ഫിഷ് കൊഫ്ത

ഫിഷ് കൊഫ്ത

ചേരുവകള്‍

മീന്‍ -ഒരു കിലോ അരിഞ്ഞത്
ബേലീഫ് -രണ്ടെണ്ണം
ഗ്രാമ്പൂ -ആറെണ്ണം
കുരുമുളക് പൊടി -അര ടീസ്പൂണ്‍
കടുക്, മഞ്ഞള്‍ -ഒരു ടീസ്പൂണ്‍ വീതം
പട്ട -ഒരു കഷണം
ഏലക്ക -അഞ്ചെണ്ണം
എണ്ണ -ഒന്നര കപ്പ്
സവാള -നാലെണ്ണം പൊടിയായരിഞ്ഞത്
മുട്ട -രണ്ടെണ്ണം
മൈദ -നാല് ടേ.സ്പൂണ്‍
മല്ലിയില, ജീരകം -ഒരു ടീസ്പൂണ്‍ വീതം
കശകള്‍, മല്ലി -രണ്ട് ടേ. സ്പൂണ്‍ വീതം
മല്ലിയില -കുറച്ച്, അലങ്കരിക്കാന്‍
തൈര് -ഒന്നേകാല്‍ കപ്പ്
വെളുത്തുള്ളി -ആറ് അല്ലി
ഇഞ്ചി -രണ്ട് കഷണം
ഉപ്പ് -പാകത്തിന്

പാകംചെയ്യുന്ന വിധം:
മീന്‍ വലിയ ഒരു പാത്രത്തില്‍ ഇടുക. ഇതില്‍ ബേലീഫ്, ഗ്രാമ്പൂ, കുരുമുളക്, പട്ട, ഏലക്ക, ഉപ്പ് എന്നിവ ചേര്‍ത്ത് 500 മി.ലി. വെള്ളമൊഴിച്ച് തിളപ്പിക്കുക. ചെറുതീയില്‍ അടച്ചുവെച്ച് വേവിക്കുക. വാങ്ങി മീന്‍കഷണങ്ങള്‍ മാറ്റി മുള്ള് മാറ്റുക. ഇനിയത് നന്നായി ഉടക്കുക.

ഒരു ടേ.സ്പൂണ്‍ എണ്ണ ഒരു പാനില്‍ ഒഴിച്ച് ചൂടാക്കി സവാളയില്‍ മൂന്നില്‍ ഒരുഭാഗമിട്ട് പൊന്‍നിറമാകും വരെ വഴറ്റുക. ഇതില്‍ മുട്ട, മൈദ, മല്ലിയില, ഒരു ടീസ്പൂണ്‍ ഇഞ്ചി അരച്ചത് എന്നിവ ചേര്‍ത്ത് വെക്കുക. കൈയില്‍ എണ്ണ തടവുക. ഇത് ചെറു ഉരുളകളാക്കി മാറ്റുക. ഇവ ചൂടെണ്ണയില്‍ വറുത്ത് കോരുക. നാല് ടേ. സ്പൂണ്‍ എണ്ണ ചൂടാക്കി മിച്ചമുള്ള സവാളയിട്ട് പൊന്‍നിറമാകും വരെ വറുക്കുക. ഒന്ന്-രണ്ട് മിനിറ്റ് ഇളക്കുക. രണ്ട്-നാല് ടീസ്പൂണ്‍ വെള്ളം തളിക്കാവുന്നതാണ്. വാങ്ങുക. ജീരകം, മല്ലി, കശകള്‍ എന്നിവ എണ്ണ ചേര്‍ക്കാതെ വറുത്ത് പൊടിച്ച് സവാളക്കൂട്ടില്‍ ചേര്‍ക്കുക. തൈര് അടിച്ചതും മഞ്ഞളുമായി ചേര്‍ക്കുക, എല്ലാം കൂടി ചേര്‍ത്ത് എണ്ണ തെളിയും വരെ അടുപ്പത്ത് വെച്ചശേഷം വാങ്ങുക. മീന്‍ വേവിച്ച വെള്ളം ഒഴിച്ച് 10 മിനിറ്റ് വേവിക്കുക. കൊഫ്തകള്‍ ചേര്‍ത്ത് 20-30 മിനിറ്റ് ചൂടാക്കി വാങ്ങി മല്ലിയിലയിട്ടലങ്കരിച്ച് ചോറിനൊപ്പം വിളമ്പുക.

[Read More...]

വെജിറ്റബിള്‍ പുലാവ്

വെജിറ്റബിള്‍ പുലാവ്

ചേരുവകൾ

1. ബസ്മതി അരി - രണ്ടു കപ്പ്
2. ഇഞ്ചി ചതച്ചത് -അരക്കഷണം
3. വെളുത്തുള്ളി ചതച്ചത് -ആറ് അല്ലി
4. കാരറ്റ് -രണ്ട് എണ്ണം
5. ബീന്‍സ് -50 ഗ്രാം
6. ഗ്രീന്‍പീസ് -50 ഗ്രാം
7. കോളിഫ്ളവര്‍ -പകുതി
8. ഉരുളക്കിഴങ്ങ് -ഒന്ന്
9. കറുവപ്പട്ട -രണ്ടു കഷണം
10. ഗ്രാമ്പൂ -അഞ്ച് എണ്ണം
11. കുരുമുളക് -ഒരു ടീസ്പൂണ്‍
12. ഏലക്ക -മൂന്ന് എണ്ണം
13. മുളകുപൊടി -ആവശ്യത്തിന്
14. മഞ്ഞള്‍പ്പൊടി -ആവശ്യത്തിന്
15. തക്കാളി -രണ്ട്
16. പച്ചമുളക് -രണ്ട്
17. മല്ലിച്ചപ്പ്, പുതീന -കാല്‍ കെട്ട്
18. കാപ്സിക്കം -ഒന്ന്

തയാറാക്കുന്നവിധം:

ചട്ടിയില്‍ എണ്ണ ഒഴിച്ച് ഇഞ്ചിയും വെളുത്തുള്ളിയും ചതച്ചത് ചേര്‍ത്ത് വഴറ്റുക. ഇതിലേക്ക് കാരറ്റ്, ബീന്‍സ്, ഉരുളക്കിഴങ്ങ്, ഗ്രീന്‍പീസ്, കോളിഫ്ളവര്‍ എന്നിവ ഇട്ട് മൂന്നു മിനിറ്റ് വേവിക്കുക. പൊടിച്ച കറുവപ്പട്ട, ഗ്രാമ്പൂ, കുരുമുളക്, ഏലക്ക എന്നിവ ഒരു കിഴികെട്ടി ഇതില്‍ ഇടുക. ഇതില്‍ ബസുമതി അരി ഇട്ട് വഴറ്റി മുളകുപൊടി, മഞ്ഞള്‍പ്പൊടി, ഉപ്പ് എന്നിവ ചേര്‍ത്ത് മൂന്നര കപ്പ് വെള്ളം ഒഴിച്ച് ആറ് മിനിറ്റ് വേവിക്കുക. മുക്കാല്‍ വേവാകുമ്പോള്‍ അടുപ്പില്‍നിന്ന് ഇറക്കണം. ഇതില്‍ പച്ചമുളക്, തക്കാളി, മല്ലിച്ചപ്പ്, പുതീന എന്നിവ അരിഞ്ഞിട്ട് ദം ചെയ്യുക. കാരറ്റും കാപ്സിക്കവും ചെറുതായരിഞ്ഞ് അലങ്കരിച്ച് ചൂടോടെ ഉപയോഗിക്കാം.

