Prawns Fry - Malabar Style

Ingredients

• 1Cup Prawns
• 1Tsp Ginger crushed
• 1Tsp Garlic crushed
• 1/4Tsp turmeric powder
• 1/4Tsp Black pepper powder
• 1/2Tsp Coriander powder
• 1Tsp Red chilly powder
• 1/2Cup Onion
• 3Numbers Green Chilly
• 1Spring  Curry leaves
• 2Tbspn Coconut oil
• 1/2-1Cup Water
•  Salt

Instructions

Take cleaned prawns in an earthen pan. To this add crushed ginger, garlic, turmeric powder, black pepper powder, coriander powder, chilly powder and salt. Mix well. Pour one cup of water and mix well. Close the lid and allow it to cook in a medium flame.

Heat oil in a pan. Roast green chilly, onion and curry leaves. Transfer cooked prawns to it. Stir well and allow it to dry.

Now our tasty Malabar style prawn fry is ready to serve. Serve hot. Enjoy!!!

[Read More...]

ഉന്നക്കായ്‌

ആവശ്യമുള്ള സാധനങ്ങള്‍

• പഴുത്ത ഏത്തയ്‌ക്ക- 5 എണ്ണം
• തേങ്ങ തിരുമ്മിയത്‌- ഒരു കപ്പ്‌
• പഞ്ചസാര- 3 ടേബിള്‍സ്‌പൂണ്‍
• ഏലയ്‌ക്കാപ്പൊടി- ഒരു ടേബിള്‍സ്‌പൂണ്‍
• നെയ്യ്‌- ആവശ്യത്തിന്‌

തയാറാക്കുന്ന വിധം

ഏത്തയ്‌ക്ക അപ്പച്ചെമ്പില്‍ വച്ച്‌ ചെറുതായി ആവി കയറ്റുക. തണുത്ത്‌ കഴിയുമ്പോള്‍ തൊലി കളയുക. നടുവിലുള്ള കറുത്ത ഭാഗം നീക്കം ചെയ്‌ത് നന്നായി ഇളക്കി ഉടയ്‌ക്കുക. ചൂടായ പാനില്‍ നെയ്യൊഴിച്ച്‌ തേങ്ങ ഇട്ട്‌ ഇളക്കുക. പഞ്ചസാര ചേര്‍ത്തിളക്കുക. വാങ്ങി വച്ച ശേഷം ഏലയ്‌ക്കാപ്പൊടി ചേര്‍ക്കുക. കുഴച്ച ഏത്തയ്‌ക്ക ചെറിയ ബൗളുകളാക്കുക. കൈയില്‍ വച്ച്‌ ചെറുതായി പരത്തുക. അതിലേക്ക്‌ തേങ്ങയുടെ മിശ്രിതം വച്ച്‌ വീണ്ടും ഉരുളകളാക്കുക. ചൂടായ പാനിലേക്ക്‌ നെെയ്യാഴിച്ച്‌ ഓവല്‍ ഷെയ്‌പ്പിലാക്കിയ ഉന്നയ്‌ക്ക അതിലേക്കിടുക. ബ്രൗണ്‍ നിറമാകുമ്പോള്‍ വറുത്തു കോരാം.

[Read More...]

കോഴി നിറച്ചത്

ചേരുവകള്‍

• വേവിച്ചെടുത്ത മുഴുവന്‍ കോഴി
• ബസുമതി റൈസ്
• ഒറോട്ടി/ അരിപ്പത്തിരി/ഇടിയപ്പത്തിന്റെ മാവ്
• ചിക്കന്‍ കൊത്തിയരിഞ്ഞത് ഒരു ചെറിയ കപ്പ്
• തക്കാളി അരിഞ്ഞത്
• സവാള അരിഞ്ഞത് ഒരു കപ്പ്
• പച്ചമുളക് അരിഞ്ഞത്
• ഗരം മസാല
• മുളക്‌പൊടി
• കുരുമുളക്‌പൊടി
• മഞ്ഞള്‍പ്പൊടി
• ഉപ്പ്
• കറിവേപ്പില അരിഞ്ഞത്
• ഇഞ്ചി, വെളുത്തുള്ളി പേസ്റ്റ്
• കോഴിമുട്ട പുഴുങ്ങിയത് 3 എണ്ണം
• റിഫൈന്‍ഡ് ഓയില്‍

തയ്യാറാക്കുന്ന വിധം

ഈ വിഭവം തയ്യാറാക്കുന്നതിനായി ആദ്യം വൃത്തിയാക്കിയ കോഴിയെ കഷ്ണങ്ങളാക്കാതെ തന്നെ ഉപ്പ് ചേര്‍ത്ത ചൂടുവെള്ളത്തില്‍ വേവിക്കുക. വേവിച്ചെടുത്ത ഈ കോഴിയെ മാറ്റി വെച്ച ശേഷം ഇതില്‍ നിറയ്ക്കാനുള്ള മിശ്രിതം തയ്യാറാക്കുക.

കോഴിക്കുള്ളില്‍ നിറയ്ക്കുവാനുള്ള മിശ്രിതം തയ്യാറാക്കാം

ഒരു പാത്രം അടുപ്പത്ത് വെച്ച് ചൂടായ ശേഷം അല്‍പ്പം എണ്ണ ഒഴിക്കുക. എണ്ണ ചൂടാകുമ്പോള്‍ അതിലേക്ക് ഇഞ്ചിയും വെളുത്തുള്ളിയും ചേര്‍ത്തുണ്ടാക്കിയ പേസ്റ്റ് ചേര്‍ത്ത് നന്നായി വഴറ്റുക. അതിന് ശേഷം അരിഞ്ഞുവെച്ച പച്ചമുളക്, കറിവേപ്പില എന്നിവ ചേര്‍ത്ത് നന്നായി ഇളക്കുക. ഇതിലേക്ക് പൊടിയായി അരിഞ്ഞു വെച്ച ഒരു കപ്പ് സവാളയും പൊടിയായി കൊത്തിയരിഞ്ഞ ഒരു ചെറിയ കപ്പ് ചിക്കനും ചേര്‍ത്ത് അല്‍പ സമയത്തിന് ശേഷം ഒരു ടീസ്പൂണ്‍ മുളക്‌പൊടി, അല്‍പം മഞ്ഞള്‍പ്പൊടി, ഗരം മസാല , ആവശ്യത്തിന് ഉപ്പ് എന്നിവ ചേര്‍ത്ത് നന്നായി മൂപ്പിക്കുക. തക്കാളി അരിഞ്ഞത് ചേര്‍ത്ത് നന്നായി വഴറ്റിയ ശേഷം ഈ മിശ്രിതത്തിലേക്ക് വേവിച്ചുവെച്ച ബസുമതി റൈസ് ചേര്‍ക്കുന്നു. അങ്ങനെ കോഴിക്കുള്ളില്‍ നിറയ്ക്കാനുള്ള ബസുമതി റൈസ് മസാലക്കൂട്ട് തയ്യാര്‍ !

