്പ് തേങ്ങയെടുത്ത് തേങ്ങാപാൽ അടിക്കുക. 
• ഒരു മണ്‍കലത്തിൽ ഒഴിക്കുക. 
• പുളി ചൂടുവെള്ളത്തിൽ ഇട്ട് ഇതിലേക്ക് ഒഴിക്കുക. 
• തക്കാളിയും പച്ചമുളകും ഇടുക. 
• ബാക്കി തേങ്ങയും പെരിജീരകവും ചുവന്നുള്ളിയും വേപ്പിലയും പൊടികളും ചേർത്ത് നന്നായി അരച്ച്‌ കലത്തിലെകൊഴിക്കുക. 
• ആവശ്യത്തിനു വെള്ളവും ചേർക്കുക. 
• ഉപ്പിടുക. 
• തിളക്കുമ്പോൾ മീനും മുരിങ്ങക്കായും ഇട്ട് വെന്താൽ കറി ഓഫാക്കി താളിച് ഒഴിക്കുക.

[Read More...]

ബീഫ് ബോള്‍സ്‌

ചേരുവകള്

• ബീഫ് 500 ഗ്രാം
• സവാള 150 ഗ്രാം
• ഉരുളക്കിഴങ്ങ് 200 ഗ്രാം
• പച്ചമുളക് 10 എണ്ണം
• മുട്ട ഒരെണ്ണം
• ഇഞ്ചി ഒരു കഷണം
• മസാലപ്പൊടി ഒരു ടീസ്പൂണ്‍
• മുളക്‌പൊടി അര ടീസ്പൂണ്‍
• റൊട്ടിപ്പൊടി 700 ഗ്രാം
• എണ്ണ 50 ഗ്രാം
• തൈര് 4 ടേബിള്‍ സ്പൂണ്‍
• ഉപ്പ് പാകത്തിന്

തയ്യാറാക്കുന്ന വിധം

ബീഫ്, തൈരും പൊടിയായി അരിഞ്ഞ സവാളയും ഉപ്പും ചേര്‍ത്ത് വേവിച്ചെടുക്കുക. ഇഞ്ചി, സവാള, പച്ചമുളക് ഇവ ചെറുതായി അരിഞ്ഞതും മുളക്‌പൊടിയും മസാലപ്പൊടിയും ഇട്ട് വഴറ്റുക. വഴന്നു കഴിയുമ്പോള്‍ പുഴുങ്ങി ഉടച്ച ഉരുളക്കിഴങ്ങും ബീഫ് വേവിച്ചതും ചേര്‍ത്ത് വഴറ്റുക. വെള്ളം വറ്റിയാല്‍ ഇറക്കിവെക്കുക. ചുടാറുമ്പോള്‍ ഈ കൂട്ട് ചെറിയ ഉരുളകളാക്കി ഉരുട്ടുക. ഓരോ ഉരുളയും മുട്ട അടിച്ചതില്‍ മുക്കി റൊട്ടിപ്പൊടിയില്‍ പുരട്ടി എണ്ണയില്‍ വറുത്തെടുക്കുക.

(ലബിന ലത്തീഫ്‌)

[Read More...]

സ്‌പെഷല്‍ മീന്‍കറി

ചേരുവകള്

• ദശ കട്ടിയുള്ള മീന്‍ കഷണങ്ങള്‍ - അരകിലോ
• സവാള നീളത്തിലരിഞ്ഞത് - വലുത് ഒരെണ്ണം
• വെളുത്തുള്ളി - ആറ് അല്ലി
• പച്ചമുളക് - അഞ്ചെണ്ണം
• ഇഞ്ചി - വലിയകഷണം
• തക്കാളി - ഒന്ന്
• മുളകുപൊടി - രണ്ട് വലിയ സ്​പൂണ്‍
• മല്ലിപ്പൊടി - മൂന്ന് വലിയ സ്​പൂണ്‍
• മഞ്ഞള്‍പ്പൊടി - ഒരു ചെറിയ സ്​പൂണ്‍
• പുളി - നാരങ്ങാ വലുപ്പം
• തേങ്ങാപ്പാല്‍ - ഒരു കപ്പ് (കുറുകിയത്)
• കറിവേപ്പില, മല്ലിയില - കുറച്ച്
• വെളിച്ചെണ്ണ - ആവശ്യത്തിന്