[Read More...]

കൂണ്‍ പുലാവ്

കൂണ്‍ പുലാവ്

ചേരുവകൾ

1. ബസ്മതി അരി -500 ഗ്രാം
2. കൂണ്‍ അരിഞ്ഞത് -200 ഗ്രാം
3. ഗ്രീന്‍പീസ് -100 ഗ്രാം
4. കാരറ്റ് അരിഞ്ഞത് -അരക്കപ്പ്
5. സവാള അരിഞ്ഞത് -മൂന്ന് എണ്ണം
6. പച്ചമുളക് -മൂന്ന് എണ്ണം
7. തക്കാളി -രണ്ട് എണ്ണം
8. ബീന്‍സ് അരിഞ്ഞത് -അരക്കപ്പ്
9. നെയ്യ് -ആവശ്യത്തിന്
10. നാരങ്ങാനീര് -ഒരു ടീസ്പൂണ്‍
11. മല്ലിയില, പൊതിന, ഉപ്പ് -ആവശ്യത്തിന്

തയാറാക്കുന്നവിധം:

എണ്ണ ചൂടാക്കി അതില്‍ പച്ചമുളക്, സവാള, കൂണ്‍ എന്നിവ വഴറ്റുക, കൂടെ തക്കാളിയും ചേര്‍ക്കുക. ഗ്രീന്‍പീസ് വേവിച്ചെടുക്കുക. അരി നന്നായി കഴുകിയശേഷം അല്‍പം നെയ്യൊഴിച്ച് ചെറുതായി വറുത്തെടുക്കുക. വറുത്ത അരിയില്‍ ഒരു കപ്പിന് ഒന്നരക്കപ്പ് എന്ന കണക്കില്‍ വെള്ളം ഒഴിച്ച് ഉപ്പുചേര്‍ത്ത് വേവിച്ചെടുക്കുക. ഈ ചോറില്‍ തയാറാക്കിവെച്ച മസാലയും നാരങ്ങാനീരും ഗ്രീന്‍പീസും ചേര്‍ത്ത് ഇളക്കിയെടുക്കുക. പൂലാവ് തയാര്‍.

[Read More...]

ചെമ്മീന്‍ പുലാവ്

ചെമ്മീന്‍ പുലാവ്

ചേരുവകൾ

1. ബസ്മതി അരി -ഒരു കിലോഗ്രാം
2. ചെമ്മീന്‍ അര -കിലോഗ്രാം
3. നെയ്യ് -രണ്ട് ടേബ്ള്‍ സ്പൂണ്‍
4. തക്കാളി അരിഞ്ഞത് -ഒരു കപ്പ്
5. ഇഞ്ചി അരിഞ്ഞത് -ഒരു ടീസ്പൂണ്‍
6. മുളകുപൊടി -ഒരു ടീസ്പൂണ്‍
7. മഞ്ഞള്‍പ്പൊടി -ഒരു ടീസ്പൂണ്‍
8. മല്ലിപ്പൊടി -ഒരു ടേബ്ള്‍ സ്പൂണ്‍
9. ഗരംമസാലപ്പൊടി -രണ്ട് ടീസ്പൂണ്‍
10. സവാള അരിഞ്ഞത് -അരക്കപ്പ്
11. പാചക എണ്ണ -അരക്കപ്പ്
12. പച്ചമുളക് -നാല് എണ്ണം
13. അണ്ടിപ്പരിപ്പ് -പത്ത് ഗ്രാം
14. കിസ്മിസ് -അഞ്ച് ഗ്രാം
15. ഗ്രാമ്പൂ -നാല് എണ്ണം
16. കറുവപ്പട്ട -രണ്ടു കഷണം
17. ഉപ്പ് -പാകത്തിന്

തയാറാക്കുന്നവിധം:

ചെമ്മീനില്‍ കുറച്ച് ഗരംമസാലയും ഉപ്പും മുളകുപൊടിയും മഞ്ഞള്‍പ്പൊടിയും ചേര്‍ത്ത് വേവിച്ച് മാറ്റിവെക്കുക. ചീനച്ചട്ടിയില്‍ എണ്ണ ഒഴിച്ച് സവാള, തക്കാളി, ഇഞ്ചി എന്നിവ ഓരോന്നായി ഇട്ട് വഴറ്റുക. പച്ചമണം മാറിയാല്‍ മസാല ചേര്‍ക്കാം. ഇതില്‍ ചെമ്മീനിട്ട് ഇളക്കണം. വേറൊരു ചട്ടിയില്‍ കറുവപ്പട്ട, ഗ്രാമ്പൂ എന്നിവ നെയ്യില്‍ മൂപ്പിച്ച് ഇതില്‍ കഴുകിയ അരി ഇട്ട് ഇളക്കുക. അരി മൂത്ത ശേഷം ഒന്നിന് ഒന്നര കപ്പ് എന്ന കണക്കില്‍ തിളച്ച വെള്ളം ഒഴിച്ച് മുക്കാല്‍ വേവില്‍ ഇറക്കിവെക്കുക. മറ്റൊരു പാത്രത്തില്‍ കൊഞ്ച് മസാലയും അതിന്‍െറ മീതെ ചോറും എന്ന രീതിയില്‍ അടുക്കടുക്കായി ഇട്ട ശേഷം രണ്ടുമിനിറ്റ് ചെറുചൂടില്‍ വേവിക്കുക. നെയ്യില്‍ വറുത്തുകോരിയ അണ്ടിപ്പരിപ്പും കിസ്മിസും വെച്ച് അലങ്കരിച്ച് ചൂടോടെ വിളമ്പാം.

[Read More...]