നേരത്തെ വേവിച്ച് മാറ്റിവെച്ച കോഴിക്കുള്ളില്‍ പുഴുങ്ങിവെച്ച കോഴിമുട്ടയും ബസുമതി റൈസ് മസാലക്കൂട്ടും നിറച്ച ശേഷം അരിമാവ് കൊണ്ട് അടയ്ക്കുക.

അല്‍പം കുഴിയുള്ള ഒരു പാത്രം അടുപ്പില്‍ വെച്ച് ചൂടാക്കിയ ശേഷം എണ്ണ ഒഴിക്കുക . ബസുമതി റൈസ് മസാലക്കൂട്ട് സ്റ്റഫ് ചെയ്ത് തയ്യാറാക്കിയ കോഴിയെ ചൂടായ എണ്ണയിലേക്കിടുക. അല്‍പം മുളക്‌പൊടി, മഞ്ഞള്‍പ്പൊടി, ആവശ്യത്തിന് ഉപ്പ്, കറിവേപ്പില , പുഴുങ്ങി വെച്ച മുട്ട എന്നിവ കൂടി ഇതില്‍ ചേര്‍ത്ത ശേഷം കോഴി നന്നായി പൊരിച്ചെടുക്കുന്നതോടെ കോഴി നിറച്ചത് തയ്യാര്‍! കിസ്മിസ് , വേവിച്ച ബസുമതി റൈസ് ,തക്കാളി , സവാള എന്നിവ കൊണ്ട് അലങ്കരിക്കുന്നതോടെ കോഴി നിറച്ചത് വിളമ്പാന്‍ റെഡി. !

[Read More...]

ചീസ്‌ ഓംലെറ്റ്‌

ആവശ്യമുള്ള സാധനങ്ങള്‍

• മുട്ട - രണ്ട്‌ മുട്ട
• ചീസ്‌ - രണ്ട്‌ ക്യൂബ്‌
• കുരുമുളകുപൊടി - ഒരു ടീസ്‌പൂണ്‍

തയാറാക്കുന്നവിധം

മുട്ട നന്നായി അടിക്കുക. ഗ്രേറ്റ്‌ ചെയ്‌ത ചീസും കുരുമുളകുപൊടിയും ചേര്‍ത്ത്‌ അടിക്കുക. അപ്പച്ചട്ടിയില്‍ ഈ കൂട്ട്‌ ഒഴിച്ച്‌ അധികം മൊരിയാതെ തയാറാക്കുക. ബ്രെഡിനൊപ്പം സാന്‍വിച്ചാക്കി ചൂടോടെ കഴിക്കാം.

[Read More...]

തക്കാളി അച്ചാർ

ആവശ്യമുള്ള സാധനങ്ങള്‍:

• തക്കാളി - അഞ്ച് കിലോ
• പുളി - കാല്‍ കിലോ
• ഉപ്പ് - പാകത്തിന്
• മഞ്ഞള്‍പ്പൊടി - 2-3 സ്പൂണ്‍
• ഉലുവാപ്പൊടി - 3 സ്പൂണ്‍
• കായം പൊടി - 5 സ്പൂണ്‍
• മുളകുപൊടി - 125-150 ഗ്രാം (നിങ്ങളുടെ പാകത്തിന്) പിരിയൻ മുളകുപൊടിയുടെ അളവാണ് ഇത്. സാധാരണ മുളകുപൊടിയാണെങ്കില്‍ അളവ് ഇതിലും കുറച്ചു മതിയാവും. കുറേശ്ശേ ചേര്‍ത്ത് പാകത്തിനാക്കുക.
• നല്ലെണ്ണ - അര ലിറ്റര്‍
• വെളുത്തുള്ളി - 100 ഗ്രാം (കൂടുതല്‍ വേണമെങ്കില്‍ ആവാം)
• ഉഴുന്നുപരിപ്പ് - ഒരു പിടി
• കടലപ്പരിപ്പ് - ഒരു പിടി
• ചെറുപയര്‍ പരിപ്പ് - ഒരു പിടി
• കടുക്, മുളക്, കറിവേപ്പില.

ഉണ്ടാക്കുന്ന വിധം:

തക്കാളി കഴുകി, ചെറിയ കഷ്ണങ്ങളായി നുറുക്കുക.

പുളി കുറച്ചു വെള്ളത്തില്‍ കുതിര്‍ത്ത്, നാരും കുരുവുമൊക്കെ ഉണ്ടെങ്കില്‍ അതൊക്കെ മാറ്റി, വൃത്തിയാക്കി വയ്ക്കുക. പിഴിയേണ്ട.

നല്ല കട്ടിയുള്ള ഒരു പാത്രത്തില്‍ തക്കാളിക്കഷ്ണങ്ങള്‍ പുളിയും മഞ്ഞള്‍പ്പൊടിയും ഉപ്പും ചേര്‍ത്ത് വേവിക്കുക. (വെള്ളം ഒട്ടും ചേര്‍ക്കേണ്ട ആവശ്യമില്ല). അടിയില്‍ പിടിക്കാതിരിക്കാന്‍ ഇടയ്ക്കിടെ നന്നായി ഇളക്കിക്കൊടുക്കണം. തീ കുറച്ചു വച്ചാല്‍ മതി. തക്കാളിയും പുളിയും കൂടി വെന്തുകുഴഞ്ഞ് വെള്ളം ഒരുവിധം വറ്റിയ പരുവത്തില്‍ വാങ്ങിവയ്ക്കുക.

വെളുത്തുള്ളി തൊലി കളഞ്ഞ് അല്ലികളാക്കി വയ്ക്കുക.

ഇനി, ചുവടു കട്ടിയുള്ള ഒരു ചീനച്ചട്ടിയില്‍ നല്ലെണ്ണ ഒഴിച്ച്, അതില്‍ കടുകും മുളകും കറിവേപ്പിലയും മൂപ്പിക്കുക. ഇതിലേക്ക് പരിപ്പുകള്‍(കടലപ്പരിപ്പ്, ചെറുപയര്‍പരിപ്പ്, ഉഴുന്നുപരിപ്പ്) ചേര്‍ത്ത് ചുവക്കെ വറുക്കുക. ഇതില്‍ വെളുത്തുള്ളി ഇട്ട് വഴറ്റുക.