തയ്യാറാക്കുന്ന വിധം

ചീനച്ചട്ടിയില്‍ വെളിച്ചെണ്ണയൊഴിച്ച് സവാള ഇട്ട് പകുതി വഴന്നാല്‍ വെളുത്തുള്ളി, പച്ചമുളക്, ഇഞ്ചി എന്നിവ ചതച്ച് ചേര്‍ത്ത് വഴറ്റുക. ശേഷം തക്കാളി ചേര്‍ത്ത് വഴറ്റുക. മുളകുപൊടി, മല്ലിപ്പൊടി, മഞ്ഞള്‍പ്പൊടി എന്നിവ വഴറ്റി, പുളി പിഴിഞ്ഞതും, ഉപ്പും, വെള്ളവും ചേര്‍ത്ത് തിളപ്പിക്കണം. തിളച്ചാല്‍ മീന്‍കഷണങ്ങള്‍ ചേര്‍ത്ത് തീ കുറച്ച് വേവിക്കണം. കറി കുറുകിവരുമ്പോള്‍ തേങ്ങാപ്പാല്‍, മല്ലിയില, കറിവേപ്പില എന്നിവ ചേര്‍ത്ത് ഇറക്കിവെച്ച് ചൂടോടെ ഉപയോഗിക്കാം.

[Read More...]

പ്രഷര്‍കുക്കര്‍ കാരമല്‍ കസ്‌റ്റാര്‍ഡ്‌

ആവശ്യമുള്ള സാധനങ്ങള്‍

• പഞ്ചസാര - കാല്‍കപ്പ്‌
• വെള്ളം - മൂന്ന്‌ ടേബിള്‍ സ്‌പൂണ്‍
• പാല്‍ - രണ്ട്‌ കപ്പ്‌
• മുട്ട - മൂന്നെണ്ണം (അടിച്ചത്‌)
• വാനില എസന്‍സ്‌ - അര ടീസ്‌പൂണ്‍

കാരമല്‍ തായാറാക്കാന്‍

സോസ്‌ പാനില്‍ മൂന്ന്‌ ടേബിള്‍ സ്‌പൂണ്‍ പഞ്ചസാരയും മൂന്ന്‌ ടേബിള്‍ സ്‌പൂണ്‍ വെള്ളവും ചേര്‍ത്തിളക്കി പഞ്ചസാര അലിയുന്നതുവരെ ചൂടാക്കുക. ഇനി ചൂട്‌ കുറച്ച്‌ സിറപ്പിന്‌ ചുവപ്പു നിറമാകുന്നതുവരെ ഇളക്കുക. ഇത്‌ അടുപ്പില്‍ നിന്ന്‌ മാറ്റി ഒരു ലിറ്റര്‍ പാത്രത്തിലേക്ക്‌ പകരണം.

തയാറാക്കുന്ന വിധം

പാല്‍ തിളപ്പിച്ച്‌ ഇളം ചൂടാകുന്നതുവരെ തണുപ്പിക്കുക. മുട്ട അടിച്ചതും ബാക്കി പഞ്ചസാരയും വാനില എസന്‍സും പാലില്‍ ചേര്‍ത്ത്‌ ഇളക്കുക. ഇത്‌ കാരമലിന്റെ പാത്രത്തിലേക്ക്‌ പകരണം. പാത്രം അലുമിനിയം ഫോയില്‍ കൊണ്ട്‌ മൂടിക്കെട്ടണം.കുക്കറില്‍ വെള്ളമൊഴിച്ച്‌ തട്ടിട്ട്‌ പാത്രം അതിനു മുകളില്‍ വയ്‌ക്കുക.

കുക്കര്‍ അടച്ച്‌ ചൂട്‌ കുറച്ച്‌ 12 മിനിറ്റ്‌ പാകം ചെയ്യുക. അടുപ്പില്‍ നിന്ന്‌ ഇറക്കി ചൂട്‌ പോയശേഷം അലുമിനിയം ഫോയില്‍ മാറ്റി ഫ്രിഡ്‌ജില്‍ വച്ച്‌ തണുപ്പിക്കുക. ആവശ്യാനുസരണം വിളമ്പാം.

(റ്റോഷ്‌മ ബിജു വര്‍ഗീസ്‌)

[Read More...]