മട്ടന്‍ പുലാവ്

മട്ടന്‍ പുലാവ്

1. എല്ളോടുകൂടിയ ആട്ടിറച്ചി -ഒരു കിലോഗ്രാം
2. പാചക എണ്ണ -20 മില്ലിലിറ്റര്‍
3. ഗരംമസാല -പത്തു ഗ്രാം
4.നെയ്യ് -100 ഗ്രാം
5. ഇഞ്ചി വെളുത്തുള്ളി പേസ്റ്റ് -50 ഗ്രാം
6. സവാള അരിഞ്ഞത് -250 ഗ്രാം
7. പച്ചമുളക് നെടുകെ പിളര്‍ന്നത് -പത്ത് എണ്ണം
8. മല്ലിയില കൊത്തിയരിഞ്ഞത് -ഒരു തണ്ട്
9. പുതിന -കുറച്ച്
10. തൈര് -100 മില്ലിലിറ്റര്‍
11. ബസുമതി അരി -ഒരു കിലോഗ്രാം
12. തക്കാളി (ചെറുകഷണങ്ങള്‍) -150 ഗ്രാം
13. മുളകുപൊടി -മൂന്നു ടേബ്ള്‍ സ്പൂണ്‍
14. മല്ലിപ്പൊടി -രണ്ടു ടേബ്ള്‍ സ്പൂണ്‍
15. ഗരംമസാല -ഒരു ടേബ്ള്‍ സ്പൂണ്‍
16. മഞ്ഞള്‍പ്പൊടി -ഒരു ടേബ്ള്‍ സ്പൂണ്‍
17. വെള്ളം അരിയുടെ അളവിന് തുല്യം
18. ഉപ്പ് -പാകത്തിന്

തയാറാക്കുന്നവിധം:

അരി ഒരു പാത്രത്തില്‍ അളന്ന് എടുക്കുക. കഴുകി വൃത്തിയാക്കി വെള്ളം വാലാന്‍ വെക്കുക. അരിയുടെ അതേ അളവില്‍ വെളളം എടുത്തുവെക്കുക. ഒരു പാത്രത്തില്‍ എണ്ണ ചൂടാക്കുക. ഗരംമസാല, ഉള്ളി, പച്ചമുളക് എന്നിവ നന്നായി വഴറ്റുക. അതിലേക്ക് വെളുത്തുള്ളി ഇഞ്ചി മിശ്രിതം മുളകുപൊടി, മഞ്ഞള്‍പ്പൊടി, മല്ലിപ്പൊടി എന്നിവ ചേര്‍ത്ത് വഴറ്റുക. അതിലേക്ക് മുറിച്ചുവെച്ച ആട്ടിറച്ചി ചേര്‍ക്കുക. അതിനൊപ്പം കൊത്തിയരിഞ്ഞ മല്ലിയില, പൊതിന, ആവശ്യത്തിന് ഉപ്പ് എന്നിവ ചേര്‍ക്കുക. കട്ടയുടച്ച തൈര് ചേര്‍ത്ത് ആട്ടിറച്ചി പകുതി പാകമാകുംവരെ വേവിക്കുക. അളന്നുവെച്ച വെള്ളമൊഴിച്ചശേഷം മസാലക്കൂട്ടില്‍ അരി ഇട്ട് പത്തു 15 മിനിറ്റ് ചെറുചൂടില്‍ വേവിക്കുക. അടിയില്‍ പിടിക്കാതെ നോക്കണം. ചോറിന് മുകളില്‍ നെയ്യ്, ഗരംമസാലപ്പൊടി എന്നിവ ചേര്‍ത്ത് ദം ചെയ്യുക. വറുത്ത ഉള്ളി മേമ്പൊടി ചേര്‍ത്ത് അലങ്കരിച്ച് വിളമ്പാം.

[Read More...]

Chicken Pagoda

Chicken Pakoda  / Murgh Pakoda

Ingredients

Boneless chicken - 250 g
Gram flour - 200 g
Turmeric powder - a pinch
Lemon juice - 1 tbsp
Ginger garlic paste - 1 tbsp
Red chilly powder - 1 ½ tbsp
Garam masala powder - ½ tbsp Oil to fry
Salt to taste
Fresh curry and coriander leaves

Method

Make marinade with turmeric powder, lemon juice, ginger garlic paste and salt.

Marinate the chicken pieces for 30 mins.

Take a bowl and add gram flour, red chilly powder, garam masala powder, chopped curry and coriander leaves.

Add little water and make a thick batter.

Transfer the marinated chicken pieces to this batter and combine well.

Keep it aside for 5 mins.

Heat oil in a frying pan.

Drop small portions of the chicken with batter into hot oil.

Deep fry it , until it turns golden and crisp.



Serve hot with green chutney or tomato ketch up..

[Read More...]

പെപ്പര്‍ ചിക്കന്‍

ആവശ്യമായ സാധനങ്ങള്‍

• കോഴി ഒരു കിലോ മുറിച്ചു വൃത്തി ആക്കിയത്. 
• ഒരു രണ്ടു സവാള അരിഞ്ഞത്.
• നാല് പച്ച മുളക്.
• ഒരു ചെറു തക്കാളി.
• വെളുത്തുള്ളിയും(ആറ് ഏഴ് അല്ലി) ഇഞ്ചിയും ഒന്നിച്ചു മിക്‌സിയില്‍ അടിച്ചത്.
• മല്ലിപ്പൊടി
• ഗരംമസാല
• കുരുമുളക് പൊടിച്ചത്

തയ്യാറാക്കുന്ന വിധം

വൃത്തിയാക്കി വച്ച ചിക്കന്‍ കഷണങ്ങള്‍ ഒരു പാത്രത്തില്‍ കുറച്ച് വെള്ളവും കാല്‍ സ്പൂണ്‍ മഞ്ഞള്‍ പൊടിയും ചേര്‍ത്തു ഇളക്കി മീഡിയം തീയില്‍ വേവിച്ചു എടുക്കുക . വേവ് ഒരു പരുവം ആകുമ്പോ അതില്‍ അരച്ച് വച്ചിരിക്കുന്ന വെളുത്തുള്ളി ഇഞ്ചി പേസ്റ്റ് ചേര്‍ക്കുക.

ഇനി ചീന ചട്ടിയില്‍ എണ്ണ ഒഴിച്ച് ചൂടാക്കി അതില്‍ സവാള വഴറ്റുക. പച്ച മുളകും തക്കാളിയും പിന്നാലെ ചേര്‍ത്തു വഴറ്റണം. റെഡി ആകുമ്പോ അതില്‍ ഒരു അര സ്പൂണ്‍ മല്ലി പൊടി , ഒരു സ്പൂണ്‍ ഗരം മസാല, രണ്ടു സ്പൂണ്‍ കുരുമുളക് പൊടിച്ചത് എന്നിവ ചേര്‍ത്തു ഒന്ന് ചെറുതായ് ചൂടാക്കി വെന്ത കോഴിയിലേക്ക് ചേര്‍ക്കുക. ആവശ്യത്തിനു ഉപ്പുമിട്ട് നന്നായി ഇളക്കി യോജിപ്പിച്ചു ചെറു തീയില്‍ അടച്ചു വച്ച് വീണ്ടും ശരിക്കും വേവ് ആകും വരെ വേവിച്ചു എടുക്കുക.

പെരും ജീരകം കൈയിലിട്ട് പൊടിച്ചു ഇതിലേക്ക് ചേര്‍ക്കുക. കറിവേപ്പില കഴുകി തയ്യാറാക്കി വച്ചിരിക്കുന്ന ചിക്കനിലേക്ക് ഇടുക. ഇതില്‍ ഇട്ടു വാങ്ങാനും മറക്കരുത്.