വെളുത്തുള്ളി മൂത്ത മണം വന്നാല്‍, വേവിച്ചുവച്ചിരിക്കുന്ന തക്കാളി മിശ്രിതം ചേര്‍ത്ത് യോജിപ്പിക്കുക. ഇതിലേക്ക് മുളകുപൊടിയും ഉലുവാപ്പൊടിയും കായവും കൂടി ചേര്‍ത്ത് നന്നായി യോജിപ്പിക്കുക. ഉപ്പും എരിവുമൊക്കെ പാകത്തിനാണൊ എന്ന് നോക്കുക.

ഇനി, എണ്ണയില്‍ ഈ മിശ്രിതം നന്നായി വരട്ടിയെടുക്കണം. (ഒരു നോണ്‍സ്റ്റിക് പാത്രമാണെങ്കില്‍ എളുപ്പമുണ്ട്).  എണ്ണ പലതവണകളായി ചേര്‍ത്തു കൊടുക്കുക. തീ കുറച്ചുവച്ചാല്‍ മതി. എണ്ണ ചേര്‍ക്കുന്നതിനനുസരിച്ച് ഇടയ്ക്കിടെ നന്നായി ഇളക്കണം. അവസാനം വെള്ളമൊക്കെ നിശ്ശേഷം വറ്റി, എണ്ണ തെളിഞ്ഞുവരാന്‍ തുടങ്ങിയാല്‍ വാങ്ങിവയ്ക്കാം. ആസ്വാദ്യകരമായ ഒരു മണമായിരിക്കും ഈ സമയത്ത് അടുക്കള മുഴുവന്‍.

തണുത്താല്‍ കുപ്പികളിലാക്കാം. മുകള്‍പ്പരപ്പില്‍ എണ്ണ തെളിഞ്ഞു നില്‍ക്കണം. എണ്ണ പോരെന്നു തോന്നുന്നുണ്ടെങ്കില്‍ കുറച്ചു നല്ലെണ്ണ ചൂടാക്കി തണുപ്പിച്ചശേഷം മുകളില്‍ ഒഴിക്കാം. (എണ്ണ പച്ചയ്ക്ക് ഒഴിയ്ക്കരുത്). അധികകാലം സൂക്ഷിക്കണമെന്നുണ്ടെങ്കില്‍ ഫ്രിഡ്ജില്‍ വയ്ക്കുന്നതാണ് നല്ലത്.

(ബിന്ദു കെ പി)

[Read More...]

സ്‌ട്രോബറി സോഡ

ആവശ്യമുള്ള സാധനങ്ങള്‍

സ്‌ട്രോബറി നാലായി മുറിച്ചത്‌ – 20 എണ്ണം
പഞ്ചസാര – ഒരു കപ്പ്‌
സോഡ – രണ്ട്‌ കപ്പ്‌

തയാറാക്കുന്ന വിധം

പാനില്‍ പാകത്തിന്‌ വെള്ളം എടുത്ത്‌ തിളപ്പിച്ച്‌ സ്‌ട്രോബറി അതിലിടുക. സ്‌ട്രോബറി ഉടയുന്ന പരുവംവരെ തിളപ്പിക്കുക. ശേഷം ഒരു അരിപ്പയില്‍ അരിച്ചെടുക്കുക. വീണ്ടും സോസ്‌പാനില്‍ ഒഴിച്ച്‌ പഞ്ചസാരയും ചേര്‍ത്ത്‌ തിളപ്പിക്കുക. മുകളില്‍ അടിയുന്ന പത മാറ്റി ഇത്‌ തണുപ്പിക്കാം. ഒരു ഗ്ലാസിന്റെ അടിവശത്ത്‌ ഐസ്‌ ഇട്ട ശേഷം സ്‌ട്രോബറി ജ്യൂസ്‌ പകുതിയോളം ഒഴിക്കുക. ശേഷം മുകളില്‍ സോഡയും ചേര്‍ത്ത്‌ വിളമ്പാം.

[Read More...]

ബീറ്റ്‌റൂട്ട്‌ റൈസ്‌

ആവശ്യമുള്ള സാധനങ്ങള്‍

• ബട്ടര്‍- ഒരു ടേബിള്‍ സ്‌പൂണ്‍
• ഏലയ്‌ക്ക- രണ്ടെണ്ണം
• കറുവാപ്പട്ട-ഒരു കഷണം
• ഗ്രാമ്പൂ-രണ്ടെണ്ണം
• കുരുമുളക്‌- നാലെണ്ണം
• പച്ചമുളക്‌-രണ്ടെണ്ണം
• ഉള്ളി- നാലെണ്ണം(നീളത്തില്‍ അരിഞ്ഞത്‌)
• ഉപ്പ്‌- പാകത്തിന്‌
• ബീറ്റ്‌റൂട്ട്‌-രണ്ടെണ്ണം(തൊലികളഞ്ഞ്‌ ഗ്രേറ്റ്‌ ചെയ്‌തത്‌)
• പശുവിന്‍പാല്‍-നാല്‌ കപ്പ്‌
• ബിരിയാണി അരി-രണ്ട്‌ കപ്പ ്‌(അര മണിക്കൂര്‍ വെള്ളത്തില്‍ കുതിര്‍ത്തത്‌)
• ചീസ്‌ ക്യൂബ്‌സ്-നാലെണ്ണം

തയാറാക്കുന്ന വിധം

കുക്കറില്‍ ബട്ടര്‍ ഇട്ട്‌ ഏലയ്‌ക്ക, ഗ്രാമ്പു, കറുവാപ്പട്ട, കുരുമുളക്‌ ഇവയിട്ട്‌ വഴറ്റുക. അതിലേക്ക്‌ ഉള്ളിയും പച്ചമുളകും ഉപ്പും ചേര്‍ത്ത്‌ ഉള്ളി ചുവന്ന നിറമാകുന്നതുവരെ വഴറ്റുക.
ശേഷം അരിയും ബീറ്റ്‌റൂട്ടും പശുവിന്‍പാലും ചേര്‍ത്തിളക്കി കുക്കര്‍ അടച്ച്‌ ഒരു വിസില്‍ വരുന്നതുവരെ വേവിക്കുക. കുക്കര്‍ അടുപ്പില്‍നിന്ന്‌ ഇറക്കി ആവി പോയ ശേഷം തുറന്ന്‌ ചീസ്‌ ഗ്രേറ്റ്‌ ചെയ്‌തിട്ട്‌ വിളമ്പാം.

[Read More...]