(Via: malayaleevision)

[Read More...]

ചീരയില കോഴിമുട്ട തോരന്‍

ചീരയില കോഴിമുട്ട തോരന്‍

ആവശ്യമായ സാധനങ്ങള്‍ 

ചീരയില അരിഞ്ഞത്  2  കപ്പ്

തേങ്ങ ചുരണ്ടിയത്  ഒരു കപ്പ്

പച്ചമുളക്  5 എണ്ണം

ഉള്ളി   4 ചുള

കടുക്  ഒരു ടീസ്പൂണ്‍

കറിവേപ്പില 2 തണ്ട്

കോഴിമുട്ട 3 എണ്ണം

മഞ്ഞള്‍പ്പൊടി  അര ടീസ്പൂണ്‍

വെളിച്ചെണ്ണ 2 ടീസ്പൂണ്‍

മുളകുപൊടി  ഒരു ടീസ്പൂണ്‍

കുരുമുളക്  4 എണ്ണം

ഉപ്പ് പാകത്തിന്

പാകം ചെയ്യുന്ന വിധം

ചീരയില നന്നായി അരിഞ്ഞ് വെള്ളം വാലാന്‍ വയ്ക്കുക. തേങ്ങയും പച്ചമുളകും രണ്ടു ചുള ഉള്ളിയും മുളകുപൊടിയും കുരുമുളകും അരകല്ലില്‍ വച്ച് അരച്ചൊതുക്കിയെടുക്കുക. ചീനച്ചട്ടിയില്‍ എണ്ണയൊഴിച്ച്  കടുകു വറുത്ത് രണ്ടു ചുള ഉള്ളി അരിഞ്ഞിട്ട് മൂപ്പിച്ചശേഷം ചീരയിലയും അരപ്പും ഇട്ട് നന്നായി ഇളക്കി മൂടിവച്ച് വേവിക്കുക. അതിനു ശേഷം മൂടി മാറ്റി നന്നായി ഇളക്കി തോര്‍ത്തിക്കഴിഞ്ഞ് മുട്ട ഉടച്ച് ഇതിലൊഴിച്ച് നന്നായി ഇളക്കി യോജിപ്പിച്ച് വാങ്ങുക.

                                                                                                                                            (Via: malayaleevision)

[Read More...]

മലബാര്‍ രുചിയുള്ള ചെമ്മീന്‍ ഉണ്ട

മലബാര്‍ രുചിയുള്ള ചെമ്മീന്‍ ഉണ്ട

ആവശ്യമായ സാധനങ്ങള്‍ 

പൊരിച്ച ചെമ്മീന്‍ - 200 ഗ്രാം 

വലിയ ഉള്ളി - 2 

പച്ചമുളക് - 4 

ഇഞ്ചി അരച്ചത് - 1 ടീസ്പൂണ്‍ 

വെളുത്തുള്ളി അരച്ചത് - 1 ടീസ്പൂണ്‍ 

മുളക്‌പൊടി - 1/2 ടീസ്പൂണ്‍ 

മഞ്ഞള്‍പൊടി- 1 നുള്ള് 

പെരുഞ്ചീരകം പൊടിച്ചത് - 1 നുള്ള് 

മല്ലിയില, കറിവേപ്പില - ചെറുതായി അരിഞ്ഞത് കുറച്ച് തേങ്ങ ചിരവിയത് - 1/2 കപ്പ് 

വെളിച്ചെണ്ണ - 2 ടേബിള്‍സ്പൂണ്‍ 

വറുത്ത അരിപ്പൊടി - 1 കപ്പ് 

ഉപ്പ് - ആവശ്യത്തിന് 

തയ്യാറാക്കുന്ന വിധം 

ചെമ്മീന്‍ നന്നായി കഴുകിയെടുത്ത് മഞ്ഞള്‍പൊടി, മുളക്‌പൊടി, ഉപ്പ് എന്നിവ ചേര്‍ത്ത് വേവിച്ചെടുക്കുക. (ചെമ്മീന്‍ വലുതാണെങ്കില്‍ ചെറുതായി മുറിച്ചെടുക്കണം) വെളിച്ചെണ്ണ ചൂടാകുമ്പോള്‍ വലിയ ഉള്ളി, പച്ചമുളക് എന്നിവ ചേര്‍ത്ത് നന്നായി വഴറ്റുക. ഇതിലേക്ക് വെളുത്തുള്ളി അരച്ചത്, ഇഞ്ചി അരച്ചത് എന്നിവ ചേര്‍ത്തിളക്കി, വേവിച്ചെടുത്തചെമ്മീന്‍ ചേര്‍ത്ത് വഴറ്റിയെടുക്കുക. ഇതിലേക്ക് പെരുഞ്ചീരകപ്പൊടിയും തേങ്ങ ചിരവിയതും ചേര്‍ത്ത് മൊരിച്ച് വഴറ്റി മാറ്റിവെയ്ക്കുക. 

അരിപ്പൊടിയില്‍ ആവശ്യത്തിന് ഉപ്പ് ചേര്‍ത്ത് ചൂടുവെള്ളമുപയോഗിച്ച് കുഴച്ച് മാവാക്കിയെടുക്കുക. ഇത് ഒരു ചെറുനാരങ്ങാവലുപ്പത്തില്‍ ഉരുളകളാക്കി, ചെറുതായൊന്ന് പരത്തി അതില്‍ കുറച്ച് ചെമ്മീന്‍ മസാല വെച്ച് ഉരുട്ടിയെടുക്കുക. ഈ ഉരുളകള്‍ അപ്പച്ചെമ്പില്‍ വെച്ച് ആവി കയറ്റി വേവിച്ചെടുക്കുക.

(Via: malayaleevision)

[Read More...]

ടൊമാറ്റോ സോസ്

ടൊമാറ്റോ സോസ്

ചേരുവകള്‍:

തക്കാളി: ഒന്നര കിലോ  

പഞ്ചസാര: 200ഗ്രാം  

വിനാഗിരി: 300 മില്ലി  

സവാള: ഇടത്തരം രണ്ടെണ്ണം  

ഗ്രാമ്പൂ: രണ്ടെണ്ണം  

വറ്റല്‍മുളക്: നാലെണ്ണം  

കറുവാപ്പട്ട: ഒരു നല്ല കഷണം  

ജാതിക്കാപൊടി: ഒരു നുള്ള്  

ജീരകം: കാല്‍ ടീസ്പൂണ്‍  

കുരുമുളക്: കാല്‍ ടീസ്പൂണ്‍  

ഏലക്ക: രണ്ടെണ്ണം  

വെളുത്തുള്ളി: ആറെണ്ണം  

ഇഞ്ചി: ഒരു ചെറിയ കഷ്ണം  

ഉപ്പ്: പാകത്തിന്  

തയ്യാറാക്കുന്ന വിധം:

തക്കാളി ചെറുതായി അരിഞ്ഞ് പ്രഷര്‍ കുക്കറില്‍ വയ്ക്കുക. വെള്ളം ചേര്‍ക്കരുത്. തക്കാളിയുടെ ഒപ്പം തന്നെ, ഗ്രാമ്പൂ മുതല്‍ ഏലക്കാ വരെയുള്ളവ ചതച്ച് കിഴികെട്ടി ഇടുക. സവാളയും അരിഞ്ഞ് കിഴിയിലാക്കി തക്കാളിയുടെ ഒപ്പം ഇടുക. തക്കാളി നന്നായി വേവുന്നതിനായി അഞ്ചോ ആറോ തവണ വിസില്‍ അടിപ്പിക്കുക. കുക്കര്‍ അടുപ്പില്‍ നിന്നിറക്കി തണുക്കാന്‍ വയ്ക്കുക. തണുത്തതിനു ശേഷം കിഴികള്‍ രണ്ടും പരമാവധി പിഴിഞ്ഞ് നീര് തക്കാളിയിലേക്ക് ഒഴിച്ചത്തിനു ശേഷം മാറ്റുക. വെന്ത തക്കാളി മിക്സി ഉപയോഗിച്ച് ഏറ്റവും മൃദുവായി അരയ്ക്കുക. അതിനുശേഷം വീണ്ടും അടുപ്പില്‍ വച്ച്, വെളുത്തുള്ളി, ഇഞ്ചി എന്നിവ തരിയില്ലാതെ അരച്ചത്‌ ചേര്‍ക്കുക. തുടര്‍ന്ന്, പഞ്ചസാര ചേര്‍ത്ത് അടിയില്‍ പിടിക്കാതെ തിളയ്ക്കുന്നത് വരെ ഇളക്കുക. ശേഷം വിനാഗിരി ചേര്‍ത്ത് അഞ്ചുമിനിറ്റ് തിളപ്പിച്ചതിനു ശേഷം വാങ്ങി വയ്ക്കുക. തണുത്തതിനു ശേഷം ഫ്രിഡ്ജില്‍ സൂക്ഷിക്കുക.

via: (Vinod Nellackal)

[Read More...]

കാരമല്‍ കേക്ക്

ആവശ്യമായ സാധനങ്ങള്‍

• മൈദ -രണ്ടേകാല്‍ കപ്പ്
• വെണ്ണ -ഒരു കപ്പ്
• പഞ്ചസാര -ഒന്നര കപ്പ്
• വാനില എസന്‍സ് -ഒന്നര കപ്പ്
• ബേക്കിങ് പൗഡര്‍ -ഒരു ടീസ്പൂണ്‍
• സോഡപ്പൊടി -അര ടീസ്പൂണ്‍
• ഓറഞ്ച് ജ്യൂസ് -ഒരു ടീസ്പൂണ്‍
• പഞ്ചസാര കരിച്ച സിറപ് -ആവശ്യത്തിന്
• കശുവണ്ടി നുറുക്ക് -അല്‍പം
• കിസ്മിസ് -അല്‍പം
• മുട്ട -മൂന്ന്

പാകം ചെയ്യുന്ന വിധം:

മൈദയില്‍ ബേക്കിങ് പൗഡറും സോഡപ്പൊടിയും അരച്ചെടുക്കുക. വെണ്ണയും പഞ്ചസാര പൊടിച്ചതും നന്നായി ബീറ്റര്‍ കൊണ്ടടിച്ചശേഷം മുട്ട ഓരോന്നായി ചേര്‍ത്തടിക്കണം. ഇതിലേക്ക് തയാറാക്കിവെച്ചിരിക്കുന്ന മൈദ കുറേശ്ശ സ്പൂണ്‍ കൊണ്ടിളക്കി ചേര്‍ക്കുക. കളര്‍ വേണ്ടതുപോലെ കാരമല്‍ ചേര്‍ക്കണം. ഓറഞ്ചുനീരും വാനില എസന്‍സും ചേര്‍ത്തിളക്കണം. എല്ലാം ചേര്‍ത്തുകഴിഞ്ഞശേഷം അയവു പാകമായില്ളെങ്കില്‍ അല്‍പം പാല്‍കൂടി ചേര്‍ക്കാം. കശുവണ്ടിയും കിസ്മിസും ചേര്‍ത്തിളക്കണം. ബേക്കിങ് ട്രേയില്‍ വെണ്ണ പുരട്ടി മാവ് തൂവുക. കേക്ക് കൂട്ടൊഴിച്ച് ചൂടാക്കിയ ഓവനില്‍ 190 ഡിഗ്രി ചൂടില്‍ ബേക് ചെയ്തെടുക്കുക.

[Read More...]

പോര്‍ക്ക്‌ റോസ്റ്റ്‌

പോര്‍ക്ക്‌ റോസ്റ്റ്‌

 ചേരുവകള്‍

പോര്‍ക്ക്‌ – കിലോ
വെളുത്തുള്ളി ചതച്ചത് – 2 ടേബിള്‍സ്പൂണ്‍
ഇഞ്ചി ചതച്ചത് – 2 ടേബിള്‍സ്പൂണ്‍
പച്ചമുളക് ചതച്ചത് – 15 എണ്ണം
മഞ്ഞള്‍പ്പൊടി – 3 ടീസ്പൂണ്‍
മുളക്പൊടി – 2 ടേബിള്‍സ്പൂണ്‍
മല്ലിപ്പൊടി – 2 ടേബിള്‍സ്പൂണ്‍
കുരുമുളക്പൊടി – 2 ടേബിള്‍സ്പൂണ്‍
ചെറിയ ഉള്ളി നെടുകെ അരിഞ്ഞത് – 3 കപ്പ്‌
തേങ്ങാക്കൊത്ത് – ഒരു പിടി
കറിവേപ്പില – ഒരു പിടി
വെളിച്ചെണ്ണ – 2 ടേബിള്‍സ്പൂണ്‍

തയ്യാറാക്കുന്ന വിധം

പോര്‍ക്ക് കഴുകി വൃത്തിയാക്കി, ഒരിഞ്ചു കഷ്ണങ്ങള്‍ ആയി മുറിയ്ക്കുക. എല്ലാ കഷണങ്ങളിലും തോലും ഇറച്ചിയും ഉണ്ടാവണം. വെളുത്തുള്ളി, ഇഞ്ചി, പച്ചമുളക് എന്നിവ ചതച്ചതും, രണ്ടു ടീസ്പൂണ്‍ മഞ്ഞള്‍പ്പൊടിയും ആവശ്യത്തിന് ഉപ്പും ഒരു ഗ്ലാസ്‌ വെള്ളവും ചേര്‍ത്ത് ഇളക്കി 45 മിനിറ്റ് അടച്ചു വച്ച് വേവിക്കുക.