ബദാം ഷേയ്‌ക്ക്

ആവശ്യമുള്ള സാധനങ്ങള്‍

• പാല്‍- രണ്ട്‌ കപ്പ്‌
• പഞ്ചസാര- അരക്കപ്പ്‌്
• ബദാം- കാല്‍ക്കപ്പ്‌
• ഏലയ്‌ക്ക പൊടിച്ചത്‌- നാലെണ്ണം
• പിസ്‌ത - നാലെണ്ണം(ചെറുതായി അരിഞ്ഞത്‌)

തയാറാക്കുന്ന വിധം

ഒരു പാത്രത്തില്‍ ബദാമും വെള്ളവും എടുത്ത്‌ അഞ്ച്‌ മിനിട്ട്‌ തിളപ്പിക്കുക. ശേഷം ബദാം തൊലികളഞ്ഞ്‌ പഞ്ചസാരയോടൊപ്പം അരച്ചെടുക്കുക. പാലില്‍ ഏലയ്‌ക്കാപ്പൊടിയും ബദാം-പഞ്ചസാര അരച്ചതും ചേര്‍ത്ത്‌ തിളപ്പിക്കുക. ചൂടാറിയ ശേഷം ഗ്ലാസിലേക്ക്‌ പകര്‍ന്ന്‌ പിസ്‌ത അരിഞ്ഞത്‌ മുകളില്‍ വിതറി തണുപ്പിച്ച്‌ ഉപയോഗിക്കാം.

[Read More...]

ചീര ദോശ

ആവശ്യമുള്ള സാധനങ്ങള്‍ 

• ചുവന്ന ചീര- അരക്കപ്പ്‌
• ദോശമാവ്‌- രണ്ട്‌ കപ്പ്‌ 
• ഉപ്പ്‌- പാകത്തിന്‌ 
• നല്ലെണ്ണ- പാകത്തിന്‌ 

തയാറാക്കുന്ന വിധം 

ചീര ഉപ്പു ചേര്‍ത്ത്‌ വേവിച്ച്‌ അരച്ചെടുക്കുക. ഇത്‌ ദോശമാവില്‍ ചേര്‍ത്ത്‌ യോജിപ്പിച്ചെടുക്കുക. ദോശക്കല്ലില്‍ നല്ലെണ്ണ പുരട്ടി ദോശ ചുട്ടെടുക്കാം  

[Read More...]

ചിക്കന്‍ സൂപ്പ്‌

ചേരുവകള്‍

• ചിക്കന്‍ എല്ലുനീക്കിയത് - 250 ഗ്രാം
• ഉള്ളി - 150 ഗ്രാം
• മസാല - 2.5 സ്പൂണ്‍
• കുരുമുളക്പൊടി - പാകത്തിന്‌
• മഞ്ഞള്‍പ്പൊടി - അര ടീസ്പൂണ്‍
• ജീരകം - അര ടീസ്പൂണ്‍

പാകം ചെയ്യേണ്ട വിധം

ചിക്കന്‍ കഷണങ്ങള്‍ കഴുകി പാത്രത്തിലിട്ട്‌ 6 കപ്പ്‌ വെള്ളം ഒഴിച്ച്‌ വേവിക്കുക. തിളയ്ക്കുമ്പോള്‍ ഉള്ളി തൊലിച്ചതും മസാലപ്പൊടി, കുരുമുളക്പൊടി, മഞ്ഞള്‍പ്പൊടി, ജീരകം എന്നിവ ഇട്ട്‌ തിളപ്പിക്കണം. 6 കപ്പ്‌ വെള്ളം വറ്റിച്ച്‌ 2 കപ്പാക്കി അരിച്ച്‌ എടുത്ത്‌ ഉപയോഗിക്കാം.

[Read More...]

അടുക്കള നുറുങ്ങുകള്‍

അടുക്കള നുറുങ്ങുകള്‍

1. കേക്ക്‌ ഐസിങ്ങിനും മറ്റും ഉപയോഗിക്കുന്ന ലിക്വിഡ്‌ ഗ്ലൂക്കോസ്‌ എടുക്കാന്‍ അല്‍പം നനവുള്ള സ്‌പൂണ്‍ ഉപയോഗിക്കണം.

2. ജെല്ലിമോള്‍ഡ്‌ പ്ലേറ്റിലേക്ക്‌ കമഴ്‌ത്തും മുമ്പ്‌ ഏതാനും നിമിഷം ചൂടുവെള്ളത്തില്‍ മുക്കുക. എളുപ്പത്തില്‍ പാത്രത്തില്‍ നിന്നു വിട്ടുകിട്ടും.

3. സാലഡിനുള്ള ലെറ്റൂസ്‌ ഇല വാടിപ്പോയാല്‍ അത്‌ നാരങ്ങാനീരു ചേര്‍ത്ത തണുത്തവെള്ളത്തിലിട്ട്‌ ഒരു മണിക്കൂര്‍ ഫ്രിഡ്‌ജില്‍ വച്ചശേഷം ഉപയോഗിക്കുക.

4. പച്ചക്കായ കൈകാര്യം ചെയ്യുന്നതിനുമുമ്പ്‌ കൈയിലും കത്തിയിലും അല്‍പം എണ്ണ പുരട്ടിയാല്‍ കറപിടിക്കുകയില്ല.

5. പാസ്‌ത വേവിക്കുന്ന വെള്ളത്തില്‍ ഒലിവ്‌ ഓയില്‍ ഒഴിക്കരുത്‌. കാരണം പിന്നീട്‌ സോസ്‌ ചേര്‍ക്കുമ്പോള്‍ സോസ്‌ പാസ്‌തയില്‍ പിടിക്കില്ല.

6. ഇഞ്ചി-വെളുത്തുള്ളി പേസ്‌റ്റ് ഉണ്ടാക്കാന്‍ 60 ശതമാനം വെളുത്തുള്ളിക്ക്‌ 40 ശതമാനം ഇഞ്ചി എന്ന കണക്കില്‍ യോജിപ്പിക്കുക.

7. പൂരിക്കു കുഴയ്‌ക്കുന്ന മാവില്‍ അല്‍പം റവ ചേര്‍ത്താല്‍ കൂടുതല്‍ രുചിയുണ്ടാകും.

8. കസ്‌റ്റേര്‍ഡ്‌ ഉണ്ടാക്കിയ ശേഷം ചൂടാറാന്‍ വയ്‌ക്കുമ്പോള്‍ അതിനുമുകളില്‍ അല്‍പം പഞ്ചസാര വിതറിയാല്‍ പാട കെട്ടില്ല.

9. മുട്ടചിക്കിപ്പൊരിക്കുന്നതില്‍ റൊട്ടിപ്പൊടി ചേര്‍ത്താല്‍ രുചി കൂടുന്നതിനൊപ്പം അളവും കൂട്ടാം.

10. പാന്‍ കേക്കിനുള്ള മാവു തയ്യാറാക്കാന്‍ വെള്ളത്തിനു പകരം സോഡ ചേര്‍ത്താല്‍ പാന്‍കേക്കിനു കൂടുതല്‍ മയമുണ്ടാകും.