മുളക്പൊടി, മല്ലിപ്പൊടി, കുരുമുളക്പൊടി എന്നിവയും ബാക്കിയുള്ള ഒരു ടീസ്പൂണ്‍ മഞ്ഞള്‍പ്പൊടിയും ഒരു പാന്‍ ചൂടാക്കി അതില്‍ ഒന്ന് വറുത്തെടുക്കുക. പോര്‍ക്ക് വെന്തു കഴിയുമ്പോള്‍ ഈ മസാലയും, തേങ്ങാക്കൊത്തും, കറിവേപ്പിലയും ചേര്‍ത്ത് ഇളക്കി ചെറുതീയില്‍ പത്തു മിനുറ്റ് വേവിക്കുക.

മറ്റൊരു പാത്രത്തില്‍ എണ്ണ ചൂടാക്കി ചുവന്നുള്ളി നന്നായി വഴറ്റി എടുക്കുക. ഇത് പോര്‍ക്കിലേക്ക് ചേര്‍ത്ത് ഇളക്കുക. പോര്‍ക്ക്‌ റോസ്റ്റ്‌ റെഡി ചോറ്, ചപ്പാത്തി, നെയ്ചോര്‍ എന്നിവയുടെ കൂടെ കഴിക്കാം.

[Read More...]

മാങ്ങാ പച്ചടി

മാങ്ങാ പച്ചടി

ചേരുവകള്‍

മാങ്ങാ – ഒരെണ്ണം
ഇഞ്ചി – ഒരു ചെറിയ കഷണം
ചെറിയ ഉള്ളി – 12 അല്ലി
പച്ചമുളക് – 3 എണ്ണം
തേങ്ങാ – അര കപ്പ്‌
കടുക്‌ – കാല്‍ ടീസ്പൂണ്‍
കറിവേപ്പില – 2 തണ്ട്
വെളിച്ചെണ്ണ – 2 ടേബിള്‍സ്പൂണ്‍
ഉപ്പ് – പാകത്തിന്

തയ്യാറാക്കുന്ന വിധം

മാങ്ങ തീരെ ചെറുതായി കൊത്തി അരിഞ്ഞു ഉപ്പ് പുരട്ടി വയ്ക്കുക. ഉള്ളി, ഇഞ്ചി, പച്ചമുളക് ഇവ ചെറുതായി അരിഞ്ഞെടുക്കുക. തേങ്ങാ കടുക് ചേര്‍ത്ത് അല്‍പ്പം വെള്ളം ഒഴിച്ച് നന്നായി അരച്ചെടുക്കുക. ഒരു ചീനച്ചട്ടിയില്‍ എണ്ണ ഒഴിച്ച് ചൂടാകുമ്പോള്‍ കടുക് പൊട്ടിക്കുക. ഇതിലേക്ക് അരിഞ്ഞു വച്ചിരിക്കുന്ന ഉള്ളി, ഇഞ്ചി, പച്ചമുളക് എന്നിവ ചേര്‍ത്ത് വഴറ്റുക. തേങ്ങാ അരച്ചത്‌ ഇതിലേക്ക് ചേര്‍ത്ത് ചൂടാക്കി എടുക്കുക. അരിഞ്ഞു വച്ചിരിക്കുന്ന മാങ്ങയിലേക്ക് ഈ കൂട്ട് ചേര്‍ത്ത് നന്നായി യോജിപ്പിച്ചെടുക്കുക. കറിവേപ്പില കൊണ്ട് അലങ്കരിച്ചു വിളമ്പാം.

[Read More...]

കൂണ്‍ തോരന്‍

കൂണ്‍ തോരന്‍

ചേരുവകള്‍

കൂണ്‍  - അര കിലോ
തേങ്ങാ – ഒരു മുറി
മഞ്ഞള്‍പ്പൊടി – അര ടീസ്പൂണ്‍
കാന്താരി മുളക് – 12 എണ്ണം അല്ലെങ്കില്‍ പച്ചമുളക് 4-5 എണ്ണം
ചെറിയ ഉള്ളി – 6 എണ്ണം
വെളുത്തുള്ളി – 3 അല്ലി
കറിവേപ്പില – 2 തണ്ട്
ഉപ്പ് – ആവശ്യത്തിന്

തയ്യാറാക്കുന്ന വിധം

കൂണ്‍ മണ്ണ് കളഞ്ഞു നന്നായി കഴുകി പിഴിഞ്ഞ് എടുക്കുക. ഇതിലേക്ക് മഞ്ഞള്‍പ്പൊടി, ഉപ്പ്, കറിവേപ്പില എന്നിവ ചേര്‍ത്ത് ഇളക്കി ഒരു ചട്ടിയില്‍ ചെറുതീയില്‍ വേവിക്കുക. വെള്ളം ചേര്‍ക്കരുത്. തേങ്ങാ, കാന്താരി മുളക്, ചെറിയ ഉള്ളി, വെളുത്തുള്ളി എന്നിവ ഒതുക്കി എടുക്കുക. ഇത് വെന്ത കൂണിലേക്ക് ചേര്‍ത്ത് ഇളക്കി വെള്ളം വറ്റുന്നത് വരെ ചെറുതീയില്‍ വേവിച്ച്‌ എടുക്കുക. വെള്ളം വറ്റി കഴിയുമ്പോള്‍ വാങ്ങുക. കൂണ്‍ തോരന്‍ തയ്യാര്‍.

[Read More...]

ആല്‍മണ്ട് സൂപ്പ്

ചേരുവകള്‍

• ബദാം വാട്ടിയത് -രണ്ട് കപ്പ്
• പാല്‍ -ഒരു കപ്പ്
• കുങ്കുമപ്പൂവ് -അല്‍പം
• ക്രീം -രണ്ട് ടേ.സ്പൂണ്‍
• ചിക്കന്‍ സ്റ്റോക് -മൂന്ന് കപ്പ്
• ജാതിക്ക -കാല്‍ ടീസ്പൂണ്‍
• ഉപ്പ്, കുരുമുളക് -പാകത്തിന്

തയാറാക്കുന്നവിധം:

ബദാം അരച്ച് (ഒന്നര കപ്പ്) വെക്കുക. ഇതില്‍ പാല്‍, കുങ്കുമപ്പൂവ്, ജാതിക്ക, എന്നിവ ചേര്‍ത്ത് 10 മിനിറ്റ് ചെറുതീയില്‍ വെക്കുക. ചിക്കന്‍ സ്റ്റോക് അല്ളെങ്കില്‍ വെള്ളം എന്നിവ ചേര്‍ക്കുക. ഉപ്പും കുരുമുളക് പൊടിയും ചേര്‍ത്ത് ഏഴ് മിനിറ്റ് തിളപ്പിക്കുക. ക്രീമും ബദാം അരിഞ്ഞതും (അരക്കപ്പ്) ചേര്‍ത്തലങ്കരിച്ച് ചൂടോടെ വിളമ്പുക.

[Read More...]