11. ഇഡ്‌ഡലിക്കും ദോശയ്‌ക്കുമുള്ള മാവില്‍ അല്‍പ്പം കരിക്കിന്‍ വെള്ളം ചേര്‍ത്താല്‍ മാവ്‌ എളുപ്പം പുളിക്കും. ഇഡ്‌ഡലി മൃദുവാകും.

12. ദോശയ്‌ക്കു മാവ്‌ കലക്കുമ്പോള്‍ ഒരു നുള്ള്‌ പഞ്ചസാര ചേര്‍ത്താല്‍ പെട്ടന്ന്‌ പുളിക്കും.

13. ഹല്‍വ, കേക്ക്‌ എന്നിവ കണ്ണാടിക്കടലാസിലോ ബട്ടര്‍ പേപ്പറിലോ പൊതിഞ്ഞു വച്ചാല്‍ ഈര്‍പ്പം നഷ്‌ടപ്പെടില്ല.

14. വഹിക്കാവുന്നതിലധികം ഭാരം മിക്‌സിയിലിടരുത്‌. ലോഡ്‌ കൂടിയാല്‍ ബ്ലേഡ്‌ കേടു വരും.

15. വൈദ്യുതോപകരണങ്ങള്‍ ഉപയോഗിച്ച്‌ അടുക്കളപ്പണി ചെയ്യുമ്പോള്‍ റബര്‍ സോള്‍ ചെരുപ്പേ ധരിക്കാവൂ, ഷോക്കേല്‍ക്കില്ല.

16. ബേക്ക്‌ ചെയ്യുമ്പോള്‍ ഓവന്‍ തുറക്കരുത്‌. തുറന്നാല്‍ ചൂട്‌ വായു പുറത്തേക്കും തണുത്തവായു അകത്തേക്കും കടക്കും.ഇതു പാചകസമയം കൂട്ടും.

17. ഇലക്‌ട്രിക്‌ സ്‌റ്റൗ,ഹോട്ട്‌ പ്ലേറ്റ്‌ എന്നിവയില്‍ പാചകം ചെയ്യുമ്പോള്‍ മരത്തവി ഉപയോഗിച്ചാല്‍ ഷോക്കേല്‍ക്കില്ല.

18. നനഞ്ഞ കൈകൊണ്ട്‌ ഒരിക്കലും ഇലക്‌ട്രിക്‌ ഉപകരണങ്ങള്‍ പ്രവര്‍ത്തിപ്പിക്കരുത്‌.

19. ബീന്‍സ്‌,കാബേജ്‌,കാരറ്റ്‌ എന്നിവ കൂടുതല്‍ നേരം വെള്ളത്തിലിട്ടു വേവിച്ചാല്‍ ഗുണം കുറയും.

20.പ്ലാസ്‌റ്റിക്‌ കവറുകളില്‍ ദ്വാരമിട്ട്‌ ആപ്പിള്‍ അതിലിട്ട്‌ ഫ്രിഡ്‌ജില്‍ വച്ചാല്‍ കൂടുതല്‍ കാലം കേടുകൂടാതെയിരിക്കും.

***

[Read More...]

തക്കാളി സൂപ്പ്‌

ആവശ്യമുള്ള സാധനങ്ങള്‍

• തക്കാളി - 3 എണ്ണം
• വെള്ളം -രണ്ടര കപ്പ്‌
• പാല്‍ - രണ്ട്‌ കപ്പ്‌
• മൈദ - രണ്ട്‌ ടേബിള്‍സ്‌പൂണ്‍
• വെണ്ണ - രണ്ട്‌ ടേബിള്‍സ്‌പൂണ്‍
• സോഡാപ്പൊടി - ഒരു നുള്ള്‌
• ഉപ്പ്‌, കുരുമുളകുപൊടി - പാകത്തിന്‌

തയാറാക്കുന്നവിധം

തക്കാളി വെള്ളത്തിലിട്ടു വേവിച്ച്‌ അരച്ചെടുക്കുക. ഈ സത്തിലേക്ക്‌ സോഡാപ്പൊടി ചേര്‍ത്ത്‌ വാങ്ങുക. കട്ടിയുള്ള പാത്രത്തില്‍ വെണ്ണയിട്ട്‌ ഉരുകുമ്പോള്‍ മൈദയിടുക. പതഞ്ഞുവരുമ്പോള്‍ തീ കുറച്ച്‌ പാല്‍ കുറേശ്ശെയായി ഒഴിച്ചിളക്കി കൊഴുത്തുതുടങ്ങുമ്പോള്‍ തക്കാളിസത്തിലേക്ക്‌ ഒഴിക്കുക. (പിരിയാതിരിക്കാനാണ്‌ സോഡാപ്പൊടി ചേര്‍ക്കുന്നത്‌) ഉപ്പ്‌, കുരുമുളക്‌ എന്നിവ ചേര്‍ത്ത്‌ ചൂടോടെ കഴിക്കാം. 

[Read More...]

ഫിഷ്‌ കട്‌ലറ്റ്‌ (നാടൻ)

ആവശ്യമുള്ള സാധനങ്ങള്‍

• മത്തി- ഒരു കിലോ
• ഉരുളക്കിഴങ്ങ്‌ വേവിച്ച്‌ പൊടിച്ചത്‌-രണ്ട്‌ കപ്പ്‌
• സവാള നീളത്തില്‍ അരിഞ്ഞത്‌-ഒന്നരക്കപ്പ്‌
• പച്ചമുളക്‌ വട്ടത്തില്‍ അരിഞ്ഞത്‌-അഞ്ചെണ്ണം
• ഇഞ്ചി പൊടിയായി അരിഞ്ഞത്‌ -വലിയ കഷണം
• കറിവേപ്പില അരിഞ്ഞത്‌- രണ്ട്‌ തണ്ട്‌
• മസാലപ്പൊടി- ഒരു ടീസ്‌പൂണ്‍
• കുരുമുളകുപൊടി- കാല്‍ ടീസ്‌പൂണ്‍
• മുട്ട- ഒരെണ്ണം
• റൊട്ടിപ്പൊടി- ഒരു കപ്പ്‌
• ഉപ്പ്‌, എണ്ണ- പാകത്തിന്‌

തയാറാക്കുന്ന വിധം

മീന്‍ മുള്ളുകളഞ്ഞ്‌, ഉപ്പ്‌ കുരുമുളകുപൊടി എന്നിവ ചേര്‍ത്ത്‌ വേവിക്കുക. ചീനച്ചട്ടിയില്‍ എണ്ണയൊഴിച്ച്‌് സവാള, പച്ചമുളക്‌, ഇഞ്ചി കറിവേപ്പില എന്നിവ വഴറ്റി മസാലപ്പൊടി ചേര്‍ത്തിളക്കുക. ശേഷം മീനും ഉരുളക്കിഴങ്ങും ചേര്‍ത്ത്‌ ഒരുമിച്ച്‌ ഇളക്കുക. ആറിയ ശേഷം ഓരോ ഉരുളകളായി എടുത്ത്‌ അല്‍പ്പം കനത്തില്‍ കൈവെള്ളയില്‍വച്ച്‌ പരത്തി മുട്ടവെള്ളയില്‍ മുക്കി റൊട്ടിപ്പൊടിയില്‍ ഉരുട്ടിയെടുത്ത്‌ എണ്ണയില്‍ വറുത്തെടുക്കാം.