ക്രിസ്പി ചീസ് ബോള്‍സ്

ക്രിസ്പി ചീസ് ബോള്‍സ്

ചേരുവകൾ

ചീസ് ഗ്രേറ്റ് ചെയ്തത്-1 കപ്പ്

സവാള-1

പച്ചമുളക്-3

കുരുമുളകുപൊടി-അര ടീസ്പൂണ്‍

ബ്രെഡ്

ഉപ്പ്

മല്ലിയില

എണ്ണ

സവാള, മല്ലിയില എന്നിവ ചെറുതായി അരിയുക.

പാകം ചെയ്യുന്ന വിധം 

ഗ്രേറ്റ് ചെയ്ത ചീസില്‍ എണ്ണയൊഴികെയുള്ള എല്ലാ ചേരുവകളും ചേര്‍ത്തിളക്കുക. ബ്രെഡ് കഷ്ണങ്ങളുടെ ബ്രൗണ്‍ നിറത്തിലെ വശങ്ങള്‍ വെട്ടിക്കളയുക. ചീസ് കൂട്ട് അല്‍പമെടുത്ത് ഇതിനു നടുവില്‍ വയ്ക്കുക. നാലുവശത്തു നിന്നും ബ്രെഡ് ഉള്ളിലേക്കു മടക്കി ചീസ് ഉള്ളില്‍ വരത്തക്ക വിധത്തില്‍ ഉരുളയാക്കുക. അധികം വലുപ്പം വേണ്ട. ഇത്തരത്തില്‍ ചീസ്, ബ്രെഡ് എന്നിവയുപയോഗിച്ച് ചീസ് ബോളുകളുണ്ടാക്കുക. ഒരു പാനില്‍ എണ്ണ തിളപ്പിയ്ക്കുക. ഉരുളകള്‍ തിളയ്ക്കുന്ന എണ്ണയിലേക്കിട്ടു വറുത്തെടുക്കുക. ഇളം ബ്രൗണ്‍ നിറമാകുന്നതു വരെ ഇവ വറുക്കണം. ചീസ് ബോളുകള്‍ തയ്യാര്‍. സോസ് ചേര്‍ത്ത് ചൂടോടെ ഉപയോഗിക്കാം.

[Read More...]

ക്രിസ്പി ലീവ്സ് വിത്ത് റോസ്റ്റഡ് ബീഫ് സലാഡ്

ക്രിസ്പി ലീവ്സ് വിത്ത് റോസ്റ്റഡ് ബീഫ് സലാഡ്

പോഷക സമൃദ്ധമായ ഇലകളും ബീഫും ചേര്‍ന്ന എളുപ്പം തയാറാക്കാവുന്ന സലാഡാണിത്. ഭക്ഷണത്തിനൊരു നല്ല തുടക്കം നല്‍കാന്‍ കേമന്‍.

ചേരുവകള്‍

1. ബീഫ് അണ്ടര്‍കട്ട് -100 ഗ്രാം
2. ഐസ് ബര്‍ഗ് ലെറ്റ്യൂസ് -50 ഗ്രാം
3. റോമന്‍ ലെറ്റ്യൂസ് -50 ഗ്രാം
4. പാര്‍സ്ലി ലീവ്സ് -10 ഗ്രാം
5. ബ്ളാക് ഒലിവ് -പത്ത് എണ്ണം
6. ചെറി ടൊമാറ്റോ നടുമുറിച്ചത് -അഞ്ച്
7. ചതച്ച കുരുമുളക് -ഒരു ടീസ്പൂണ്‍
8. ഉപ്പ് -പാകത്തിന്

തയാറാക്കുന്നവിധം:

കുരുമുളക് ചതച്ചതിന്‍െറ പകുതിയും ഉപ്പും ബീഫ് അണ്ടര്‍കട്ടില്‍ നന്നായി പുരട്ടിവെക്കുക. ഓവന്‍ 150 ഡിഗ്രി ചൂടാക്കുക. അതില്‍ തയാറാക്കിവെച്ച ബീഫ് പത്തു മിനിറ്റ് റോസ്റ്റ് ചെയ്യുക. തണുക്കാനായി പുറത്തുവെക്കുക. അതിനുശേഷം രണ്ടുമുതല്‍ ആറു വരെയുള്ള ചേരുവകള്‍ പ്ളേറ്റില്‍വെച്ച് അലങ്കരിക്കുക. ഓവനില്‍ നിന്നെടുത്ത ബീഫ് ചെറുതായരിഞ്ഞ് പാത്രത്തില്‍വെക്കുക. അതിനുമുകളില്‍ കുരുമുളക് ചതച്ചത് വിതറി ഡ്രസിങ് തളിച്ച് വിളമ്പാം.

ഡ്രസിങ്ങിന്
1. ബാള്‍സമിക് വിനീഗര്‍ -രണ്ട് ടീസ്പൂണ്‍
2. ഒലിവ് ഓയില്‍ -രണ്ട് ടീസ്പൂണ്‍
3. വെളുത്തുള്ളി ചെറുതായരിഞ്ഞത് -കാല്‍ ടീസ്പൂണ്‍
4. മസ്റ്റാര്‍ഡ് പേസ്റ്റ് -കാല്‍ ടീസ്പൂണ്‍
5. ഉപ്പ് -പാകത്തിന്

ചേരുവകളെല്ലാം ഒന്നിച്ചാക്കി ഇളക്കിചേര്‍ത്താല്‍ ഡ്രസിങ് റെഡിയായി.

[Read More...]

ചിക്കന്‍ ഫ്രൈ

ചിക്കന്‍ ഫ്രൈ

കോഴി (ഇടത്തരം വലുപ്പമുള്ളത്) -ഒന്ന്
ഇഞ്ചി (അരച്ചത്) -ഒന്നര കഷണം
വെളുത്തുള്ളി (അരച്ചത്) -എട്ട് അല്ലി
മുട്ട -നാലെണ്ണം (അടിച്ചത്)
റൊട്ടിപ്പൊടി -ആവശ്യത്തിന്
ഉപ്പ് -പാകത്തിന്
എണ്ണ -വറുക്കാന്‍
കുരുമുളക് പൊടി -ഒരു ടേ.സ്പൂണ്‍

പാകംചെയ്യുന്ന വിധം:
അരച്ചുവെച്ച ഇഞ്ചിയും വെളുത്തുള്ളിയും ഉപ്പും തമ്മില്‍ യോജിപ്പിക്കുക. കോഴിയിറച്ചി ഇടത്തരം വലുപ്പമുള്ള കഷണങ്ങളാക്കി കഴുകി വൃത്തിയാക്കി ഈ അരപ്പും ചേര്‍ത്ത് പിടിപ്പിച്ച് കുരുമുളക് പൊടി വിതറി നന്നായിളക്കി വെക്കുക. ആവശ്യത്തിന് വെള്ളമൊഴിച്ച് വേവിച്ചു വാങ്ങുക. കഷണങ്ങള്‍ കോരിയെടുത്ത് മുട്ടയില്‍ മുക്കി, റൊട്ടിപ്പൊടിയില്‍ ഉരുട്ടി ചൂടെണ്ണയില്‍ വറുത്ത് കരുകരുപ്പാക്കി കോരുക.