[Read More...]

സ്വീറ്റ്‌കോണ്‍ ചിക്കന്‍ സൂപ്പ്‌

ആവശ്യമുള്ള സാധനങ്ങള്‍

• ടിന്നില്‍ കിട്ടുന്ന സ്വീറ്റകോണ്‍ - ഒരു കപ്പ്‌
• ചിക്കന്‍ സ്‌റ്റോക്ക്‌ - നാല്‌ കപ്പ്‌
• അജിനോമോട്ടോ - ഒരു നുള്ള്‌
• കുരുമുളകുപൊടി - ഒരു ടീസ്‌പൂണ്‍
• പഞ്ചസാര - ഒന്നരടീസ്‌പൂണ്‍
• ഉപ്പ്‌ - ആവശ്യത്തിന്‌
• ഇഞ്ചി അരച്ചത്‌ - ഒരു ടീസ്‌പൂണ്‍
• വേവിച്ച കോഴി പിച്ചിക്കീറിയത്‌ - കാല്‍ കപ്പ്‌
• കോണ്‍ഫ്‌ളോര്‍ - നാല്‌ ടേബിള്‍സ്‌പൂണ്‍
• വെള്ളം - ഒരു കപ്പ്‌
• മുട്ട - രണ്ടെണ്ണം

അലങ്കരിക്കുന്നതിന്‌

കനം കുറച്ചരിഞ്ഞ സ്‌പ്രിങ്‌ ഒനിയന്‍, കാരറ്റ്‌, മല്ലിയില എന്നിവ രണ്ട്‌ ടേബിള്‍സ്‌പൂണ്‍ വീതം.

തയാറാക്കുന്നവിധം

സ്വീറ്റ്‌കോണ്‍, ചിക്കന്‍ സ്‌റ്റോക്ക്‌, അജിനോമോട്ടോ, കുരുമുളകുപൊടി, പഞ്ചസാര, ഉപ്പ്‌, ഇഞ്ചി അരച്ചത്‌ എന്നീ ചേരുവകള്‍ യോജിപ്പിച്ച്‌ തിളയ്‌ക്കുമ്പോള്‍ തീ കുറച്ച്‌ മൂന്നു മിനിറ്റ്‌ വേവിക്കുക. കോഴി പിച്ചി പിച്ചിക്കീറിയത്‌ ചേര്‍ത്ത്‌ നന്നായി ഇളക്കുക. കോണ്‍ഫ്‌ളോര്‍ ഒരു കപ്പ്‌ വെള്ളത്തില്‍ യോജിപ്പിച്ച്‌ നന്നായി ഇളക്കുക. സൂപ്പ്‌ കുറുകി വരുമ്പോള്‍ തീയില്‍ നിന്നെടുക്കുക. മുട്ട ചെറുതായി അടിച്ചശേഷം, കുറേശ്ശയായി പതുക്കെ നൂലുപോലെ, ഫോര്‍ക്ക്‌ വച്ച്‌ നന്നായി ഇളക്കി ചേര്‍ക്കുക. അലങ്കരിച്ച്‌ ചൂടോടെ വിളമ്പുക.

[Read More...]

അരി ലഡ്ഡു

ചേരുവകള്‍

• അരി -1 ഗ്ലാസ്‌
• തേങ്ങ -1 വലിയ മുറി 
• ശര്‍ക്കര -150 ഗ്രാം 
• കശുവണ്ടി -15 എണ്ണം 
• ഏലക്കാ പൊടിച്ചത് -3 എണ്ണം
• എള്ള് -ഒരു സ്പൂണ്‍

പാകം ചെയ്യുന്ന വിധം 

അരി വറുത്തു പൊടിക്കുക
തേങ്ങ ചിരകിയതും കശുവണ്ടിയും കുറേശ്ശെ മിക്സിയിലോ ഉരലിലോ പൊടിച്ച്‌ ശര്‍ക്കര ചീകിയതും,എള്ളും , ഏലക്കാപൊടിയും,അരിപ്പൊടിയും ചേര്‍ത്ത് യോജിപ്പിക്കുക.
ഈ മിശ്രിതം കുറേശ്ശെ പൊടിച്ച്‌ എല്ലാം കൂടി ഒന്നിച്ചാക്കി ചെറു ഉരുളകളാക്കുക.

[Read More...]

പുതിന - പച്ചമാങ്ങ ജ്യൂസ്‌

ആവശ്യമുള്ള സാധനങ്ങള്‍

മൂവാണ്ടന്‍ മാങ്ങ തൊണ്ട്‌ ചെത്താതെ

അരിഞ്ഞെടുത്തത്‌ – ഒരെണ്ണം

പഞ്ചസാര – അരക്കപ്പ്‌

വെള്ളം – ഒരു കപ്പ്‌

പുതിനയില അരടീസ്‌പൂണ്‍

തയാറാക്കുന്ന വിധം

മാങ്ങയും പഞ്ചസാരയും വെള്ളവും മിക്‌സിയില്‍ അരയ്‌ക്കുക. ഇത്‌ ഒരു ഗ്ലാസിലേക്ക്‌ അരിച്ചൊഴിച്ച്‌ തണുപ്പിച്ചശേഷം പുതിനയില വിതറി വിളമ്പാം.

[Read More...]

Red Fish Curry

Ingredients

• Fish-medium size pieces- 500 gms
• Mustard seeds- 1/4 tsp
• Curry leaves- 2 sprigs
• Shallots-sliced- 4 to 5 nos
• Ginger-crushed- 1.5 tsp
• Garlic-crushed- 1.5 tsp
• Kashmiri chili powder- 2 tbsp
• Coriander powder- 1 tbsp
• Turmeric powder- 1/2 tsp
• Fenugreek powder- 1 pinch
• Cocum(Kudampuli)-soaked in water- 2 to 3 small pieces

Preparation

1. Heat oil and add mustard seeds,let it splutter.
2. Add curry leaves, shallots, ginger and garlic. Saute until shallots turn golden brown.
3. Reduce the flame to low and add kashmiri chili powder, coriander powder, turmeric powder and fenugreek powder. Mix well. Saute for about 5 minutes ,stirring continuously.
4. Add water and cocum, bring it to boil. Add fish pieces and salt to taste.
5. Cover and cook over a medium heat, until fish is cooked and gravy is thick.
6. Remove from heat and keep covered for at least one hour for the flavors to blend in.