[Read More...]

ചീസ് കേക്ക്

ചീസ് കേക്ക്

1. കേക്ക് (ഗീ കേക്ക്) -500 ഗ്രാം
2. ഓറഞ്ച് ജ്യൂസ് -അരക്കപ്പ്
3. ഫ്രഷ് ക്രീം -400 ഗ്രാം
4. ചീസ് സ്പ്രെഡ് -400 ഗ്രാം
5. പാല്‍ -അരക്കപ്പ്
6. പഞ്ചസാര -ആറ് ടേബ്ള്‍ സ്പൂണ്‍
7. ചെറുനാരങ്ങാ നീര് -ഒരു ടേബ്ള്‍സ്പൂണ്‍
8. ജലാറ്റിന്‍ -90 ഗ്രാം
9. വെള്ളം -അരക്കപ്പ്
10. വാനില എസ്സന്‍സ് -ഒരു ടീസ്പൂണ്‍
11. പൈനാപ്പിള്‍ -ഒരു ടിന്‍
12. പൈനാപ്പിള്‍ ജെല്ലി -ഒരു പാക്കറ്റ്

തയാറാക്കുന്നവിധം:

കേക്ക് ട്രേയില്‍ ബട്ടര്‍ പേപ്പര്‍ വിരിക്കുക. ഇതിലേക്ക് പൊടിച്ചുവെച്ച കേക്ക് മിശ്രിതം നിരത്തുക. ഇതിനുമുകളില്‍ ഓറഞ്ച് ജ്യൂസ് ഒഴിച്ച് ഫ്രിഡ്ജില്‍വെച്ച് തണുപ്പിക്കുക. ജലാറ്റിന്‍ അരക്കപ്പ് തിളച്ച വെള്ളത്തില്‍ നന്നായി അലിയിക്കുക. മൂന്നുമുതല്‍ ഏഴുവരെയുള സാധനങ്ങള്‍ ചേര്‍ത്ത് നന്നായി അടിക്കുക. ഇതിലേക്ക് അലിഞ്ഞ ജലാറ്റിനും വാനില എസ്സന്‍സും ചേര്‍ക്കുക. ഈ മിശ്രിതം തണുപ്പിച്ച കേക്ക് ട്രേയില്‍ ഒഴിച്ച് ഫ്രിഡ്ജില്‍ അരമണിക്കൂര്‍ വെക്കുക. അതിനുശേഷം പൈനാപ്പിള്‍ ഇതിന്‍െറ മീതെ നിരത്തുക. പിന്നീട് തയാറാക്കിവെച്ച ജെല്ലി ഒഴിക്കുക. ഇത് വീണ്ടും അരമണിക്കൂര്‍കൂടി ഫ്രിഡ്ജില്‍ വെക്കണം. പിന്നീട് പുറത്തെടുത്ത് മുറിച്ച് ഉപയോഗിക്കാം

 

[Read More...]

സ്വീറ്റ് സാൻവിച്ച്

സ്വീറ്റ്  സാൻവിച്ച്

         

[Read More...]

മലബാറി കറിവേപ്പില ചിക്കന്‍

മലബാറി കറിവേപ്പില ചിക്കന്‍

ചേരുവകള്‍

ചിക്കന്‍ - അരക്കിലോ ഇടത്തരം
കഷണങ്ങളാക്കിയത്‌
കറിവേപ്പില - ഏഴ്‌ തണ്ട്‌
തേങ്ങ ചിരവിയത്‌ - ഒരു കപ്പ്‌
നല്ല ജീരകം - ഒരു ടീസ്‌പൂണ്‍
കുരുമുളക്‌ - ഒന്നരടീസ്‌പൂണ്‍
ചെറിയ ഉള്ളി - ഒരു കപ്പ്‌ (ചെറുതായി മുറിച്ചത്‌)
ഇഞ്ചി, വെളുത്തുള്ളി - ഒരു ടീസ്‌പൂണ്‍ (ചതച്ചത്‌)
പച്ചമുളക്‌ - രണ്ടെണ്ണം (ചെറുതായരിഞ്ഞത്‌)
തക്കാളി - ഒരെണ്ണം (ചെറുതായ രിഞ്ഞത്‌)
മുളകുപൊടി - ഒരു ടീസ്‌പൂണ്‍
മഞ്ഞള്‍പ്പൊടി - കാല്‍ടീസ്‌പൂണ്‍
മല്ലിപ്പൊടി - ഒരു ടീസ്‌പൂണ്‍
ഉപ്പ്‌, എണ്ണ - ആവശ്യത്തിന്‌

തയാറാക്കുന്നവിധം

ചിക്കന്‍ കഷണങ്ങള്‍ കഴുകി വൃത്തിയാക്കി മുളകുപൊടി, മഞ്ഞള്‍പ്പൊടി, മല്ലിപ്പൊടി, ആവശ്യത്തിന്‌ ഉപ്പ്‌ എന്നിവ ചേര്‍ത്ത്‌ വേവിച്ച്‌ വയ്‌ക്കുക. കറിപ്പേില അല്‌പം എണ്ണയൊഴിച്ച്‌ വറുത്ത്‌ മാറ്റിവയ്‌ക്കുക. ഈ എണ്ണയില്‍ തന്നെ തേങ്ങ, ജീരകം, കുരുമുളക്‌ എന്നിവ ചേര്‍ത്ത്‌ വറുക്കുക. അധികം ചുവക്കാതെ വറുക്കണം. വറുത്ത തേങ്ങയും കറിവേപ്പിലയും ചേര്‍ത്തരച്ച്‌ വയ്‌ക്കുക.

ഒരു പാത്രത്തില്‍ എണ്ണയൊഴിച്ച്‌ ചൂടായാല്‍ ഇഞ്ചി, വെളുത്തുള്ളി എന്നിവ മൂപ്പിച്ച്‌ ചെറിയ ഉള്ളി, തക്കാളി, പച്ചമുളക്‌ ഇവയും ചേര്‍ത്ത്‌ വഴറ്റിയശേഷം കോഴി വെന്ത വെള്ളവും ചേര്‍ത്തിളക്കി അടച്ചുവച്ച്‌ തിളപ്പിക്കുക. അല്‌പം വെള്ളം വറ്റിയാല്‍ അരച്ച കൂട്ടും വേവിച്ച ചിക്കന്‍ കഷണങ്ങളും പാകത്തിന്‌ ഉപ്പും ചേര്‍ത്ത്‌ ചെറുതീയില്‍ 2 മിനിറ്റ്‌ വച്ച്‌ ചെറുതായി തിളയ്‌ക്കുമ്പോള്‍ ഇറക്കി ഉപയോഗിക്കാം.

[Read More...]

ചക്കപ്പഴം ചീസ് കേക്ക്

ചക്കപ്പഴം ചീസ് കേക്ക് 

[Read More...]