[Read More...]

ഗ്രില്‍ഡ്‌ ചെമ്മീന്‍

ആവശ്യമുള്ള സാധനങ്ങള്‍

• 1. ഒലിവ്‌ ഓയില്‍ - കാല്‍ക്കപ്പ്‌
• പാഴ്‌സിലി അരിഞ്ഞത്‌ - കാല്‍ക്കപ്പ്‌
• സോയാ സോസ്‌ - രണ്ട്‌ ടേബിള്‍ സ്‌പൂണ്‍
• വെളുത്തുള്ളി അരച്ചത്‌ - രണ്ട്‌ ടേബിള്‍ സ്‌പൂണ്‍
• കെച്ചപ്പ്‌ - ഒരു ടേബിള്‍ സ്‌പൂണ്‍
• ഉപ്പ്‌ - പാകത്തിന്‌
• കുരുമുളകുപൊടി - രണ്ട്‌ ടേബിള്‍ സ്‌പൂണ്‍
• ലമണ്‍ ജ്യൂസ്‌ - രണ്ട്‌ ടേബിള്‍ സ്‌പൂണ്‍
• 2. ചെമ്മീന്‍ - ഒരു കിലോ
• സ്‌ക്യൂവേഴ്‌സ് - 12 എണ്ണം (30 മിനിറ്റ്‌ വെള്ളത്തില്‍ കുതിര്‍ത്തത്‌)

തയ്യാറാക്കുന്ന വിധം

ഒന്നാമത്തെ ചേരുവകളെല്ലാം യോജിപ്പിച്ചു വയ്‌ക്കുക . ഇത്‌ ചെമ്മീനില്‍ പുരട്ടി രണ്ടു മണിക്കൂര്‍ ഫ്രിഡ്‌ജില്‍ സൂക്ഷിക്കുക. ശേഷം ചെമ്മീന്‍ സ്‌ക്യൂവേഴ്‌സില്‍ കോര്‍ത്തെടുക്കുക. ഗ്രില്‍ ചൂടാക്കി എണ്ണ പുരട്ടി രണ്ട്‌ മിനിറ്റ്‌ വീതം ഓരോ വശവും മറിച്ചും തിരിച്ചും ഇട്ട്‌ വേവിച്ചെടുക്കുക.

[Read More...]

ചെമ്മീന്‍ സമോസ

ആവശ്യമുള്ള സാധനങ്ങള്‍

1. ചെമ്മീന്‍ വലുത് അരക്കിലോ
2. പച്ചമുളക് പൊടിയായി അരിഞ്ഞത് 10 എണ്ണം
3. സവാള വലുത് മൂന്നെണ്ണം
4. ഇഞ്ചി, വെളുത്തുള്ളി പേസ്റ്റ് അര കപ്പ്
5. മല്ലിപ്പൊടി ഒരു ടീസ്​പൂണ്‍
6. കുരുമുളക് ചതച്ചത് 10 എണ്ണം
7. പെരുംജീരകം ഒരു ടീസ്​പൂണ്‍
8. മഞ്ഞള്‍പ്പൊടി കാല്‍ ടീസ്​പൂണ്‍
9. മല്ലിയില നുറുക്കിയത് ഒരു പിടി
10. മൈദ കാല്‍ കിലോ
11. ഉപ്പ് ആവശ്യത്തിന്
12. വെളിച്ചെണ്ണ ആവശ്യത്തിന്  

പാകം ചെയ്യുന്ന വിധം

ചെമ്മീന്‍, ഉപ്പും മഞ്ഞള്‍പ്പൊടിയും ചേര്‍ത്ത് നന്നായി വേവിച്ചുവെക്കുക. സവാള പൊടിയായി അരിഞ്ഞ് പച്ചമുളകും ചേര്‍ത്ത് എണ്ണയില്‍ നന്നായി വഴറ്റിയതിനുശേഷം, നാല് മുതല്‍ ഒമ്പത് വരെയുള്ള ചേരുവകളും ചേര്‍ത്ത് വീണ്ടും നന്നായി വഴറ്റുക. ഇതില്‍ വേവിച്ചുവെച്ചിരിക്കുന്ന ചെമ്മീനും ചേര്‍ത്ത് യോജിപ്പിക്കുക. അതിനുശേഷം വെള്ളം തിളപ്പിച്ച് മൈദയും ഉപ്പും ചേര്‍ത്ത് നന്നായി കുഴച്ച്, ചെറുനാരങ്ങാവലുപ്പത്തില്‍ മാവെടുത്ത് നേര്‍മയായി പരത്തി അതിന്റെ നടുവില്‍ ചെമ്മീന്‍കൂട്ട് വെച്ച് രണ്ടറ്റവും ഒന്നിച്ചാക്കി വെള്ളം ചേര്‍ത്ത് ഒട്ടിച്ച് വെളിച്ചെണ്ണയില്‍ വറുത്തെടുക്കുക.

[Read More...]

ബട്ടര്‍ ചിക്കന്‍

ആവശ്യമുള്ള സാധനങ്ങള്‍

• ചിക്കന്‍ - അര കിലോ
• ഇഞ്ചി-വെളുത്തുള്ളി പേസ്റ്റ്‌ - 1 ടേബിള്‍ സ്‌പൂണ്‍
• സവാള -2 
• തക്കാളി - 1
• അധികം പുളിയില്ലാത്ത തൈര്‌ - 1/2 കപ്പ്‌
• മുളകുപൊടി - 1 ടേബിള്‍ സ്‌പൂണ്‍
• മഞ്ഞള്‍പ്പൊടി - കാല്‍ ടേബിള്‍ സ്‌പൂണ്‍
• മല്ലിപ്പൊടി - 1 ടേബിള്‍ സ്‌പൂണ്‍
• ജീരകം - അര ടേബിള്‍ സ്‌പൂണ്‍
• ഗരം മസാലപ്പൊടി - 1/2 ടേബിള്‍ സ്‌പൂണ്‍
• കസൂരി മേത്തി - അര ടേബിള്‍ സ്‌പൂണ്‍
• ഫ്രഷ്‌ ക്രീം - 2 ടേബിള്‍ സ്‌പൂണ്‍
• മല്ലിയില - ഒരു പിടി 
• എണ്ണ - 2 ടേബിള്‍ സ്‌പൂണ്‍
• ഉപ്പ്‌ പാകത്തിന്‌

പാകം ചെയ്യുന്ന വിധം

ബോണ്‍ലെസ്‌ ബട്ടര്‍ ചിക്കനാണ്‌ വേണ്ടതെങ്കില്‍ ചിക്കന്‍ കഷണങ്ങളില്‍നിന്ന്‌ എല്ലുകള്‍ മാറ്റി ഇറച്ചി മാത്രം എടുക്കുക. 

ഒരു ബ്ലെന്‍ഡറില്‍ കഷണങ്ങളാക്കിയ സവാള, തക്കാളി, മുളകുപൊടി, മഞ്ഞള്‍പ്പൊടി, ജീരകം, ഗരം മസാലപ്പൊടി, തൈര്‌, ഉപ്പ്‌ എന്നിവയും ഇഞ്ചി-വെളുത്തുള്ളി പേസ്റ്റും ഇട്ട്‌ നന്നായി അരയ്‌ക്കുക. ഈ അരപ്പ്‌ ചിക്കന്‍ കഷണങ്ങളില്‍ നന്നായി പുരട്ടി അര മണിക്കൂര്‍ വയ്‌ക്കുക. 

ഒരു പാത്രം ചൂടാകുമ്പോള്‍ രണ്ടു ടേബിള്‍ സ്‌പൂണ്‍ ബട്ടര്‍ ഇടുക. ബട്ടര്‍ ഉരുകുമ്പോള്‍ ചിക്കന്‍ കഷണങ്ങളും ഒരു കപ്പ്‌ വെള്ളവും ചേര്‍ത്ത്‌്‌ ഇളക്കി മൂടി വേവിയ്‌ക്കുക. പാതി വേവാകുമ്പോള്‍ കസൂരി മേത്തി കൈ കൊണ്ട്‌ ഞെരടി പൊടിച്ച്‌ ചേര്‍ക്കുക. വെന്തു കഴിയുമ്പോള്‍ വാങ്ങിവച്ച്‌ ഫ്രഷ്‌ ക്രീം, മല്ലിയില ഇവ ചേര്‍ക്കുക. (ഗ്രേവി വേണ്ടതനുസരിച്ച്‌ വെള്ളത്തിന്റെ അളവ്‌ കൂട്ടാവുന്നതാണ്‌.) 

[Read More...]

കാഫിര്‍ ലൈം

പ്രത്യേകതരം നാരകത്തിന്റെ ഇലയും തേങ്ങാപ്പാലും കസ്‌റ്റേര്‍ഡ് ചേര്‍ന്നൊരു രുചിമേളം.

ആവശ്യമുള്ള സാധനങ്ങള്‍

01. തേങ്ങാപ്പാല്‍ - ഒരു ലീറ്റര്‍
     പഞ്ചസാര - 250 ഗ്രാം
02. കാഫിര്‍ ലൈം ഇല- 10
03. കസ്‌റ്റേര്‍ഡ് പൗഡര്‍ - 100 ഗ്രാം
04. ചൈനാഗ്രാസ് - 20 ഗ്രാം
05. തേങ്ങ ചുരണ്ടിയത്, തേന്‍ - അലങ്കരിക്കാന്‍

പാകം ചെയ്യുന്ന വിധം 

  
01. ഒരു സോസ്പാനില്‍ തേങ്ങാപ്പാലും പഞ്ചസാരയും കാഫിര്‍ ലൈം ഇലയും ചേര്‍ത്തു തിളപ്പിക്കുക.
02. കസ്‌റ്റേര്‍ഡ് പൗഡര്‍ അല്‍പം വെള്ളത്തില്‍ കലക്കി, തിളയ്ക്കുന്ന പാലില്‍ ഒഴിക്കുക.
03. ഈ മിശ്രിതത്തില്‍ നിന്ന്, കാഫിര്‍ലൈം ഇല മാറ്റിയശേഷം, ചൈനാഗ്രാസ് ഉരുക്കിയതും ചേര്‍ത്തിളക്കി വാങ്ങി ചൂടാറാന്‍ വയ്ക്കുക.
04. പിന്നീട് 20 മിനിറ്റ് ഫ്രിഡ്ജില്‍ വച്ചു തണുപ്പിക്കുക.
05. തേങ്ങ ചുരണ്ടിയതും തേനും കൊണ്ട് അലങ്കരിച്ചു വിളമ്പുക.

[Read More...]

ചക്ക നേന്ത്രപ്പഴം കുമ്പിളട

ആവശ്യമുള്ള സാധനങ്ങള്‍

പഴുത്ത ചക്കച്ചുള അരിഞ്ഞത്‌ - രണ്ട്‌ കപ്പ്‌
നേന്ത്രപ്പഴം ചെറുതായി അരിഞ്ഞത്‌ - ഒരു കപ്പ്‌
തേങ്ങ ചിരകിയത്‌ - ഒന്നരക്കപ്പ്‌
ഏലയ്‌ക്കാപ്പൊടി - ഒരു ടീസ്‌പൂണ്‍
ജീരകം- അര ടീസ്‌പൂണ്‍
ശര്‍ക്കര- 250 ഗ്രം
അരിപ്പൊടി വറുത്തത്‌ - രണ്ടരക്കപ്പ്‌
ഉപ്പ്‌- പാകത്തിന്‌
നെയ്യ്‌- ആവശ്യത്തിന്‌

തയാറാക്കുന്ന വിധം

നെയ്യില്‍ ചക്കച്ചുളയും പഴവും വഴറ്റണം. ഇതിലേക്ക്‌ തേങ്ങ ചിരകിയതും ജീരകം ഏലയ്‌ക്ക ഇവ പൊടിച്ചതും ചേര്‍ത്തിളക്കി അടുപ്പില്‍നിന്ന്‌ ഇറക്കി വയ്‌ക്കുക. ശര്‍ക്കര ചീകിയത്‌ ഈ കൂട്ടിലേക്ക്‌ ചേര്‍ത്തിളക്കുക.

ഇതിലേക്ക്‌ അരിപ്പൊടിയും പാകത്തിന്‌ വെള്ളവും ഉപ്പും ചേര്‍ത്ത്‌ കുഴയ്‌ക്കുക. ഇത്‌ അരമണിക്കൂര്‍ വച്ച ശേഷം വഴനയിലയോ വാഴയിലയോ കുമ്പിളുകളാക്കി അതില്‍ മാവ്‌ നിറച്ച്‌ അപ്പച്ചെമ്പില്‍ വച്ച്‌ ആവി കയറ്റുക. വെന്തുകഴിയുമ്പോള്‍ അടുപ്പത്തുനിന്നും മാറ്റി വിളമ്പാം.

[Read More...]